Telegram App Banned In India: येत्या 21 जून 2026 रोजी होणाऱ्या 'नीट' (NEET UG) परीक्षेच्या पार्श्वभूमीवर केंद्र सरकारने कडक पावले उचलली आहेत. परीक्षेच्या पारदर्शकतेबाबत कोणताही प्रश्नचिन्ह निर्माण होऊ नये, यासाठी शिक्षण मंत्रालय आणि नॅशनल टेस्टिंग एजन्सी (NTA) यांनी सोशल मीडिया प्लॅटफॉर्मवर, विशेषतः टेलिग्रामसारख्या ॲप्सवर करडी नजर ठेवण्याचा निर्णय घेतला आहे. याच पार्श्वभूमीवर केंद्र सरकारने 22 जूनपर्यंत टेलिग्रामवर बंदी घातली आहे.
भारतात टेलिग्रामवर बंदी
याबाबत सविस्तर माहिती अशी की, परीक्षेतील गैरप्रकारांवर मोठी कारवाई करत, केंद्र सरकारने देशभरात टेलिग्राम या मेसेजिंग ॲपवर अधिकृतपणे बंदी घातली आहे. आगामी नीट (यूजी) २०२६ पुनर्परीक्षेच्या पार्श्वभूमीवर पेपरफुटी आणि फसवणुकीचे रॅकेट रोखण्यासाठी राष्ट्रीय चाचणी संस्थेच्या (NTA) थेट शिफारशींनुसार ही तात्पुरती बंदी घालण्यात आली आहे.
एनटीएने प्रसिद्ध केलेल्या अधिकृत निवेदनानुसार, इलेक्ट्रॉनिक्स आणि माहिती तंत्रज्ञान मंत्रालयाने (MeitY) या प्लॅटफॉर्मवर कठोर, कालबद्ध निर्बंध लागू करण्यासाठी माहिती तंत्रज्ञान कायदा, २००० च्या कलम ६९अ अंतर्गत आपत्कालीन अधिकारांचा वापर केला आहे.
भारतातील टेलिग्राम प्लॅटफॉर्मवरील सार्वजनिक प्रवेश २२ जून २०२६ रोजी संपणाऱ्या एका निश्चित कालावधीसाठी पूर्णपणे प्रतिबंधित करण्यात आला आहे. यामध्ये नीट (यूजी) पुनर्परीक्षेच्या आधीचे, परीक्षेदरम्यानचे आणि परीक्षेनंतरचे महत्त्वाचे दिवस थेट समाविष्ट आहेत. त्याचबरोबर टेलिग्रामला भारतातील पूर्वी पोस्ट केलेल्या सर्व मेसेजसाठी एडिटिंग सुविधा ३० जून २०२६ पर्यंत बंद ठेवण्याचे आदेश देण्यात आले आहेत.
Track Latest News Live on Marathi.NDTV.com and get news updates from India and around the world
