Jalgaon महापालिकेत महायुतीची बिनविरोधाची विजयाची लाट, BJP चे चार तर शिवसेनेचे चार उमेदवार बिनविरोध
जळगाव महानगरपालिकेच्या निवडणुकीत महायुतीच्या उमेदवारांची बिनविरोध निवड होण्याची मालिका सुरूच असून भाजपाचे आमदार सुरेश भोळे यांचा मुलगा विशाल भोळे यांच्या बिनविरोध निवडीनंतर भाजपाच्या दीपमाला काळे या प्रभाग क्रमांक 7 अ मधून बिनविरोध निवडून आल्यात. त्यांच्या विरोधात असलेल्या शिवसेना ठाकरे गटाच्या उमेदवाराने माघार घेतली. तसेच प्रभाग क्रमांक 16 अ मधून डॉ. वीरेन खडके हे बिनविरोध निवडून आले. अपक्ष आणि मनसेच्या उमेदवारांनी त्यांच्याविरोधात माघार घेतली आहे. तर शिवसेना शिंदे गटाचे सागर सोनवणे हे प्रभाग क्रमांक 2 अ मधून बिनविरोध विजयी झाले असून त्यांच्या विरोधातील सर्व अपक्ष उमेदवारांनी माघार घेतली. आतापर्यंत भाजपाचे 4 तर शिवसेना शिंदे गटाचे 4 उमेदवार बिनविरोध निवडून आले आहेत. या यशानंतर महापालिकेबाहेर भाजप आणि शिवसेना पदाधिकाऱ्यांनी जोरदार जल्लोष केला
