सध्या सोशल मीडियावर 'शुक्रवारी सुट्टी' हा ट्रेंड आहे. 6 जून रोजी सु्ट्टी आहे का? याबाबत सातत्यानं शोध घेतला जात आहे. चसोबत, ईद-उल-अजहा देखील ट्रेंड करत आहे, ज्याला बकरीद, ईद-कुर्बान किंवा कुर्बान बयारामी या नावांनीही ओळखले जाते. हा मुस्लिमांच्या सर्वात महत्त्वाच्या सणांपैकी एक आहे. हा सण इस्लामिक चंद्र कॅलेंडरच्या 12 व्या महिन्यात, जुल हिज्जामध्ये साजरा केला जातो, ज्याला मुस्लिमांसाठी सर्वात पवित्र महिन्यांपैकी एक मानले जाते. भारतात, हा सण शनिवार, 7 जून रोजी साजरा होण्याची शक्यता आहे.
बकरी ईदचा सण जवळ येत असतानाच टरनेटवरील अनेक रिपोर्ट्समध्ये दावा केला जात आहे की केंद्र सरकारने शुक्रवारी राष्ट्रीय सुट्टी जाहीर केली आहे. या रिपोर्ट्समुळे सोशल मीडियावर संभ्रमाचं वातावरण आहे. शुक्रवारी ऑफिसमध्ये जायचं आहे की नाही? हा प्रश्न अनेक जण एकमेकांना विचारत आहेत.
भारतीय रिझर्व्ह बँकेच्या (RBI) अधिकृत बँक कॅलेंडरनुसार, 6 जून रोजी नेगोशिएबल इन्स्ट्रुमेंट्स ॲक्ट अंतर्गत सुट्टी जाहीर करण्यात आली आहे. याचा अर्थ, शुक्रवार 6 जून रोजी ईद-उल-अजहा निमित्त देशातील काही भागांमध्येच बँका बंद राहतील. पण, केंद्र सरकारने अशी कोणतीही देशव्यापी सार्वजनिक सुट्टी जाहीर केलेली नाही.
( नक्की वाचा : Explainer: चिनाब रेल्वे पूलाचं स्वप्न अखेर पूर्ण! चीन-पाकिस्तानचं का वाढलं टेन्शन? वाचा संपूर्ण माहिती )
आरबीआयनुसार, बकरीदच्या निमित्ताने केरळमधील तिरुवनंतपुरम आणि कोची यांसारख्या शहरांमध्ये शुक्रवारी सार्वजनिक आणि खाजगी क्षेत्रातील बँका बंद राहतील. इतर सर्व राज्यांमध्ये बँका ग्राहकांसाठी खुल्या राहतील. तरीही, कोणतीही गैरसोय टाळण्यासाठी, कोणतेही महत्त्वाचे बँकिंग काम आधीच पूर्ण करणे योग्य राहील. आपले व्यवहार वेळेवर पूर्ण करण्यासाठी नियोजन करा.
