Government Schemes for Girls: प्रत्येक आई-वडिलांचे स्वप्न असते की आपली मुलगी शिकून स्वतःच्या पायावर उभी राहावी आणि समाजात मान ताठ करून जगावी. परंतु, अनेकदा बिकट आर्थिक परिस्थितीमुळे लेकींच्या सुवर्णभविष्याला मर्यादा येतात. अशा गरीब आणि गरजू कुटुंबातील पालकांसाठी केंद्र व राज्य शासनाचे वरदान ठरणाऱ्या ५ प्रमुख योजना मुलींचे आयुष्य बदलण्याचे काम करत आहेत. शासनाच्या या योजनांमुळे आता कोणतीही मुलगी आर्थिक अभावामुळे शिक्षणापासून वंचित राहणार नाही. कोणत्या आहेत या पाच महत्त्वाच्या योजना? जाणून घ्या...
Saving Tips VIDEO: पैशाची होणार बचतच बचत! 80/20 चा खास फॉर्म्युला... दिल्लीतील तरुणीची भन्नाट आयडिया
१. सुकन्या समृद्धी योजना (Sukanya Samriddhi Yojana - SSY)
केंद्र सरकारची ही अत्यंत लोकप्रिय आणि अतिशय सुरक्षित अल्प बचत योजना आहे. मुलींच्या उच्च शिक्षण आणि विवाहाच्या खर्चासाठी लहान वयातच मोठी आर्थिक तरतूद करता यावी, हा या योजनेचा मुख्य उद्देश आहे. यामध्ये अगदी कमी रकमेपासून गुंतवणूक सुरू करता येते. या योजनेवर सध्या आकर्षक व्याजदर मिळतो. विशेष म्हणजे, या योजनेअंतर्गत जमा झालेली मुद्दल, मिळणारे व्याज आणि मॅच्युरिटीची संपूर्ण रक्कम पूर्णपणे करमुक्त (Tax-free) असते.
२. लेक लाडकी योजना (महाराष्ट्र शासन)
गरीब आणि होतकरू कुटुंबातील मुलींच्या जन्मापासून ते शिक्षणापर्यंत आर्थिक हातभार लावण्यासाठी महाराष्ट्र शासनाने ही योजना सुरू केली आहे. पिवळ्या आणि केशरी शिधापत्रिकाधारक (रेशनकार्ड) कुटुंबांना याचा लाभ मिळतो. या योजनेअंतर्गत मुलीला जन्मानंतर टप्प्याटप्प्याने आणि ती १८ वर्षांची झाल्यावर उच्च शिक्षणासाठी असा एकूण १ लाख १ हजार रुपयांपर्यंतचा आर्थिक लाभ दिला जातो.
- जन्मानंतर: ₹५,०००
- इयत्ता पहिलीत गेल्यास: ₹६,०००
- इयत्ता सहावीत गेल्यास: ₹७,०००
- इयत्ता अकरावीत गेल्यास: ₹८,०००
- वयाची १८ वर्षे पूर्ण झाल्यानंतर: ₹७५,०००
3. माझी कन्या भाग्यश्री योजना!
मुलींच्या जन्माचे स्वागत व्हावे, भ्रूणहत्या व बालविवाह रोखावेत आणि त्यांचा शैक्षणिक व सामाजिक स्तर उंचावा यासाठी महाराष्ट्र सरकारतर्फे ही योजना राबवली जाते. याद्वारे पात्र कुटुंबांमधील मुलींच्या नावे बँकेत ठराविक रक्कम जमा केली जाते, जी त्यांना वयाच्या १८ व्या वर्षी उच्च शिक्षण किंवा विवाहासाठी वापरता येते. याद्वारे मुलीच्या आणि आईच्या संयुक्त नावाने बँक खाते उघडून आर्थिक व विमा संरक्षण दिले जाते.
How to Get Rid of Frogs:पावसामुळे घरात बेडूक येतोय? न मारता 'असे' दूर पळवा; 'या' वासाने होतील गायब!
४. बालिका समृद्धी योजना (Balika Samriddhi Yojana)
भारत सरकारद्वारे सुरू करण्यात आलेली ही एक महत्त्वाची कल्याणकारी योजना आहे. ग्रामीण आणि शहरी भागातील दारिद्र्यरेषेखालील (BPL) कुटुंबांमध्ये जन्मलेल्या मुलींच्या उज्ज्वल भविष्यासाठी ही योजना अत्यंत फायदेशीर आहे. मुलगी जन्माला आल्यानंतर तिच्या नावे पोस्ट ऑफिस किंवा बँकेत खाते उघडून सरकारकडून ५०० रुपये जमा केले जातात. मुलगी शाळेत जाऊ लागल्यापासून (इयत्ता पहिली ते दहावी) तिला दरवर्षी ३०० ते १००० रुपयांपर्यंतची शिष्यवृत्ती दिली जाते. मुलगी १८ वर्षांची झाल्यानंतर जमा केलेली मूळ रक्कम व त्यावर मिळालेले व्याज उच्च शिक्षण किंवा व्यवसायासाठी काढता येते.
५. सीबीएसई उडान योजना (CBSE Udaan Scheme)
केंद्रीय माध्यमिक शिक्षण मंडळ (CBSE) आणि केंद्रीय मंत्रालयाद्वारे सुरू करण्यात आलेली ही एक विशेष शैक्षणिक योजना आहे. इयत्ता ११ वी आणि १२ वी मध्ये विज्ञान शाखेत शिकणाऱ्या मुलींना (विशेषतः आर्थिकदृष्ट्या दुर्बल घटकातील) उच्च तांत्रिक शिक्षण (अभियांत्रिकी - Engineering) घेण्यासाठी प्रोत्साहित करणे आणि त्यांना राष्ट्रीय स्तरावरील कठीण प्रवेश परीक्षांची (जसे की JEE) तयारी करण्यासाठी मोफत मार्गदर्शन व सहाय्य करणे, हा या योजनेचा मुख्य उद्देश आहे.
Baba Vanga: श्रावण महिन्यात भाग्य उजळणार! 5 राशी श्रीमंतीच्या मार्गावर, कोण मालामाल होणार?
