रुपयाची डॉलरच्या तुलनेत पुन्हा एकदा घसरण झाल्याचं पाहायला मिळत आहे. एका डॉलरचा भाव 86 रुपयांपर्यंत पोहोचला आहे. अमेरिकेत आणखी व्याजदर कपातीची शक्यता तूर्तास मावळल्याने जगभरात डॉलरची किंमत वाढत आहे. त्याचा परिणाम म्हणून आज पुन्हा एकदा रुपयाने नीचांकी पातळी गाठली आहे. आज एका डॉलरचा भाव 86 रुपयावर पोहचला आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
डॉलरच्या तुलनेत रुपया घसरणे म्हणजे भारतातील चलन, म्हणजेच रुपया, अमेरिकन डॉलरच्या तुलनेत कमकुवत होणे. याचा अर्थ आपल्याला एक डॉलर मिळवण्यासाठी अधिक रुपये द्यावे लागतील. याचा आपल्या दैनंदिन जीवनावर आणि अर्थव्यवस्थेवर विविध प्रकारचे परिणाम होतात.
सकारात्मक परिणाम
* निर्यात वाढ: रुपया कमकुवत झाल्याने भारतीय वस्तू परदेशी बाजारात स्वस्त होतील. यामुळे भारतातील वस्तूंची निर्यात वाढण्याची शक्यता असते.
* पर्यटन : परदेशी पर्यटकांना भारतात येणे स्वस्त होईल. यामुळे पर्यटन क्षेत्राला चालना मिळू शकते.
नक्की वाचा - Fixed Deposit: बायको नाही तर आईच्या नावावर करा FD, भक्कम व्याजासह मिळतील अनेक फायदे
नकारात्मक परिणाम
* महागाई: आयात केलेल्या वस्तूंच्या किमती वाढतील. यामुळे इंधन, इलेक्ट्रॉनिक उपकरणे आणि इतर अनेक वस्तूंच्या किमती वाढण्याची शक्यता असते.
* परकीय कर्ज वाढ: भारताचे परकीय कर्ज अधिक महाग होईल. कारण आपल्याला परकीय कर्ज फेडण्यासाठी अधिक रुपये द्यावे लागतील.
* गुंतवणूकदारांवर परिणाम : रुपया कमकुवत झाल्याने परदेशी गुंतवणूकदारांना भारतात गुंतवणूक करणे कमी आकर्षक वाटू शकते.
* विदेशी चलन साठा: देशाचा विदेशी चलन साठा कमी होण्याची शक्यता असते.
