Dharashiv Gudi Padwa| महाराष्ट्राची कुलस्वामिनी आई तुळजाभवानी मातेच्या मंदिरात गुढीपाडव्याचा उत्साह

महाराष्ट्राची कुलस्वामिनी आई तुळजाभवानी मातेच्या मंदिरात आज गुढीपाडव्याचा मोठा उत्साह पाहायला मिळतोय. पहाटे देवीचे चरणतीर्थ झाल्यानंतर मंदिराच्या शिखरावर विधीवत पूजा करून गुढी उभारण्यात आली. तुळजाभवानी मातेचे मुख्य पुजारी, इतर पुजारी, मंदिर संस्थानचे कर्मचारी आणि भाविकांच्या उपस्थितीत गुढी उभारण्यात आली..यावेळी देवीला साखरेचा हार अर्पण करण्यात आला.या विशेष पूजेसाठी आणि देवीच्या दर्शनासाठी भाविकांनी मोठी गर्दी केली होती. तुळजापुरात तुळजाभवानी मंदिरातील गुढी उभारल्यानंतरच आपापल्या घरी गुढी उभारण्याची परंपरा आहे.याचाच आढावा घेऊन तुळजाभवानी मंदिराच्या मुख्य महंतांशी संवाद साधला आमचे प्रतिनिधी ओंकार कुलकर्णी यांनी