US-Iran Tensions Escalation: अमेरिकेचे राष्ट्राध्यक्ष डोनाल्ड ट्रम्प यांनी शुक्रवारी इराणवर गंभीर आरोप करत, होर्मुज जलडमरूमध्य परिसरातून जाणाऱ्या मालवाहू जहाजावर इराणने ड्रोन हल्ला केल्याचे सांगितले. या कृतीला ट्रम्प यांनी 'सीजफायर कराराचे मूर्खतापूर्ण उल्लंघन' असल्याचे म्हटले आहे. या हल्ल्यात एका महागड्या मालवाहू जहाजाच्या डेकचे नुकसान झाले असून, अमेरिकन सैन्याने तातडीने प्रत्युत्तर देत इराणचे तीन ड्रोन पाडले आहेत.
काय म्हणाले डोनाल्ड ट्रम्प?
मिळालेल्या माहितीनुसार, "इस्लामिक रिपब्लिक ऑफ इराणने होर्मुझच्या सामुद्रधुनीतून जाणाऱ्या जहाजांवर किमान चार 'एकतर्फी हल्ला करणारे ड्रोन' डागले. यापैकी एका ड्रोनने एका मोठ्या आणि अत्यंत महागड्या मालवाहू जहाजाच्या वरच्या डेकला लक्ष्य केले. त्यामुळे नुकसान झाले, परंतु जहाज आपला प्रवास सुरू ठेवू शकले. आम्ही इतर तीन ड्रोन पाडले. स्पष्टपणे, हे आमच्या शस्त्रसंधी कराराचे मूर्खपणाचे उल्लंघन आहे, असं ट्रम्प यांनी म्हटलं आहे.
गेल्या आठवड्यातच अमेरिका आणि इराण यांच्यात युद्धविरामाचा अंतरिम करार झाला होता. मात्र, या हल्ल्यामुळे हा करार आता धोक्यात आला असल्याचे स्पष्ट होत आहे. व्हाईट हाऊसने या हल्ल्याचा तीव्र निषेध केला असून, हिंसाचाराला हिंसाचारानेच उत्तर दिले जाईल, असे संकेत दिले आहेत. दुसरीकडे, इराणच्या संसदेच्या राष्ट्रीय सुरक्षा आयोगाने या आरोपांचे खंडन करत, होर्मुजवर आपले नियंत्रण असल्याचे पुन्हा एकदा अधोरेखित केले आहे. या क्षेत्रात सुरू असलेल्या तणावाचा परिणाम जागतिक व्यापारावर होत असून, आंतरराष्ट्रीय सागरी संघटनांनीही चिंतेची दखल घेतली आहे.
दरम्यान, शुक्रवारी संयुक्त अरब अमिरातीमध्ये तांत्रिक बिघाडामुळे जारी करण्यात आलेल्या क्षेपणास्त्र अलर्टने या प्रदेशातील तणाव अधिकच वाढला आहे. हा हल्ला एका मालवाहू जहाजावर झाला. लेबनॉनमधील इस्रायली हल्ल्यांनंतर गेल्या काही दिवसांत वाढला आहे. मोबाईल फोनवर आलेल्या या अलर्टमुळे दुबई या शहर-राज्यातील अनेकांना आश्चर्य वाटले; अंतरिम युद्धविरामानंतरचा हा अशा प्रकारचा पहिलाच अलर्ट होता.
