Dharmendra And Bobby Deol Intresting Story : बॉलिवूडचे ही-मॅन धर्मेंद्र यांच्या निधनानंतर बॉडिवूडसह त्यांच्या कुटुंबीयांना आणि चाहत्यांना मोठा धक्का बसला आहे. धर्मेंद्र यांच्या लव्हस्टोरीचे किस्सेही सोशल मीडियावर व्हायरल होत असल्याचं पाहायला मिळत आहे. हेमा मालिनी यांनी नुकतच धर्मेंद्र यांच्यासोबतचे सुंदर फोटो शेअर करून त्यांच्या आठवणींना उजाळा दिला आहे. अशातच धर्मेंद्र यांचा आणखी एक भन्नाट किस्सा समोर आला आहे. धर्मेंद्र यांनी त्यांच्या धाकट्या मुलाला म्हणजेच बॉबी देओलला एका हिरोईनचा फोटो खिशात लपवताना पाहिले होते. बॉबी देओलला ती हिरोईन इतकी आवडायची की, तो तिचा फोटो चक्क पॉकेटमध्येत ठेवायचा.
प्रभु चावला यांच्यासोबत झालेल्या मुलाखतीत धर्मेंद्र काय म्हणाले होते?
एका शोदरम्यान प्रभु चावला यांच्याशी झालेल्या संवादात धर्मेंद्र म्हणाले होते की,जयासोबत मी ‘गुड्डी'ही एक फिल्म केली होती.आमच्या घरी तिचा एक फोटोशूट झाला होता.जयाने स्वतः मला सांगितले होते की, ती माझी फॅन आहे आणि माझे फोटोही सोबत ठेवायची. जयानेही एकदा हा किस्सा उघड केला होता.ती जेव्हा पहिल्यांदा भेटली तेव्हा इतकी घाबरली होती की सोफ्याच्या मागे लपली होती.
बॉबी देओल लहानपणी असं काही करायचा...
धर्मेंद्र पुढे म्हणाले की, माझ्या घरी कोणी तरी जयाचा मोठा फॅन होता.बॉबी देओल लहानपणी जया भादुरी यांचा चित्रपट पाहायचा.बॉबीला ती इतकी आवडायची की तिचा फोटो तो आपल्या खिशात ठेवायचा. धर्मेंद्र म्हणाले, ‘तो त्या वेळी इतका लहान होता की जयाचे पूर्ण नावही नीट उच्चारू शकत नव्हता.जयाचा फोटो खिशात ठेवताना मी त्याला पाहिलं होतं, तेव्हा मी त्याला विचारले की कोणाचा फोटो आहे? यावार तो म्हणाला, – जया बदारू. मी हसू लागलो. मी जेव्हा जयाला हे सांगितलं तेव्हा तिलाही खूप आनंद झाला.
