Sunetra Pawar Oath Ceremony Live Updates: अजित पवार यांच्या पत्नी सुनेत्रा पवार आज (31 जानेवारी) महाराष्ट्राच्या उपमुख्यमंत्रिपदाची शपथ घेतली. बारामती येथे 28 जानेवारी रोजी विमान दुर्घटनेमध्ये उपमुख्यमंत्री अजित पवार यांचे निधन झाले. यानंतर राष्ट्रवादी काँग्रेस पक्षातील नेत्यांनी देवेंद्र फडणवीस यांच्या नेतृत्वातील सरकारमध्ये उपमुख्यमंत्रिपद सुनेत्रा पवार यांच्याकडे सोपवण्यात यावे, अशी मागणी केली. त्यानंतर लोकभवनमध्ये झालेल्या साध्या कार्यक्रमात सुनेत्रा पवार यांनी उपमुख्यमंत्रिपदाची शपथ घेतली.
Sunetra Pawar Oath Ceremony Live Updates: 'प्रसंग कठीण होता... पण' CM देवेंद्र फडणवीसांची मोठी प्रतिक्रिया
Sunetra Pawar Oath Ceremony Live Updates: सुनेत्रा पवार यांनी उपमुख्यमंत्रिपदाची शपथ घेतल्यानंतर मुख्यमंत्री देवेंद्र फडणवीस यांनी पहिली प्रतिक्रिया दिली आहे.
'प्रसंग कठीण होता...पण, ज्या धीरोदात्तपणे श्रीमती सुनेत्रावहिनींनी महाराष्ट्र हिताचा निर्णय घेतला, तो कौतुकास्पद, धाडसी आणि त्यांची प्रतिबद्धता अधोरेखित करणारा आहे. शुभेच्छा देण्याचा हा प्रसंग नाही...पण, अजितदादांचा वारसा त्या समर्थपणे चालवतील, हा मला विश्वास आहे. राज्याला पहिल्या महिला उपमुख्यमंत्री लाभल्या, त्यांची ही कारकिर्द यशस्वी ठरेल. भाजपा आणि महायुती सरकार म्हणून या कठीण प्रसंगी, आम्ही अजितदादा पवार यांच्या कुटुंबीयांच्या पाठिशी आहोत.', असं ट्विट करत मुख्यमंत्र्यांनी या विषयावर प्रतिक्रिया दिली आहे.
प्रसंग कठीण होता...
— Devendra Fadnavis (@Dev_Fadnavis) January 31, 2026
पण, ज्या धीरोदात्तपणे श्रीमती सुनेत्रावहिनींनी महाराष्ट्र हिताचा निर्णय घेतला, तो कौतुकास्पद, धाडसी आणि त्यांची प्रतिबद्धता अधोरेखित करणारा आहे.
शुभेच्छा देण्याचा हा प्रसंग नाही...
पण, अजितदादांचा वारसा त्या समर्थपणे चालवतील, हा मला विश्वास आहे. राज्याला… pic.twitter.com/qoE9zKF9nZ
Sunetra Pawar Oath Ceremony Live Updates: सुनेत्रा पवार यांची खाती ठरली, पाहा कोणत्या खात्याच्या मंत्री?
Sunetra Pawar Oath Ceremony Live Updates: सुनेत्रा पवार यांनी उपमुख्यमंत्रिपदाची शपथ घेतली आहे. त्या राज्याच्या पहिल्या महिला उपमुख्यमंत्री आहेत. सुनेत्रा पवार यांनी पदभार स्विकारल्यानंतर त्यांची खाती निश्चित झाली आहेत. त्यांच्याकडं अजित पवार यांच्याकडं असलेली राज्य उत्पादन शुल्क, क्रीडा व युवक कल्याण आणि अल्पसंख्यक विकास व औकाफ ही खाती देण्यात आली आहेत.
पण, अजित पवार यांच्याकडं असलेलं सर्वात महत्त्वाचं अर्थ खात सुनेत्रा पवार यांना देण्यात आलेलं नाही. मुख्यमंत्र्यांनी ते खातं स्वत:कडंच ठेवलं आहे.
Sunetra Pawar Oath Ceremony Live Updates: सुनेत्रा पवार बनल्या उपमुख्यमंत्री, PM मोदींची पहिली प्रतिक्रिया
Sunetra Pawar Oath Ceremony Live Updates: सुनेत्रा पवार यांनी उपमुख्यमंत्रिपदाची शपथ घेतली आहे. त्यानंतर पंतप्रधान नरेंद्र मोदी यांनी ट्वि्ट करत त्यांना शुभेच्छा दिल्या आहेत.
