दाक्षिणात्य सिनेसृष्टीचे सुपरस्टार आणि आंध्र प्रदेशचे उपमुख्यमंत्री पवन कल्याण यांच्या पत्नी अण्णा लेझनेवा यांनी आपले मुंडण केले आहे. त्यांच्या मुंडन समारंभाचे फोटो आणि व्हिडिओ जनसेना पक्षाने त्यांच्या सोशल मीडिया अकाउंटवर शेअर केले आहेत. पवन कल्याण यांचा मुलगा मोठ्या संकटातून बचावला, त्यानंतर नवस पूर्ण करण्यासाठी पत्नीने मुंडन केले.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
आंध्रप्रदेशचे उपमुख्यमंत्री पवन कल्याण आणि त्यांची पत्नी अण्णा लेझनेवा गेल्या अनेक दिवसांपासून कठीण काळातून जात आहेत. त्यांचा धाकटा मुलगा मार्क मृत्यूपासून थोडक्यात बचावला. मार्क सिंगापूरमधील एका शाळेत शिकतो. गेल्या आठवड्यात या शाळेत आग लागली होती, ज्यामध्ये मार्क जखमी झाला होता. या संकटातून मुलगा सुखरुप बरा व्हावा, यासाठी पवन कल्याण यांच्या पत्नीने नवस केला होता.
अलिकडेच पवन कल्याण यांची पत्नी अण्णा तिरुमला येथे गेली आणि मुलगा मार्कच्या सुरक्षिततेबद्दल देवाचे आभार मानण्यासाठी भगवान वेंकटेश्वराचे दर्शन घेतले. तिरुमला येथील अण्णा लेझनेवाच्या मुंडन समारंभाचे अनेक फोटो आता सोशल मीडियावर व्हायरल होत आहेत. पवन कल्याणच्या जनसेना पक्षाच्या अधिकृत ट्विटर हँडलवरूनही अण्णांनी मंदिरात आपले केस दान केल्याचे फोटो शेअर करण्यात आले आहेत.
तिरुमलाच्या श्री वेंकटेश्वर स्वामी मंदिरात मुंडण करण्याची एक विशेष परंपरा आहे. अनेक भक्त हे देवाला दिलेले वचन म्हणून करतात. जर एखाद्याची इच्छा पूर्ण झाली तर तो आपले केस अर्पण करतो. काही लोक प्रार्थनेपूर्वी केस दान करतात, जेणेकरून देवाचे दर्शन घेण्यापूर्वी त्यांना आतून आणि बाहेरून स्वच्छ आणि ताजेतवाने वाटेल.
महिलेचा 91 वर्षांच्या पतीवर संशय, संतापलेल्या वृद्धाने उचललं धक्कादायक पाऊल; प्रकरण पोहोचलं कोर्टात
दरम्यान, मार्क सिंगापूरच्या रिव्हर व्हॅली परिसरातील एका शाळेत शिकतो. या शाळेच्या इमारतीच्या दुसऱ्या आणि तिसऱ्या मजल्यावर आग लागली. या घटनेचा एक व्हिडिओही व्हायरल झाला होता, ज्यामध्ये अग्निशमन दलाच्या जवानांनी खिडक्या फोडल्या आणि धूराने भरलेल्या वर्गखोल्यांमधून घाबरलेले विद्यार्थी आणि शिक्षकांना वाचवले. या आगीत एका 10 वर्षांच्या मुलीचा मृत्यू झाला आणि मार्क शंकरसह 19 जण जखमी झाले.
