रत्नागिरी: राज्यातील नगर परिषदा (Municipal Councils) आणि नगर पंचायतींच्या (Nagar Panchayats) नगराध्यक्षपदासाठी नुकतीच आरक्षण सोडत (Reservation Draw) जाहीर झाली. या निर्णयाने कोकणातील राजकीय समीकरणे मोठ्या प्रमाणावर बदलली आहेत. रत्नागिरी जिल्ह्यातील नगराध्यक्षपदाच्या एकूण ९ जागांपैकी ७ जागा खुल्या प्रवर्गातील महिलांसाठी आरक्षित (Reserved) झाल्या आहेत. जिल्ह्यातील नगराध्यक्षपदाच्या एकूण ९ जागांपैकी ७ जागा खुल्या प्रवर्गातील महिलांसाठी आरक्षित (Reserved) झाल्या आहेत. या आरक्षणामुळे अनेक इच्छुकांचे नगराध्यक्षपदाचे स्वप्न भंगले असून, अनेकांची 'तोंडे आंबट' झाली आहेत.
या सगळ्या राजकीय उलथापालथीमध्ये चिपळूण नगर परिषद आणि दापोली नगर पंचायतीचे नगराध्यक्षपद खुला प्रवर्गासाठी (Open Category) आरक्षित झाले आहे. या दोन महत्त्वाच्या ठिकाणी आता कोणत्याही प्रवर्गातील इच्छुकांना निवडणूक लढवता येणार असल्याने येथील स्थानिक राजकारणातील इच्छुकांच्या आशा पुन्हा पल्लवित झाल्या आहेत. आता या जागांसाठी मोठी चुरस पाहायला मिळणार आहे.
वाहतुकीचे नियम मोडणाऱ्यांना आता चाप ! 45 दिवसांत चलान भरा , अन्यथा आरटीओ...
सात जागांवर 'महिला राज':
एकीकडे चिपळूण आणि दापोलीमध्ये दिलासा मिळाला असला तरी, जिल्ह्यासह परिसरातील तीन नगर परिषदा (Municipal Councils) आणि चार नगर पंचायतींचे नगराध्यक्षपद सर्वसाधारण महिलांसाठी (General Women) राखीव झाले आहे. यामुळे सात स्थानिक स्वराज्य संस्थांवर 'महिला नगराध्यक्ष' विराजमान होऊन 'महिलाराज' येणार आहे.
महिलांसाठी आरक्षित जागा:
नगर परिषदा: रत्नागिरी, राजापूर आणि खेड या तीन महत्त्वाच्या नगर परिषदा.
नगर पंचायती: देवरुख, लांजा, मंडणगड आणि गुहागर या चार नगर पंचायती.
या सर्व ठिकाणी आता नगराध्यक्षपदासाठी चुरशीच्या लढती होणार असून, या आरक्षणामुळे सर्वच राजकीय पक्षांना त्यांचे जुने समीकरणे बाजूला ठेवून महिला उमेदवारांना संधी द्यावी लागणार आहे.