'महाराष्ट्र राज्याच्या उपमुख्यमंत्री पदाची धुरा सांभाळणाऱ्या सुनेत्रा पवार जी यांना त्यांच्या नवीन कार्यकाळासाठी हार्दिक शुभेच्छा. हे जबाबदारीचे पद भूषवणाऱ्या त्या राज्यातील पहिल्या महिला आहेत. त्या राज्याच्या जनतेच्या कल्याणासाठी अथक परिश्रम घेतील आणि दिवंगत अजितदादा पवार यांचे स्वप्न पूर्ण करतील, असा मला ठाम विश्वास आहे.' या शब्दात पंतप्रधान मोदी यांनी त्यांच्या भावना व्यक्त केल्या आहेत.
Best wishes to Sunetra Pawar Ji as she begins her tenure as Deputy Chief Minister of Maharashtra, the first woman to hold this responsibility. I am confident she will work tirelessly for the welfare of the people of the state and fulfil the vision of the late Ajitdada Pawar.…
— Narendra Modi (@narendramodi) January 31, 2026
Sunetra Pawar Oath Ceremony Live Updates: सुनेत्रा पवार बनल्या राज्याच्या पहिल्या महिला उपमुख्यमंत्री! वाचा सर्व अपडेट
Sunetra Pawar Oath Ceremony Live Updates: सुनेत्रा पवार यांनी उपमुख्यमंत्रिपदाची शपथ घेतली आहे.अजित पवार यांच्या अपघाती निधानंतर हे पद रिक्त झालं होतं. त्यांच्या जागी सुनेत्रा पवार यांनी उपमुख्यमंत्रिपदाची शपथ घेतली. त्या राज्याच्या पहिल्या महिला उपमुख्यमंत्री आहेत.
#WATCH | Mumbai: NCP leaders chant 'Ajit dada amar rahe' as Sunetra Pawar, leader of the NCP legislative party and wife of late Deputy CM Ajit Pawar, takes oath as Deputy CM of Maharashtra at the Lok Bhavan pic.twitter.com/RU1cUXTbld
— ANI (@ANI) January 31, 2026
Sunetra Pawar Oath Ceremony Live Updates: राज्याला मिळणार पहिल्या महिला उपमुख्यमंत्री, सुनेत्रा पवार घेणार शपथ
Sunetra Pawar Oath Ceremony Live Updates: सुनेत्रा पवार यांच्या रुपानं राज्याला पहिल्या महिला उपमुख्यमंत्री मिळणार आहेत.या कार्यक्रमासाठी सुनेत्रा पवार लोकभवनात दाखल झाल्या आहेत. थोड्याच वेळात शपथविधी कार्यक्रम होईल.
Sunetra Pawar Oath Ceremony Live Updates: सुनेत्रा पवारांच्या शपथविधी कार्यक्रमात कोण सहभागी होणार?
Sunetra Pawar Oath Ceremony Live Updates: सुनेत्रा पवार आता राज्याच्या पहिल्या महिला उपमुख्यमंत्री होणार आहेत. त्यांच्या शपथविधी कार्यक्रमाची तयारी पूर्ण झाली आहे.
लोकभवनात साधेपणाने हा कार्यक्रम होणार आहे. या कार्यक्रमाला मुख्यमंत्री देवेंद्र फडणवीस आणि कॅबिनेटमधील अन्य मंत्री उपस्थित राहणार आहेत. पण, पवार परिवारातील अन्य सदस्य म्हणजेच सुप्रिया सुळे आणि शरद पवार या कार्यक्रमाला उपस्थित राहणार नाहीत.
सुनेत्रा पवार यांचा पक्ष वेगळा असून त्या उपमुख्यमंत्री होण्याबाबत आपला कोणताही सल्ला घेण्यात आला नाही, असं शरद पवार यांनी यापूर्वीच स्पष्ट केलं आहे.
Sunetra Pawar Oath Ceremony Live Updates: सुनेत्रा पवार होणार उपमुख्यमंत्री, मुख्यमंत्र्यांचं राज्यपालांना पत्र
Sunetra Pawar Oath Ceremony Live Updates: राष्ट्रवादी काँग्रेसच्या विधीमंडळ गटनेतेपदी सुनेत्रा पवार यांची निवड झाली आहे. त्या उपमुख्यमंत्री होणार ही आता औपचारिकता बाकी आहे.
