बॉलिवूडमधील काही कलाकार प्राणीप्रेमासाठी ओळखले जातात. मात्र, अभिनेत्री समीरा रेड्डी(Sameera Reddy) हिने एक वेगळा पायंडा पाडला आहे. तिने चक्क गाय पाळली आहे. नुकताच तिचा वासरासोबत योग (Yoga) करतानाचा व्हिडिओ सोशल मीडियावर प्रचंड व्हायरल होत आहे. समीरा रेड्डी तिच्या फिटनेसबाबत अत्यंत जागरूक असून, निसर्गाशी जोडलेल्या उपचार पद्धतींवर तिचा अधिक विश्वास आहे. गायीला मिठी मारणे ही तिच्यासाठी सकाळची सर्वोत्तम healing therapy (उपचार पद्धती) असल्याचे तिने सांगितले आहे.
'रिसेट लाईव्ह 3.0' च्या माध्यमातून महिलांना प्रोत्साहन
'मैंने दिल तुझको दिया' (2002) या चित्रपटातून ओळख मिळालेली समीरा, पडद्यावर 13 वर्षांच्या प्रदीर्घ विश्रांतीनंतर 'चिमनी' या चित्रपटाद्वारे 'काली' या भूमिकेतून पुनरागमन करत आहे. सध्या ती तिच्या फिटनेस उपक्रमांसाठी अधिक ओळखली जाते. महिलांसाठी तिने 'रिसेट लाईव्ह 3.0' हा 6 महिन्यांचा विशेष फिटनेस कार्यक्रम सुरू केला आहे. या सत्रात ती वासरासोबत दिसते. या कार्यक्रमाद्वारे समीरा महिलांना योग, स्ट्रेंथ ट्रेनिंग, झुंबा, किकबॉक्सिंग आणि सकस आहार यांसारख्या माध्यमातून चांगले आरोग्य राखण्यासाठी प्रोत्साहन देत आहे.
'चिमनी' चित्रपटातून पुनरागमन
'चिमनी' हा चित्रपट horror-thriller (भयकथा-रोमांचक) प्रकारचा असून, त्यात दुर्मीळ वैद्यकीय स्थिती आणि पारंपरिक उपचार पद्धतींचे मिश्रण आहे. यात काली म्हणजेच समीरा गर्भात असलेल्या जुळ्या बाळांना वाचवण्यासाठी आणि पिशाचाशी लढताना दिसते. चित्रपटाचा टीझर प्रशंसनीय ठरला असला तरी, ट्रेलर आणि प्रदर्शनाची तारीख अद्याप निश्चित झालेली नाही. समीराचे गो-प्रेम आणि फिटनेसवरील लक्ष तिच्या wellness (आरोग्य) प्रवासाची एक नवी बाजू दर्शवते.
