Central Railway Megablock: मध्य रेल्वेने (Central Railway) कर्जत स्थानक (Karjat Yard) पुनर्रचना कामासाठी (Yard remodelling) 'नॉन-इंटरलॉकिंग' (Non-Interlocking) नंतरची कामे पूर्ण करण्यासाठी 24.10.2025 (शुक्रवार) पासून 01.11.2025 (शनिवार) पर्यंत विशेष वाहतूक आणि पॉवर डे ब्लॉक जाहीर केला आहे. या ब्लॉकमुळे कर्जत-खोपोली (Karjat-Khopoli) मार्गावरील उपनगरीय (Suburban) लोकल गाड्यांच्या वेळापत्रकावर परिणाम होणार आहे, ज्यामुळे प्रवाशांना काही प्रमाणात गैरसोयीचा सामना करावा लागू शकतो.
ब्लॉकचा कालावधी आणि परिणाम
रेल्वेच्या पायाभूत सुविधांची देखभाल आणि सुरक्षिततेच्या दृष्टिकोनातून हे ब्लॉक आवश्यक आहेत. या 9 दिवसांदरम्यान ब्लॉकचे वेळापत्रक आणि उपनगरीय सेवांवर होणारा परिणाम खालीलप्रमाणे आहे
ब्लॉकची वेळ:
24.10.2025 आणि 27.10.2025 ते 01.11.2025 या दरम्यान: सकाळी 11.20 ते दुपारी 13.20 पर्यंत (2 तास).
25.10.2025 आणि 26.10.2025 या दिवशी: सकाळी 11.20 ते दुपारी 15.45 पर्यंत (4 तास 25 मिनिटे).
( नक्की वाचा : Mumbai Metro3: फक्त 1 'Hi' आणि तिकीट हातात! मुंबई मेट्रोचं WhatsApp वर मिळणार तिकीट, वाचा संपूर्ण पद्धत )
ब्लॉकचा विभाग
नागनाथ केबिन (Nagnath Cabin) - कर्जत या स्थानकांदरम्यान हा वाहतूक ब्लॉक घेण्यात येणार आहे.
उपनगरीय सेवांवर परिणाम
ब्लॉकच्या कालावधीत कर्जत - खोपोली दरम्यान कोणतीही उपनगरीय लोकल सेवा उपलब्ध असणार नाही.
रद्द होणाऱ्या लोकल
ब्लॉकच्या काही विशिष्ट दिवशी खालील उपनगरीय लोकल रद्द करण्यात आल्या आहेत:
24.10.2025, 25.10.2025, 28.10.2025 आणि 01.11.2025 रोजी रद्द होणाऱ्या लोकल:
ठिकाण सुटण्याची वेळ
कर्जत-खोपोली लोकल 12.00 वाजता
कर्जत-खोपोली लोकल 13.15 वाजता
खोपोली-कर्जत लोकल 11.20 वाजता
खोपोली-कर्जत लोकल 12.40 वाजता
इतर दिवसांसाठी (म्हणजे 26.10.2025, 27.10.2025, 29.10.2025 आणि 30.10.2025) कोणतीही उपनगरीय लोकल रद्द होणार नाही.
रेल्वे प्रशासनाने प्रवाशांना होणाऱ्या गैरसोयीबद्दल दिलगिरी व्यक्त केली असून, रेल्वेच्या पायाभूत सुविधांच्या देखभालीसाठी आणि सुरक्षिततेसाठी हे ब्लॉक आवश्यक असल्याचे स्पष्ट केले आहे. प्रवाशांना विनंती आहे की त्यांनी प्रवासाला निघण्यापूर्वी रेल्वेचे अद्ययावत वेळापत्रक तपासावे आणि रेल्वे प्रशासनाला सहकार्य करावे.