राष्ट्रवादीच्या विधीमंडळ गटाच्या बैठकीनंतर पक्षाच्या प्रमुख नेत्यांनी मुख्यमंत्री देवेंद्र फडणवीस यांची भेट घेतली. त्यानंतर मुख्यमंत्र्यांनी सुनेत्रा पवार यांना उपमुख्यमंत्री करण्याबाबतचं पत्र राज्यपालांना पाठवलं आहे.
Sunetra Pawar Oath Ceremony Live Updates: राष्ट्रवादी काँग्रेसच्या विलीनीकरणाबाबत सुनेत्रा पवार सकारात्मक होत्या !
Sunetra Pawar Oath Ceremony Live Updates: 'राष्ट्रवादी काँग्रेस एकत्र यावा अशी अजित पवारांची इच्छा होती. दोन पक्ष एकत्र येणार म्हणून अजित पवार आनंदी होते. सुनेत्रा पवारही त्याबाबत सकारात्मक होत्या,' असा मोठा गौप्यस्फोट राष्ट्रवादी शरद पवार पक्षाचे नेते जयंत पाटील यांनी केला आहे.
'NDTV मराठी' ला दिलेल्या एक्सक्लुझिव्ह मुलाखतीमध्ये त्यांनी हा गौप्यस्फोट केला आहे. राष्ट्रवादीच्या विलीनीकरणाचा प्रस्ताव अजूनही खुला असल्याचा दावा त्यांनी केला आहे.,
Sunetra Pawar Oath Ceremony Live Updates: सुनेत्रा पवार घेणार उपमुख्यमंत्रिपदाची शपथ, लोकभवनात तयारी पूर्ण
Sunetra Pawar Oath Ceremony Live Updates: अजित पवार यांच्या अपघाती मृत्यूमुळे उपमुख्यमंत्रिपद रिक्त झालं होतं. त्या पदावर आता त्यांच्या पत्नी सुनेत्रा पवार शपथ घेणार आहेत.
मुंबईत संध्याकाळी 5 वाजता त्यांचा शपथविधी कार्यक्रम होईल. लोकभवनात साधेपणाने हा कार्यक्रम होईल. त्यासाठी तयारी पूर्ण झाली आहे.
यापूर्वी राष्ट्रवादी काँग्रेसच्या गटनेतेपदी सुनेत्रा पवार यांची एकमताने निवड करण्यात आली आहे.
Sunetra Pawar Oath Ceremony Live Updates:सुनेत्रा पवार यांची गटनेतेपदी एकमताने निवड
Sunetra Pawar Oath Ceremony Live Updates: सुनेत्रा पवार यांची राष्ट्रवादी काँग्रेस पक्षाच्या विधीमंडळ गटनेतेपदी एकमताने निवड
#WATCH | Mumbai, Maharashtra: NCP legislative party meeting underway at the State Legislative Assembly.
— ANI (@ANI) January 31, 2026
Late Deputy CM Ajit Pawar's wife and Rajya Sabha MP Sunetra Pawar and others are present here.
(Video: NCP) pic.twitter.com/OlyS2rHMD5
Sunetra Pawar Oath Ceremony Live Updates: सुनेत्रा पवार यांची विधिमंडळ गटनेतेपदी निवड
- सुनेत्रा पवार यांची विधिमंडळ गटनेतेपदी निवड
- दिलीप वळसे-पाटील यांनी गटनेतेपदाचा प्रस्ताव मांडला
- छगन भुजबळ यांच्याकडून प्रस्तावाला अनुमोदन
#WATCH | Mumbai, Maharashtra: Late Deputy CM Ajit Pawar's wife and Rajya Sabha MP Sunetra Pawar arrives at the State Legislative Assembly for the NCP legislative party meeting. pic.twitter.com/iwMBx9AVvg
— ANI (@ANI) January 31, 2026
Sunetra Pawar Oath Ceremony Live Updates: सुनेत्रा पवार विधान भवनात दाखल
अजित पवार यांच्या पत्नी सुनेत्रा पवार विधान भवनात दाखल
#WATCH | Mumbai, Maharashtra: Late Deputy CM Ajit Pawar's wife and Rajya Sabha MP Sunetra Pawar arrives at the State Legislative Assembly for the NCP legislative party meeting.
