बॉलिवूड अभिनेत्री करिश्मा कपूर सध्या पुन्हा एकदा तिच्या कुटुंबावरून चर्चेत आहेत. याचे कारण आहे त्यांचा 16 वर्षांचा मुलगा कियान कपूर, ज्याचे फोटो सोशल मीडियावर वेगाने व्हायरल होत आहेत. कियान हुबेहूब त्याचे वडील संजय कपूर यांची कार्बन कॉपी दिसतो, असे चाहत्यांचे म्हणणे आहे. त्याची स्माइल, चेहऱ्याची ठेवण आणि व्यक्तिमत्त्वामध्ये लोकांना संजय कपूर यांची झलक स्पष्टपणे पाहायला मिळत आहे. कियान सहसा लाइमलाइटपासून दूर राहतो, परंतु नुकत्याच समोर आलेल्या फोटोंनी त्याला चर्चेचा विषय बनवले आहे. फोटोंमध्ये कियान त्याची आई आणि बहीण समायरासोबत खूप आनंदी दिसत आहे. कुटुंबातील या बॉन्डिंगनेही लोकांचे लक्ष वेधून घेतले आहे.
संजय कपूर यांचा मृत्यू कसा झाला?
उद्योजक संजय कपूर यांचे निधन हे उद्योग आणि व्यवसाय जगतासाठी मोठा धक्का मानले गेले होते. रिपोर्ट्सनुसार, त्यांचा मृत्यू अचानक हृदयविकाराचा झटका (हार्ट अटॅक) आल्यामुळे झाला होता. या बातमीने कपूर कुटुंबासोबतच बॉलिवूडलाही चकित केले होते. संजय कपूर त्यांच्या वैयक्तिक आयुष्यामुळे नेहमीच चर्चेत राहिले, मात्र मुलांसोबतची त्यांची बॉन्डिंग अतिशय खास मानली जात असे. विशेषतः मुलगा कियानसोबतचे त्यांचे अनेक फोटो सोशल मीडियावर चर्चेत राहिले होते, ज्यामध्ये दोघांमधील उत्तम केमिस्ट्री पाहायला मिळत होती.
करिश्मा आणि संजय यांचे नाते का तुटले?
करिश्मा आणि संजय यांचे लग्न 2003 मध्ये झाले होते. लग्नानंतर त्यांना दोन मुले झाली- मुलगी समायरा आणि मुलगा कियान. सुरुवातीला हे नाते खूप गाजले, पण हळूहळू दोघांमध्ये तणाव असल्याच्या बातम्या समोर येऊ लागल्या. पुढे हा वाद इतका वाढला की दोघांनी वेगळे होण्याचा निर्णय घेतला.
त्यांचा घटस्फोट बॉलिवूडमधील सर्वात जास्त चर्चिलेल्या कौटुंबिक वादांपैकी एक मानला गेला. दोघांकडूनही एकमेकांवर अनेक गंभीर आरोप करण्यात आले होते आणि हे प्रकरण कोर्टापर्यंत पोहोचले होते. मुलांच्या कस्टडीसाठीही (ताब्यासाठी) मोठी कायदेशीर लढाई झाली. मात्र, वेगळे झाल्यानंतरही दोघांनी आपल्या मुलांच्या संगोपनाला नेहमीच प्राधान्य दिले.
समायरा आणि कियानमध्ये खास बॉन्डिंग
करिश्मा कपूर तिच्या समायरा आणि कियान या दोन्ही मुलांचीव विशेष काळजी घेते. समायरा आता विशीच्या उंबरठ्यावर आहे, तर 16 वर्षांचा कियान आपल्या क्युट व्यक्तिमत्त्वामुळे आणि चार्ममुळे सोशल मीडियावर लोकांचे लक्ष वेधून घेत आहे. या बहीण-भावाची बॉन्डिंगही चाहत्यांना खूप आवडते.
अनेकदा कौटुंबिक फोटोंमध्ये समायरा तिच्या लहान भावासोबत दिसते. दुसरीकडे करिश्मा देखील मुलांसोबत क्वालिटी टाईम घालवताना दिसून येतात. आता कियानचे नवीन फोटो समोर आल्यानंतर सोशल मीडियावर लोक सातत्याने म्हणत आहेत की, तो हुबेहूब त्याचे वडील संजय कपूर यांच्यासारखाच दिसतो.
( नक्की वाचा : Karisma Kapoor :21 वर्षांची झाली करिश्मा कपूरची मुलगी, वडिलांची होती लाडकी लेक, भावाशी खास बॉन्डिंग, Photos )
