वाशिमच्या शिरपूर येथे जैन मंदिरात दिगंबर आणि श्वेतांबर पंथियांमध्ये वाद
वाशिमच्या शिरपूर जैन मंदिरामध्ये पुन्हा एकदा दिगंबर आणि श्वेतांबर पंथीयांमध्ये वाद झाला असून या वादाचं हाणामारीत रूपांतर झालय. भगवान पार्श्वनाथच्या मुख्यमूर्तीजवळ श्वेतांबर पंथियांकडून ओटा बांधण्याचं काम सुरू आहे मात्र हे काम दारू प्यायलेल्या कारागिरांकडून होत असल्याचा दिगंबर पंथियांकडून आरोप करण्यात आलाय. कारागीर दारू पिलेले असल्यानं मूर्तीचे पावित्र्य भंग होतंय असं म्हणत त्यांनी या कारागिरांना रोखण्याचा प्रयत्न केला. त्यावेळी श्वेतांबर आणि दिगंबर पंथीयांमध्ये हाणामारी झाली. या प्रकरणी पोलिसात तक्रार दाखल करण्यात आली आहे.