— ANI (@ANI) January 31, 2026
(Video: NCP) pic.twitter.com/Yc4sWJbSxW
Sanjay Shirsat On Maharashtra Politics: माणसापेक्षा खुर्चीला महत्त्व : संजय शिरसाट, सामाजिक न्याय मंत्री
Sanjay Shirsat On Maharashtra Politics | 'शासकीय दुखवटा संपण्याआधीच...'; माणसापेक्षा खुर्चीला महत्व असल्याचे सामाजिक न्याय मंत्री संजय शिरसाट यांनी सांगितले | NDTV मराठी#ndtvmarathi #sunetrapawar #ajitpawarnews #SanjayShirsat #MaharashtraPolitics #PoliticalUpdate pic.twitter.com/yMDTMR7ksh
— NDTV Marathi (@NDTVMarathi) January 31, 2026
NCP Merger News: दोन्ही पक्ष एकत्र राहावे अशी दादांची इच्छा होती: राजेश टोपे, नेते राशप
Rajesh Tope on NCP | 'दोन्ही पक्ष एकत्र राहावे अशी दादांची इच्छा होती' | Ajit Pawar | NDTV मराठी#SharadPawar #ndtvmarathi #sunetrapawar #ajitpawarnews #RajeshTope #MaharashtraPolitics #PoliticalUpdate pic.twitter.com/7q6RhrSc87
— NDTV Marathi (@NDTVMarathi) January 31, 2026
Vidip Jadhav: अजित पवारांचे PSO विदीप जाधवांच्या कुटुंबीयांची माजी मंत्री अनिल देशमुख भेट घेणार
बारामती येथे झालेल्या भीषण विमान अपघातात राज्याचे उपमुख्यमंत्री तथा राष्ट्रवादी काँग्रेस पार्टीचे राष्ट्रीय अध्यक्ष स्व. अजितदादा पवार यांच्यासह विमानातील इतर सर्वांचेच दुर्दैवी निधन झाले. यात दादांचे अंगरक्षक, पोलीस कर्मचारी विदीप जाधव यांचे देखील निधन झाले होते. मी आज सायंकाळी…
— ANIL DESHMUKH (@AnilDeshmukhNCP) January 31, 2026
Ajit Pawar News: ...हा विचारांचा वारसा आम्ही पुढे चालवू!, रुपाली चाकणकरांची खास पोस्ट
धन्यवाद दादा …
— Rupali Chakankar (@ChakankarSpeaks) January 31, 2026
आपण दिलेली महिला आयोगाची जबाबदारी,आपण दिलेला सन्मान,आपण दिलेली काम करण्याची उर्जा,आपण दिलेला पाठिंबा…हा विचारांचा वारसा आम्ही पुढे चालवू!!@AjitPawarSpeaks @mahancpspeaks pic.twitter.com/54R2rWGWO6
Jayant Patil on NCP Merger Was Set for Feb 12 Ajit Pawar Wanted Unity Under Sharad Pawar's Guidance
NCP Merger : जयंत पाटील यांनी सांगितले की, "दादा आणि माझ्यामध्ये किमान 8-10 वेळा सविस्तर चर्चा झाली होती. बैठकीचे ठिकाण माझे घरच असायचे. पहिल्या दोन-तीन बैठकांमध्ये दादांनी साहेबांबद्दलच्या आपल्या भावना व्यक्त केल्या.
Ajit Pawar: रोहित पवारांची अजित पवारांसाठी खास पोस्ट
बारामतीचं दुसरं नाव म्हणजे आदरणीय साहेब आणि मा. अजितदादा…!
