Train Ticket : दसरा, दिवाळीसाठी तिकीट काढायला विसरलात? 'या' पद्धतीनं मिळेल कन्फर्म तिकीट, वाचा संपूर्ण प्रोसेस

Diwali Tatkal Ticket Booking: देशभरात आता सणांना सुरुवात झाली आहे. नवरात्र दिवाळी, दसरा  लाखो लोक आपापल्या घरी जातात. अशावेळी ट्रेनच्या तिकिटाची सर्वात मोठी समस्या समोर येते. अनेक प्रवासी दोन ते तीन महिने आधीच तिकीट बुक करतात, पण काही लोक असे आहेत, जे कामाच्या घाईत तिकीट बुक करायला विसरतात. अशा वेळी तत्काळ सुविधा उपयोगी ठरते. या बातमीमध्ये आम्ही तुम्हाला तत्काळ बुकिंगशी संबंधित प्रत्येक लहान-मोठी माहिती देणार आहोत, ज्यामुळे तुम्ही हे सण आपल्या कुटुंबासोबत एकत्र साजरे करू शकाल.

तत्काळ बुकिंग म्हणजे काय?

रेल्वेने तत्काळ तिकिटाची सुविधा अशा लोकांसाठी सुरु केली आहे, ज्यांना अचानक प्रवासाची गरज असते किंवा ज्यांना जनरल बुकिंगमधून तिकीट मिळत नाही. या सुविधेमुळे प्रवासाच्या अगदी एक दिवस आधी तिकीट बुक करता येते. रेल्वे तत्काळ बुकिंगसाठी काही जागा राखीव ठेवते.

तत्काळ तिकीट कधी बुक करावे?

एसी क्लाससाठी तत्काळ तिकिटाची बुकिंग प्रवासाच्या तारखेच्या एक दिवस आधी सकाळी 10 वाजता सुरू होते आणि नॉन-एसी क्लाससाठी सकाळी 11 वाजता सुरू होते.

( नक्की वाचा : Beed News: प्रतीक्षा संपली! 40 रुपयांत बीडहून अहिल्यानगरला रेल्वेने जा; किती स्टेशन असणार? वाचा सर्व माहिती )
 

तत्काळ तिकीट कुठे बुक करावे?

तुम्ही स्वतः तत्काळ तिकीट बुक करू इच्छित असाल, तर त्यासाठी तुम्ही IRCTC च्या अधिकृत वेबसाइट किंवा मोबाइल ॲपचा वापर करू शकता. तत्काळ तिकीट रेल्वे स्टेशनच्या काउंटरवरूनही बुक करता येते, पण काउंटर बुकिंगपेक्षा ऑनलाइन तिकिटांची संख्या जास्त असते.

तत्काळ तिकीट कसे बुक करावे?

या सोप्या टिप्सने बुक होईल तत्काळ तिकीट

अनेक हजारो लोक तत्काळ तिकीट बुक करतात, पण रेल्वेकडे एवढी तिकिटे नसतात. म्हणून 1 मिनिटापेक्षा कमी वेळात तत्काळ तिकिटे भरली जातात. येथे आम्ही तुम्हाला काही टिप्स देत आहोत, ज्यांच्या मदतीने तुम्ही तुमचे तिकीट तत्काळमध्ये बुक करू शकाल.