Adesh Shrivastava Son Anivesh Hits Father's Memorial in Mumbai Accident : दिवंगत संगीतकार आदेश श्रीवास्तव यांचा धाकटा मुलगा अनिवेश श्रीवास्तव याच्या कारला रविवारी (नोव्हेंबर 23) सकाळी मुंबईतील लोखंडवाला परिसरात अपघात झाला. अनिवेश चालवत असलेली रेंज रोव्हर (Range Rover) कार थेट रस्त्याच्या दुभाजकावर (डिवाइडर) आदळून गंभीर दुर्घटना घडली.
या अपघातात कार रस्त्याच्या दुभाजकावर आणि क्रॉसिंगवर असलेल्या एका स्मारक चिन्हाला धडकली, ज्यामुळे ते कोसळले. विशेष म्हणजे, हे स्मारक चिन्ह काही वर्षांपूर्वी याच चौकात आदेश श्रीवास्तव यांच्या नावावर चौक नामकरण झाल्यावर उभारले होते. म्हणजेच, अनिवेशने त्याच्या वडिलांच्या नावावर असलेल्या स्मारकालाच धडक दिली.
कसा झाला अपघात?
'जागृत महाराष्ट्र न्यूज'च्या रिपोर्टनुसार, अपघातग्रस्त झालेली लाल रंगाची रेंज रोव्हर कार हरियाणा राज्याच्या क्रमांकाची होती. हा अपघात रविवारी सकाळी लोखंडवाला येथे झाला. सोशल मीडियावर व्हायरल झालेल्या फोटोंमध्ये कारचे झालेले मोठे नुकसान स्पष्टपणे दिसत आहे.
( नक्की वाचा : Pune News : ऑपरेशनमध्ये भयंकर चूक! प्रसूतीनंतर पोटात टॉवेल, महिलेचा जीव गेला; पुण्यातील हॉस्पिटलला मोठा झटका )
रिपोर्टमध्ये हे देखील स्पष्ट करण्यात आले आहे की, ही कार आदेश श्रीवास्तव यांच्या पत्नी, अभिनेत्री विजेता पंडित यांच्या नावावर नोंदणीकृत आहे. अपघातस्थळावरून सोशल मीडियावर शेअर केलेल्या फोटोंमध्ये विजेता पंडित यांचा धाकटा मुलगा अनिवेश कारजवळ उभा असल्याचे दिसत आहे. या प्रकरणी अद्याप कोणतीही पोलिस तक्रार दाखल झाली आहे की नाही, याबाबत स्पष्ट माहिती मिळालेली नाही.
Anivesh Shrivastava destroys road name after Father in a bizzare incident
byu/FeedbackQueasy1295 inBollyBlindsNGossip
आदेश श्रीवास्तव कोण होते?
आदेश श्रीवास्तव हे एक प्रख्यात संगीतकार होते. त्यांनी 1980 च्या दशकात आर.डी. बर्मन आणि राकेश रोशन यांच्यासाठी ड्रमर म्हणून आपल्या करिअरला सुरुवात केली. 1990 च्या दशकात ते स्वतंत्र संगीतकार म्हणून काम करू लागले.त्यांना 1993 मध्ये 'कन्यादान' चित्रपटातून मोठे यश मिळाले.
त्यानंतर त्यांनी 'मेजर साब', 'चलते चलते', 'बागबान', 'अपहरण' आणि 'राजनीति' यांसारख्या अनेक सुपरहिट चित्रपटांसाठी संगीत दिले. 2005 मध्ये 'सा रे गा मा पा' या रियालिटी शोमध्ये परीक्षक (Judge) म्हणून त्यांना विशेष लोकप्रियता मिळाली.
( नक्की वाचा : Dharmendra Net Worth: धर्मेंद्र यांची एकूण संपत्ती किती? 100 एकर जागेत बनवलंय फार्म हाऊस, वाचा सर्व डिटेल्स )
आदेश श्रीवास्तव यांचे निधन कसे झाले?
आदेश श्रीवास्तव यांना 2010 मध्ये कॅन्सरचे (Cancer) निदान झाले होते आणि त्यांच्यावर किमोथेरपीसह उपचार सुरू होते. दुर्दैवाने, 2015 मध्ये त्यांना तिसऱ्यांदा कॅन्सरचा त्रास वाढला, ज्यामुळे त्यांना रुग्णालयात दाखल करावे लागले. त्याच वर्षी 5 सप्टेंबर रोजी, त्यांच्या 51 व्या वाढदिवसाच्या अवघ्या 5 दिवसांनंतर त्यांचे निधन झाले. संगीतकार म्हणून त्यांचा शेवटचा चित्रपट 'वेलकम बॅक' हा होता. जो त्याच आठवड्यात प्रदर्शित झाला होता.