— Rohit Pawar (@RRPSpeaks) January 31, 2026
आजपर्यंत या दोघांपैकी ज्याला सत्तेचं पद मिळायचं त्यांच्या अभिनंदनाचे बारामतीत मोठमोठे बॅनर दिसायचे… त्यावर #उपमुख्यमंत्रीपदी निवड किंवा #भावी_मुख्यमंत्री अशा ठसठशीत अक्षरात मा. अजितदादांचा देखणा आणि राजबिंडा फोटो… pic.twitter.com/HXQnY0VmLh
Sunetra Pawar Oath Ceremony Live: विधिमंडळ राष्ट्रवादी काँग्रेस पक्षाची बैठक दुपारी 2 वाजता पार पडेल: सुनील तटकरे
राष्ट्रवादी काँग्रेसचे प्रदेशाध्यक्ष सुनील तटकरे म्हणाले की," राष्ट्रवादी काँग्रेसच्या प्रमुख नेत्यांची बैठक पार पडली. विधिमंडळ राष्ट्रवादी काँग्रेस पक्षाची बैठक दुपारी 2 वाजता पार पडेल. आमदार, जनतेची भावना लक्षात घेता सुनेत्रा वहिनींची गटनेतेपदी निवड होणे अपेक्षित आहे. ते झाल्यानंतर विधिमंडळ राष्ट्रवादी काँग्रेसचे अधिकृत पत्र प्रदेशाध्यक्ष म्हणून देण्यासाठी आम्ही सर्व वरिष्ठ सहकारी मुख्यमंत्र्यांची भेट घेऊ. त्यानंतर मुख्यमंत्री पुढील निर्णय घेतली. बैठकीचा व्हिडीओ दाखवला जात आहे, तो बारामती कृषिप्रदर्शानाच्या दिवशी चहापानाची व्हिडीओ आहे. त्यानंतर अजितदादांनी पत्रकार परिषद घेतला होती. त्यात त्यांनी स्थानिक स्वराज्य संस्थांच्या निवडणुका होत आहेत, त्याबाबत चर्चा झाल्याची माहिती अजितदादांनी दिली होती. जनभावना लक्षात घेत राष्ट्रवादी काँग्रेस परिवार, आमदार, नेते आम्ही सामूहिक हा निर्णय घेतला आहे. अजितदादा आमच्यात नाहीत हे दु:ख आम्ही पचवू शकत नाही. त्यांचे अस्थिकलश आम्ही महाराष्ट्राच्या गावागावात नेणार आहोत. महाराष्ट्र आपला मानून, महाराष्ट्राचा विकास करण्याचं त्यांचं नेतृत्व विलक्षण राहिलं."
Chhagan Bhujbal | सुनेत्रा पवारांच्या उपमुख्यमंत्रिपदाबाबत छगन भुजबळांचं मोठं वक्तव्य
Ajit Pawar News: युगेंद्र पवार यांची अजित पवार यांच्यासाठी भावुक पोस्ट
Ambadas Danve | "खुर्ची संरक्षणासाठी आणि स्वार्थासाठी सुनेत्रा पवार यांच्या शपथविधीची घाई" - दानवे
Jayant Patil on NCP Merger राष्ट्रवादी विलीनीकरणाच्या बैठकांबाबत जयंत पाटील यांचा गौप्यस्फोट
Sharad Pawar 3 Major Statements on NCP Merger Uncertainty Over Sunetra Pawar's Swearing-in Ceremony
Sharad Pawar PC: सुनेत्रा पवार आज उपमुख्यमंत्रिपदाची शपथ घेणार असल्याच्या चर्चांवर शरद पवार यांनी म्हटलं की, "मला या शपथविधीबाबत काहीही माहिती नाही. मी सध्या बारामतीत आहे.
Sunetra Pawar Oath Ceremony Live: पार्थ पवार बारामतीमध्येच थांबणार आहेत
पार्थ पवार बारामतीमध्येच थांबणार आहेत. अजित पवार यांच्या निधनानंतर जे भेटण्यास येतात, त्यांच्या भेटीसाठी बारामतीत थांबण्याचा निर्णय घेतला. जय पवार हे सुनित्रा पवारांसोबत गटनेता निवड आणि शपथविधी सोहळ्यासाठी असणार आहेत.
Sunetra Pawar Oath Ceremony Live: आगामी निवडणुकीची जबाबदारी सुनेत्रा पवारांवर असेल: अनिल पाटील, आमदार
राष्ट्रवादी काँग्रेस पक्षाचे (अजित पवार) आमदार अनिल पाटील यांची प्रतिक्रिया
- दुसऱ्या पक्षानं काय बोलावे, हा मुद्दा नाही. हा पक्षाचा अंतर्गत विषय आहे.
- आगामी निवडणुकीची जबाबदारी सुनेत्रा पवार यांच्यावर असेल
- शरद पवारांसोबत बोलणं झालं की नाही? याबाबत माहिती नाही
- काळाची गरज असल्याने नेत्याची गरज आहे
- कोणत्याही खात्याची जबाबदारी देण्यासाठीचा निर्णय मुख्यमंत्री घेतील, नेतेपदाची निवड आज होईल
- पार्थ पवार यांनी शरद पवार यांची भेट घेतली, चांगले आहे.
