तेजस मोहतुरे, Bhandara Blast: भंडाऱ्यामधून एक मोठी दुर्घटना समोर आली आहे. भंडारा जिल्ह्यातील आयुध निर्माण कंपनीमध्ये भीषण स्फोट झाल्याचे समोर आले आहे. या दुर्घटनेत 8 जणांचा मृत्यू झाल्याची प्राथमिक माहिती समोर आली असून सहा ते सात जण गंभीर जखमी झाल्याचे सांगण्यात येत आहे. कंपनीमध्ये काम करत असताना सकाळी 11 वाजेच्या सुमारास हा भीषण स्फोट झाला. स्फोटाने परिसरात भितीचे वातावरण पसरले असून पोलीस प्रशासनाने घटनास्थळी धाव घेतली आहे. सध्या मदतकार्य सुरु असून मृतांचा आकडा वाढण्याची भिती व्यक्त केली जात आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा)
याबाबत सविस्तर माहिती अशी की, भंडारा जिल्ह्यातील आयुध निर्माण कंपनीमध्ये मोठा स्फोट झाल्याची बातमी समोर आली आहे. भंडाऱ्याच्या जवाहरनगर येथील ऑर्डनन्स फॅक्टरीमधीलआर के ब्रांच सेक्शनमध्ये हा ब्लॉस्ट झाल्याची प्राथमिक माहिती आहे. या सेक्शनमध्ये साबुदाण्यासारखा कच्चा माल जो आरडीएक्स बनवण्यासाठी वापरला जातो, त्यामध्ये हा स्फोट झाल्याचे सांगण्यात येत आहे.
ट्रेंडिंग बातमी - Uddhav Thackeray: उद्धव ठाकरे यांचे आगामी निवडणूकांत स्वबळाचे संकेत पण...
या दुर्घटनेत 8 जणांचा मृत्यू झाला असून सहा ते सात जण गंभीर जखमी झालेत. दुर्घटनेतील जखमींना तात्काळ रुग्णालयात दाखल करण्यात आले असून घटनास्थळी पोलीस प्रशासन, अग्निशमन दल तसेच बचावपथक दाखल झालं आहे. कंपनीमध्ये काम सुरु असताना सकाळी 11 वाजता हा स्फोट झाला. या स्फोटाचा आवाज जवळपास पाच किलोमीटर पर्यंत नागरिकांना ऐकू आला आहे. त्यामुळे या स्फोटाची तीव्रता किती भयानक असेल ते यावरून कल्पना करू शकतो.
