महाविकास आघाडीमध्ये जागा वाटप निश्चित होण्यापूर्वीच शिवसेनं 17 उमेदवारांची घोषणा केली. शिवसेनेच्या या निर्णयाचे मविआमध्ये पडसाद उमटले आहेत. विशेषत: काँग्रेस पक्षाचा दावा असलेल्या जागांवर शिवसेनेनं उमेदवार जाहीर केले आहेत. त्यामुळे महाराष्ट्रातील काँग्रेस नेते नाराज आहेत. महायुतीचे शिल्पकार संजय राऊत यांच्यावर त्यांची नाराजी असल्याचं मानलं जातंय.
सांगली ही काँग्रेसची पारंपारिक जागा आहे. या जागेसाठी काँग्रेस आग्रही असताना शिवसेनेनं चंद्रहार पाटील यांना उमेदवारी दिलीय. ( फोटो सौजन्य : @ShivSenaUBT_)
वायव्य मुंबईतून काँग्रेस नेते संजय निरुपम निवडणूक लढवण्यासाठी उत्सुक आहेत. या मतदारसंघातून शिवसेनेनं अमोल किर्तीकर यांना उमेदवारी दिलीय. (फोटो सौजन्य : @AmolGKirtikar)
शिवसेनेनं मुंबईतील उमेदवार जाहीर करताच संजय निरुपम आक्रमक झाले आहेत. महाराष्ट्रातील काँग्रेस संजय राऊत यांच्या दावणीला बांधली असल्याची टीका निरुपम यांनी केलीय.