Sunetra Pawar Oath Ceremony Live: सुनील तटकरे आणि प्रफुल पटेल यांनी सुनेत्रा पवारांची भेट घेतली
#WATCH | Maharashtra: NCP leaders Sunil Tatkare and Praful Patel reached the residence of late Deputy CM Ajit Pawar in Mumbai, to meet Sunetra Pawar.
— ANI (@ANI) January 31, 2026
(Earlier visuals) pic.twitter.com/0W8IpVEOAc
Sunetra Pawar Oath Ceremony Live: सुनेत्रा पवार यांचा शपथविधी आज होईल: छगन भुजबळ
राष्ट्रवादी काँग्रेस पक्षाचे ज्येष्ठ नेते छगन भुजबळ यांनी सांगितलं की, "लोकांचे, आमदारांचे मत विचारात घेतले तर सुनेत्रा पवारांना राष्ट्रवादी काँग्रेस पक्षातील विधीमंडळातील नेत्या (CLP) आणि उपमुख्यमंत्री करणं हे योग्य राहील. त्याची फॉर्मेलिटी आज दुपारी करू. मुख्यंत्र्यांसोबत चर्चा झाली आहे, ते सहकार्य करत आहेत. आजच राज्यपालांना सांगून शपथविधी होईल.
शरद पवारांना शपथविधीबाबात माहिती नाही, याबाबत प्रश्न विचारला असता छगन भुजबळ म्हणाले की, "मला या प्रश्नावर काही बोलायचे नाही. सीएलपी मीटिंगसाठी पत्र लवकर निघावे, यासाठी माझा प्रयत्न होता. राष्ट्रवादी काँग्रेसकडे असलेलं सर्वात मोठं पद हे राज्याचे उपमुख्यमंत्रिपद आहे. ती सूत्रे सुनेत्राताईंच्या हाती देणं हे गरजेचं होतं".
आमच्या दृष्टीने पक्षाचा राष्ट्रीय अध्यक्ष आणि उपमुख्यमंत्रिपद जिथे सर्व शक्ती एकवटलेली आहे. पक्ष मजबूत करून पुढे नेण्याची शक्ती त्या पदामध्ये आहे. त्यावर आमचे पूर्णपणे लक्ष आहे. सुनेत्रा पवार उपमुख्यमंत्री झाल्यानंतर पुढील निर्णय घेतले जातील, असे छगन भुजबळ यांनी स्पष्ट केले आहेत.
NCP Merger News: राष्ट्रवादी विलीनीकरण बैठकांसंदर्भात जयंत पाटील यांचा मोठा दावा
राशपचे नेते जयंत पाटील यांचा मोठा दावा
- दादांशी माझी किमान 8-10 वेळा चर्चा झाली होती. 'साहेबांच्या देखत दोन्ही पक्ष एकत्र करायचे आहे आणि माझ्याबद्दलची जनमानसातील भावना पुसून पुन्हा साहेबांच्या पक्षासोबत एकत्रित यायचे आहे, असे त्यांचे म्हणणे होते'. बैठकीचे ठिकाण माझे घरच होते, पहिल्या दोन-तीन बैठकांमध्ये साहेबांबद्दलच्या भावना व्यक्त करण्यातच खर्च झाल्या. साहेबांबद्दल त्यांना प्रचंड आदर होता, साहेबांच्या बरोबर जे झालं ते विसरू आणि हा कालखंड मागे टाकून पुन्हा एक होऊ, राष्ट्रवादी काँग्रेस एकसंघ करू अशी त्यांची तीव्र भावना होती. 16 जानेवारी दादांची आणि आमच्या पक्षातील काही लोकांची बैठक झाली. 16 जानेवारीला सगळेच एकत्रित जमलो आणि तेव्हा ठरलं की जिल्हा परिषद निवडणुका आघाडीत लढवू आणि निकाल लागल्यानंतर एकत्रिकरण जाहीर करून. अजित पवारांचे म्हणणे होते की 8 फेब्रुवारीला याची घोषणा करू, मात्र मी त्यांना सांगितले की दिल्लीला एक लग्न आहे, त्यामुळे 8-9 फेब्रुवारी नको. 12 फेब्रुवारी तारीख त्यासाठी ठरली होती. दुसऱ्या दिवशी पवार साहेबांसमोर बसलो आणि तिथे सविस्तर चर्चा झाली, 12 फेब्रुवारी सर्वांनी निश्चित केली.
