RCB vs PBKS Qualifier 1 Weather and Rain Prediction: रॉयल चॅलेंजर्स बंगळूरुने (RCB) लखनौ सुपर जायंट्सनं दिलेलं 228 रन्सचं आव्हान 6 विकेट राखून पूर्ण केलं. या दमदार विजयासह आरसीबीनं आयपीएल प्लेऑफमध्ये दुसऱ्या क्रमांकासह प्रवेश केला. आता गुरुवारी (29 मे) त्यांची लढत लीगमध्ये अव्वल असलेल्या पंजाब किंग्जशी होईल. तर गुजरात टायटन्स शुक्रवारी एलिमिनेटरमध्ये मुंबई इंडियन्सशी सामना करेल.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
पावसाचा काय होईल परिणाम?
पंजाब किंग्स (PBKS) आणि रॉयल चॅलेंजर्स बंगळूरु (RCB) यांच्यातील क्वालिफायर 1 सामना पावसामुळे रद्द झाला, तर पंजाब किंग्सला थेट अंतिम फेरीचे तिकीट मिळेल. तर, RCB ला अंतिम फेरीत पोहोचण्यासाठी क्वालिफायर 2 सामना खेळावा लागेल. नियमांनुसार, गुणतालिकेत अव्वल स्थानी असलेल्या संघाला प्राधान्य दिले जाते.
प्लेऑफ सामन्यांसाठी राखीव दिवस (Reserve Day) आहे का?
प्लेऑफ सामन्यांसाठी कोणत्याही राखीव दिवसाची (Reserve Day) अधिकृत घोषणा करण्यात आलेली नाही. मात्र, गेल्या हंगामातील अंतिम सामन्यासाठी राखीव दिवस ठेवण्यात आला होता. यावर्षी BCCI ने एक नवीन नियम बनवला आहे, ज्यामुळे सामना रद्द होण्याची शक्यता कमी झाली आहे.
( नक्की वाचा : IPL 2025: मुंबई इंडियन्स यंदा राहणार ट्रॉफीपासून दूर, 'हा' विचित्र योग आहे कारण! )
BCCI चा नवीन नियम
BCCI ने IPL 2025 च्या सामन्यांसाठी अतिरिक्त 120 मिनिटे वेळ वाढवला आहे. यानुसार, पूर्ण 20 ओव्हर्सचा खेळ होण्यासाठी सामना रात्री 9:30 पर्यंत सुरू केला जाऊ शकतो.
मोहालीतील हवामानाची स्थिती
गुरुवारी मोहालीमध्ये आकाश ढगाळ राहील आणि तापमान सुमारे 36 अंश सेल्सिअस असेल. यासोबतच हलक्या पावसाची शक्यता आहे. तर, शुक्रवारी येथे जोरदार पावसाचा अंदाज आहे, ज्या दिवशी एलिमिनेटर सामना खेळला जाईल. या सामन्यात मुंबई इंडियन्स (MI) आणि गुजरात टायटन्स (GT) आमनेसामने असतील. एलिमेनेटरमध्ये पराभूत होणारा संघ स्पर्धेतून बाहेर पडेल. गुणतालिकेत गुजरात तिसऱ्या आणि मुंबई चौथ्या स्थानावर आहेत.
