'उतू नको... मातू नको... घेतला जनसेवेचा वसा टाकू नको...!' CM एकनाथ शिंदेंचा मुलाला मोलाचा सल्ला
Kalyan Lok Sabha Election Results 2024: कल्याण लोकसभा मतदारसंघातील महायुतीचे उमेदवार डॉ.श्रीकांत शिंदे यांनी विजयाची हॅटट्रिक केल्यानंतर CM एकनाथ शिंदेनी त्यांना एक मोलाचा सल्ला दिला.
श्रीकांत शिंदे यांनी ह.भ.प. संत सावळाराम महाराज म्हात्रे क्रीडा संकुल येथील मतमोजणी केंद्रावर निवडणूक अधिकाऱ्यांकडून निवडणूक विजयाचे प्रमाणपत्र स्वीकारले.
"आजचा हा विजय मी सर्वप्रथम हिंदुहृदयसम्राट शिवसेनाप्रमुख वंदनीय बाळासाहेब ठाकरे, गुरुवर्य धर्मवीर आनंद दिघे साहेब यांना समर्पित करतो". - श्रीकांत शिंदे
"या विजयाचे खरे शिल्पकार माझ्या महायुतीचे सर्व कार्यकर्ते आहेत. निवडणुकीच्या प्रचार काळात त्यांनी घेतलेल्या मेहनतीला यश आले आहे. यासाठी सर्व महायुतीच्या माझ्या कार्यकर्त्यांचे, पदाधिकाऱ्यांचेही आभार." - श्रीकांत शिंदे
