LPG Subsidy: 3o जूननंतर मिळणार नाही एलपीजी सबसिडी, eKYC बंधनकारक, घरबसल्या 'अशी' पूर्ण करा प्रक्रिया

एलपीजी गॅस ग्राहकांसाठी एक महत्त्वाची बातमी आहे. सरकारने सर्व गॅस ग्राहकांसाठी ई-केवायसी (eKYC) करणे बंधनकारक केले आहे. जर ठरवून दिलेल्या मुदतीत ई-केवायसी पूर्ण केले नाही, तर तुमची गॅस सबसिडी बंद होऊ शकते. याशिवाय गॅस कनेक्शनशी संबंधित इतर सेवांवरही याचा विपरीत परिणाम होण्याची शक्यता आहे. सरकारने ई-केवायसी पूर्ण करण्यासाठी 30 जून 2026 ही अंतिम तारीख निश्चित केली आहे. त्यामुळे वेळेत हे काम पूर्ण करणे आवश्यक आहे. ग्राहकांना ही प्रक्रिया घरबसल्या मोबाईल फोनवरून सहज पूर्ण करता येणार आहे.

घरबसल्या मोबाईलवरून ई-केवायसी कशी करावी?

1. सर्वप्रथम तुमच्या गॅस कंपनीचे अधिकृत मोबाईल ॲप डाउनलोड करा.
2. गॅस कनेक्शनशी लिंक असलेल्या मोबाईल नंबरचा वापर करून ॲपमध्ये लॉगिन करा.
3. यानंतर ॲपमधील 'My Profile' या सेक्शनवर जा. तिथे तुम्हाला 'LPG Details' मध्ये 'eKYC' चा पर्याय दिसेल.
4. स्क्रीनवर दिलेल्या नियम आणि अटी काळजीपूर्वक वाचून त्याला मंजुरी द्या.
5. यानंतर फेस स्कॅन (Face Scan) किंवा ओटीपी (OTP) च्या माध्यमातून ओळख पटवून पडताळणी पूर्ण करा.
6. सर्व माहिती अचूक भरल्यानंतर अर्ज सबमिट करा. साधारणपणे 24 ते 48 तासांच्या आत ही प्रक्रिया पूर्ण होते.

उमंग (UMANG) ॲपद्वारेही करता येणार ई-केवायसी
जर तुम्हाला गॅस कंपनीचे स्वतंत्र ॲप वापरायचे नसेल, तर तुम्ही 'UMANG' प्लॅटफॉर्मचा वापर करूनही ई-केवायसी करू शकता. यासाठी उमंग ॲप ओपन करून गॅस सेवा (Gas Service) या पर्यायावर जा आणि ई-केवायसी निवडा. त्यानंतर मोबाईल नंबर आणि एमपिन (MPIN) च्या मदतीने लॉगिन करा. स्क्रीनवर येणाऱ्या सोप्या स्टेप्स फॉलो करून तुमची प्रक्रिया पूर्ण करा.

एलपीजी गॅस ग्राहकांसाठी केंद्र सरकारने एक महत्त्वपूर्ण निर्णय घेतला असून, आता सर्व गॅस ग्राहकांना 30 जून 2026 पूर्वी ई-केवायसी (eKYC) करणे अनिवार्य करण्यात आले आहे. या मुदतीत प्रक्रिया पूर्ण न करणाऱ्या ग्राहकांची गॅस सबसिडी रोखली जाण्याची शक्यता आहे. डिजिटल पारदर्शकता आणण्यासाठी आणि गैरप्रकार रोखण्यासाठी सरकारने हे पाऊल उचलले आहे. त्यामुळे वर दिलेल्या स्टेप्स प्रमाणे ई केवायसी तातडीने करून घ्या.