Dharmendra Prayer Meet: ज्येष्ठ अभिनेते धर्मेंद्र यांच्या निधनानंतर (Dharmendra Death) मुंबईतील ताज लँड्स एंड येथे प्रार्थना सभेचं (Prayer Meet) आयोजन करण्यात आलं होतं. यावेळी धर्मेंद्र यांची मुलं सनी देओल आणि बॉबी देओल (Sunny Deol Bobby Deol) हे अत्यंत भावूक झाले होचे.
अभिनेता धर्मेंद्र यांचे 24 नोव्हेंबर 2025 रोजी निधन झाले, ज्यामुळे संपूर्ण देशात आणि बॉलिवूडमध्ये शोकाकुल वातावरण निर्माण झालं होतं. त्यांच्या निधनानंतर गुरुवारी 27 नोव्हेंबर रोजी त्यांच्यासाठी प्रेयर मीटचे आयोजन करण्यात आले होते.
देओल कुटुंबीय भावुक
या प्रेयर मीटसाठी बॉबी देओल आपल्या गाडीतून ताज लँड्स एंड हॉटेलमध्ये दाखल झाला. यावेळी बाहेर असलेल्या पॅप्सपासून वाचण्यासाठी तो आपला चेहरा हाताने लपवताना दिसला. वडील हॉस्पिटलमध्ये भरती असल्यापासून आणि नंतर त्यांच्या निधनानंतर बॉबी देओल सार्वजनिक ठिकाणी दिसला नव्हता.
( नक्की वाचा : Dharmendra : 'यमला पगला दिवाना' माझा चित्रपट होता, धर्मेंद्र यांचा फोन आला आणि...सचिन पिळगावकरांचा मोठा खुलासा )
प्रेयर मीटमध्ये हे दोन्ही भाऊ एकत्र उभे होते. आलेल्या सर्व लोकांचे त्यांनी हात जोडून स्वागत केले. विशेष म्हणजे, बॉबी देओलचा मुलगा म्हणजेच धर्मेंद्र यांचा नातू आर्यमान देओल (Aryaman Deol) देखील त्यांच्यासोबत उपस्थितांची विचारपूस करताना दिसला. संपूर्ण देओल कुटुंब यावेळी शोकाकुल वातावरणात एकत्र आले होते.
अंतिम संस्काराला बॉलिवूडमधील दिग्गजांची उपस्थिती
धर्मेंद्र यांच्या अंतिम संस्काराला चित्रपटसृष्टीतील अनेक मोठ्या कलाकारांनी हजेरी लावली होती. 24 नोव्हेंबर रोजी झालेल्या त्यांच्या अंत्यसंस्कारावेळी अमिताभ बच्चन, शाहरुख खान, आमिर खान यांसारख्या दिग्गजांनी देओल कुटुंबाचे सांत्वन केले. तसेच, आलिया भट्ट, रणबीर कपूर, ह्रतिक रोशन, सैफ अली खान, करीना कपूर, वरुण धवन यांच्यासह अनेक तारे-तारका त्यांच्या अंतिम दर्शनासाठी पोहोचले होते.
