Dharmaveer 2 साहेबांच्या हिंदुत्वाची गोष्ट... CM शिंदेंनी पोस्टर केले लाँच, या दिवशी रिलीज होणार सिनेमा

'धर्मवीर - 2'... साहेबांच्या हिंदुत्वाची गोष्ट... या सिनेमाचा पोस्टर लाँच सोहळा रविवारी वर्षा निवासस्थानी पार पडला.

'धर्मवीर - 2' सिनेमाचा पोस्टर लाँच सोहळा रविवारी (30 जून) मुख्यमंत्र्यांच्या वर्षा निवासस्थानी पार पडला.
लाँच सोहळ्यास बॉलिवूड अभिनेता बॉबी देओल, ज्येष्ठ अभिनेते अशोक सराफ, दिग्दर्शक आणि ज्येष्ठ अभिनेते सचिन पिळगावकर, ज्येष्ठ अभिनेते व दिग्दर्शक महेश कोठारे यांच्या उपस्थितीत सिनेमाचे पोस्टर लाँच करण्यात आले.
सिनेमाच्या पोस्टवर "हिंदुत्त्वाशी गद्दारी केलेल्यांना क्षमा नाही" 'धर्मवीर - 2... साहेबांच्या हिंदुत्वाची गोष्ट...' अशी टॅगलाइन दिसत आहे.

साहिल मोशन आर्टस् आणि झी स्टुडिओज यांची निर्मिती असलेल्या 'धर्मवीर-2' साहेबांच्या हिंदुत्त्वाची गोष्ट या सिनेमाच्या माध्यमातून धर्मवीर आनंद दिघे यांच्या जीवनातील पुढील गोष्ट प्रेक्षकांना पाहायला मिळणार आहे.
आनंद दिघे यांची हिंदुत्त्ववादी भूमिका आणि त्यांना साथ देता देता मुख्यमंत्री एकनाथ शिंदे कार्यकर्ते ते राजकीय नेते म्हणून कसे घडले? हे या सिनेमाद्वारे पाहायला मिळणार आहे.
ऑगस्ट क्रांती दिनाचे औचित्य साधून 9 ऑगस्टला सिनेमा जगभरात प्रदर्शित केला जाणार आहे.

हिंदी आणि मराठी अशा दोन भाषेमध्ये सिनेमा प्रदर्शित होणार आहे.
मंगेश देसाई आणि उमेश बन्सल हे सिनेमाचे निर्माते आहेत.
प्रविण विठ्ठल तरडे यांनी सिनेमाच्या कथा, पटकथा, संवाद लेखनासह दिग्दर्शनही केले आहे. (All Image Credit - Eknath Shinde Instagram)