Rapido Girl Shocking Video : गेल्या काही दिवसांपासून रॅपिडो राईडसंदर्भात सोशल मीडियावर धक्कादायक पोस्ट व्हायरल होताना दिसत आहेत. प्रवासादरम्यान लोकांची सुरक्षेचा प्रश्न उपस्थित होत असल्याच्या तक्रारीही केल्या जात आहेत. रॅपिडो चालक महिला प्रवाशांसोबत गैरवर्तन करत असल्याचंही काही व्हायरल व्हिडीओंच्या माध्यमातून समोर आलं आहे. अशातच आणखी एक भयानक घटना उघडकीस आली आहे. काही दिवसांपूर्वी एका महिलेसोबत भयंकर घडलं होतं. तिने हेल्मेट न घातल्याने तिचा अपघात झाला. या अपघातात ती गंभीर जखमी झाली आणि तिच्यावर शस्त्रक्रिया करावी लागली.
त्या महिलेसोबत नेमकं काय घडलं?
जेव्हा एक कंटेंट क्रिएटर राइड बुक करून मुलाखतीसाठी निघाली होती. त्यानंतर रस्त्यातच तिचा अपघात झाला आणि तिच्या जबड्याला गंभीर दुखापत झाली. या घटनेनंतर महिलेनं लोकांना हेल्मेट घालण्याचं आवाहन केलं आहे. सोनजना गुप्ता असं या महिलेचं नाव असून तिचा व्हिडीओ सोशल मीडियावर प्रचंड व्हायरल झाला आहे. सोनजना एक कंटेंट क्रिएटर आहे आणि तिने एक ज्वेलरी ब्रँडची सुरुवात केली आहे. सोनजना त्या दिवशी मेट्रोने प्रवास करणार होती, पण चुकीचा मार्ग निवडल्याने तिला रॅपिडो बुक करावी लागली. प्रवासादरम्यान दुसऱ्या एका वाहनाने इंडिकेटर न दिल्याने त्यांच्या वाहनाला अपघात झाला.
नक्की वाचा >>
रॅपिडोने प्रवास केलेल्या महिलेचा व्हिडीओ व्हायरल
"सोंजनाने व्हिडीओ शेअर करत लोकांना हेल्मेट घालण्याचं आवाहन केलं आहे. अपघाताच्या वेळी जर हेल्मेट घातले असते तर दुखापत झाली नसती, असं या महिलेनं म्हटलं आहे. सौजनाच्या व्हिडीओला मोठ्या संख्येत लाईक्स मिळत असून यूजर्सने कमेंट्सचा वर्षावही केला आहे. या व्हिडीओवर एका यूजरने कमेंट करत म्हटलंय, "जर तू हेल्मेट घातले असते तर वाचली असतीस." अन्य एका यूजरने म्हटलं की, चांगल्या क्वालिटीचा हेल्मेट घातला पाहिजे.