- सत्तेमध्ये जाण्यासंदर्भात विचारले असता जयंत पाटील म्हणाले की, "आधी दोन्ही पक्ष एकत्र करायचे याबद्दलचा अजित पवारांचा आग्रह होता, त्यात बरेच तपशील आहे. इथे ते सगळे सविस्तर सांगता येणं कठीण आहे. सुप्रिया ताईंना काहीवेळा चर्चेत आणायचाही मी प्रयत्न केला होता. अजित पवारांनी मला हे सांगितलं होतं की प्रफुल पटेल, सुनील तटकरे, छगन भुजबळ आणि अन्य लोकांनाही याबाबतची कल्पना दिली आहे. मी जो निर्णय घेईन तो या सर्वांना मान्य असेल".
- त्यांचा पक्ष हा स्वतंत्र पक्ष आहे, त्यांच्या पक्षाचे निर्णय हे प्रफुल पटेल आणि सुनील तटकरे काही प्रमाणात छगन भुजबळ घेत आहेत हे दिसतंय. त्या तिघांचा निर्णय जो असेल त्याची अंमलबजावणी होत असेल. त्यांच्या पक्षाबद्दल मी बोलणं योग्य ठरणार नाही.
Sharad Pawar: सुनेत्रा पवार यांच्या शपथविधी सोहळ्याबाबत काहीही माहिती नाही: शरद पवार
सुनेत्रा पवार यांच्या उपमुख्यमंत्रिपदाच्या शपथविधी सोहळ्याबाबत काहीही माहिती नसल्याची प्रतिक्रिया राशपचे अध्यक्ष शरद पवार यांनी दिलीय. शपथविधीबाबत काहीही माहिती नाही. मीडियाद्वारे याबाबतची माहिती मिळाली. हा निर्णय राष्ट्रवादी काँग्रेस पक्षाने (अजित पवार) घेतलाय. अजित पवार हे दोन्ही गटांना एकत्र करू इच्छित होते आणि त्याबद्दल ते आशावादी होते. त्यांची इच्छा पूर्ण करावी. याची घोषणा होणार होती. पण त्यापूर्वीच अजित आम्हाला सोडून गेले, असे शरद पवार म्हणाले.
Supriya Sule: सुप्रिया सुळे दुपारी नवी दिल्लीला रवाना होणार
राशप खासदार सुप्रिया सुळे दुपारी नवी दिल्लीला रवाना होणार
Sharad Pawar: शरद पवार मुंबईसाठी दुपारी रवाना होणार
शरद पवार बारामतीतून मुंबईसाठी दुपारी रवाना होणार आहेत.
Sunetra Pawar Oath Ceremony Live: पार्थ पवार शरद पवार यांच्या भेटीसाठी दाखल
- बारामतीच्या निवासस्थानी शरद पवार यांची भेट घेण्यासाठी पार्थ पवार दाखल
- पार्थ पवार गोविंद बागेमध्ये दाखल
Sunetra Pawar Oath Ceremony Live: सुनेत्रा पवार यांच्या उपमुख्यमंत्रिपदासंदर्भातील महत्त्वाची माहिती
- सुनेत्रा पवार, पार्थ पवार आणि जय पवार यांच्या सूचनेनंतरच सुनेत्रा पवार यांच्या उपमुख्यमंत्रिपदासंदर्भातील हालचाली सुरू झाल्या होत्या - सूत्र
- अजित पवार यांच्या निधनानंतर काही तासात शरद पवारांच्या राष्ट्रवादीकडून पक्ष विलिनीकरणाचा सूर आळवण्यात आला, त्यामुळे अजित पवारांच्या कुटुंबाकडून तातडीने उपमुख्यमंत्रिपदाचा निर्णय घेण्यात आल्याची माहिती
Sunetra Pawar Oath Ceremony Live:सुनेत्रा पवार यांचा शपथविधी सोहळा इतक्या घाईने करण्यामागे हे आहे कारण
- सुनेत्रा पवार यांच्या गटनेता निवड आणि उपमुख्यमंत्रिपदाच्या निवडीचा अंतिम निर्णय राष्ट्रवादी काँग्रेस कोअर टीमचाच
- दोन एनसीपी एकत्रीकरण चर्चा मुद्दाम काहीजण घडवू पाहत असल्यानेच इतक्या घाईत सुनेत्रा पवार यांची निवड करण्याच्या हालचाली-सूत्र
- एनसीपी कोअर टीम आणि सुनेत्रा पवार यांच्या सहमतीनेच मुख्यमंत्र्यांची भेट घेत शपथविधी लवकर करण्याची भूमिका-सूत्र
