गेल्या काही दिवसांपासून तुम्ही इंस्टाग्रामवर तुमच्या मित्रांचे किंवा डिजिटल क्रिएटर्सचे 3D स्टॅच्यू पाहिले असतील. त्यांचे फोटो आणि पोस्ट पाहून तुम्हालाही प्रश्न पडला असेल की हे कसं शक्य आहे? तर यामागचं रहस्य आहे गुगलने लाँच केलेलं एक नवं AI टूल, ज्याला 'नॅनो बनाना' (Nano Banana) असं नाव देण्यात आलं आहे. हे टूल काही सेकंदात तुमच्या कोणत्याही फोटोचं एका आकर्षक 3D मॉडेलमध्ये रूपांतर करू शकतं. महत्त्वाचं म्हणजे, या टूलचा वापर करण्यासाठी तुम्हाला कोणत्याही महागड्या सॉफ्टवेअरची गरज नाही. हे पूर्णपणे मोफत आणि वापरण्यास खूपच सोपं आहे. तुम्हालाही जर अशी इमेज बनवायची असेल तर ती कशी बनवता येईल, चला जाणून घेऊया.
नक्की वाचा: जबरदस्त फीचर, आता AI मेसेज टाईप करण्यासाठी करणार मदत
गुगलचे 'नॅनो बनाना' नेमके काय आहे?
‘नॅनो बनाना' हे या टूलचे अधिकृत नाव नसून, ते LMArena वरील युजर्सनी दिलेलं एक मजेदार टोपणनाव आहे. गुगलच्या या AI मॉडेलचे खरे नाव Gemini 2.5 Flash Image असे आहे. हे एक अत्याधुनिक AI मॉडेल असून, तुम्ही अपलोड केलेल्या कोणत्याही फोटोमधून ते अत्यंत अचूक आणि वास्तववादी 3D प्रतिकृती तयार करू शकते. या प्रक्रियेत हे टूल फोटोमधील व्यक्ती, त्यांचे कपडे, आणि बॅकग्राऊंडमधील बारकावे कायम राखते. यामुळे साधा फोटो वापरून त्याचं 3D मॉडेल तयार होतं.
3D मॉडेल कसे तयार करायचे ?
हे 3D मॉडेल बनवण्यासाठी तुम्हाला फक्त काही सोप्या स्टेप्स फॉलो करायच्यात
1: गुगल एआय स्टुडिओ ओपन करा
तुमच्या मोबाईल किंवा लॅपटॉपमध्ये गुगल क्रोम किंवा सफारीसारखे कोणतेही ब्राउझर ओपन करा आणि त्यात Google AI Studio असे सर्च करा. त्यानंतर, Try Gemini हा पर्याय निवडा. त्यानंतर उजव्या बाजूच्या पॅनेलमध्ये Nano Banana (Gemini 2.5 Flash Image) निवडा आणि गुगल अकाऊंट साईन इन करा. त्यानंतर युजर अटी मान्य करा, ज्यानंतर तुम्हालाही हे टूल वापरता येईल.
2: फोटो अपलोड करा
आता Run बटनाच्या शेजारील "+" चिन्हावर क्लिक करा आणि Upload Image किंवा Upload File हा पर्याय निवडा. तुम्ही तुमचा सेल्फी, तुमच्या पाळीव प्राण्याचा फोटो किंवा अगदी निसर्गरम्य दृश्यही वापरू शकता.
3: 3D मॉडेल प्रॉम्प्ट पेस्ट करा
तुम्ही फोटो अपलोड केल्यावर, खालील प्रॉम्प्ट (कमांड) कॉपी करून चॅटबॉक्समध्ये पेस्ट करा आणि Run बटनावर क्लिक करा:
"A highly detailed 1/7 scale figurine of the characters from the provided picture, crafted in a realistic style, is displayed in a real-world environment. The figurine is posed dynamically on a round, transparent acrylic base with no text, placed on a sleek, modern computer desk made of wood with a glossy finish. The desk is organised, featuring a monitor, keyboard, and a few small accessories like a pen holder and a coffee mug. The computer screen prominently displays the ZBrush modeling process of the figurine, showcasing intricate sculpting details, wireframes, and texture maps in progress. Next to the monitor, a BANDAI-style toy packaging box stands upright, featuring vibrant, two-dimensional flat illustrations of the characters in dynamic poses, with the original artwork faithfully reproduced. The scene is well-lit with natural light streaming through a nearby window, casting soft shadows and emphasising the figurine's realistic textures and fine details."
ही प्रॉम्प्ट तुम्ही अपलोड केलेला फोटो 3D मॉडेलमध्ये रुपांतरीत करते.
नक्की वाचा: गुगलच्या टीमला गावकऱ्यांनी धू धू धुतलं; पोलिसांच्या मध्यस्थीने मोठा अनर्थ टळला
4: इमेज डाउनलोड करा आणि शेअर करा
एकदा तुमचे मॉडेल तयार झाल्यावर, तुम्ही ती इमेज विनामूल्य डाउनलोड करू शकता. त्यानंतर तुम्ही ती इंस्टाग्राम, X किंवा इतर कोणत्याही सोशल मीडिया प्लॅटफॉर्मवर शेअर करू शकता. व्हॉटसअप स्टेटसलाही तुम्ही ही इमेज ठेवू शकता.