- सुनेत्रा पवार यांना उपमुख्यमंत्री करणे आणि एनसीपी पार्टी राष्ट्रीय अध्यक्ष करणे ही भूमिका प्रफुल पटेल, सुनील तटकरे,छगन भुजबळ, धनंजय मुंडे यांच्याच भूमिकेतून - सूत्र
Sunetra Pawar Oath Ceremony Live सुनेत्रा पवार यांच्या शपथविधीची तयारी
- महाराष्ट्राच्या राज्यपालांच्या निवासस्थानी सुनेत्रा पवार यांचा शपथविधी सोहळा होणार
- साध्या पद्धतीने शपथविधी सोहळा होणार
- अजित पवार यांचे निकटवर्तीय प्रमोद हिंदुराव देवगिरी बंगल्यावर दाखल
- शपथविधीसाठी राज्यशिष्टाचार विभागाकडून निमंत्रण पत्रिका पाठवल्या जात आहेत
- मंत्री, मुख्य सचिव तसंच डीजी यांच्यासह कुटुंबातील सदस्य उपस्थितीत राहणार
Sanjay Raut: दुखवटा संपत नाही तोवर काहीही बोलणार नाही: संजय राऊत
संजय राऊत, नेते, शिवसेना(उबाठा) यांची पत्रकार परिषद
- जोपर्यंत अजित पवारांचा दुखवटा संपत नाही, तोपर्यंत आम्ही राजकीय विषयावर बोलणार नाही. बोलण्यासारखे भरपूर आहे, मात्र बोलणार नाही
- भाजप हा मढ्याच्या टाळूवरचे लोणी खाणारा पक्ष आहे
-भाजपच्या भूमिका ठरतील त्यानुसार शिवसेना शिंदे गट आणि राष्ट्रवादी काँग्रेस अजित पवार गटाचे भविष्य ठरेल
संजय राऊत यांचा माध्यमांशी संवाद । LIVE https://t.co/YmcAiOyU4N
— NDTV Marathi (@NDTVMarathi) January 31, 2026
Sharad Pawar-Ajit Pawar: शरद पवार आणि अजित पवारांच्या बैठकीचा व्हिडीओ
शरद पवार आणि अजित पवार यांच्यामध्ये 17 जानेवारी रोजी बैठक झाली होती.
12 फेब्रुवारी रोजी दोन्ही पक्ष विलीनीकरणाची घोषणा करतील, असे ठरले होते.
Sharad Pawar: शरद पवार यांच्या निवासस्थानी बैठक
शरद पवार यांच्या निवासस्थानी त्यांच्या पक्षातील सदस्यांची बैठक
शरद पवार, सुप्रिया सुळे, युगेंद्र पवार, रोहित पवार,संदीप क्षीरसागर यांच्यात चर्चा झाल्याची माहिती.
#WATCH | Baramati, Maharashtra: Prominent members of society met NCP-SCP chief Sharad Pawar today at his residence, following the death of Deputy CM Ajit Pawar. pic.twitter.com/uWVk2dbhIw
— ANI (@ANI) January 31, 2026
Sharad Pawar: शपथविधी सोहळा आणि पक्ष विलीनीकरणाबाबत शरद पवार काय म्हणाले, ऐका संपूर्ण पत्रकार परिषद
Sharad Pawar: सुनेत्रा पवार यांच्या शपथविधी सोहळ्याबाबत काही माहिती नाही: शरद पवार
सुनेत्रा पवार यांच्या शपथविधी सोहळ्याला उपस्थित राहणार का, असा प्रश्न पत्रकारांनी विचारताच शरद पवार म्हणाले की, शपथविधीसोहळ्याबाबत काहीही माहिती नाही. मी तर इथे (बारामतीत) आहे, मग कसा जाणार?
Sharad Pawar: पक्ष विलीनीकरणावर शरद पवारांची पहिली प्रतिक्रिया
राष्ट्रवादी विलीनीकरणावर 4 महिन्यांपूर्वी चर्चा, पण आता खंड पडला: शरद पवार
Sunetra Pawar Oath Ceremony Live: अजित पवार एक कर्तृत्ववान नेते होते: शरद पवार
शरद पवार यांची पत्रकार परिषद
- अजित पवार एक कर्तृत्ववान नेते होते
- लोकांच्या प्रश्नावर सखोल माहिती घ्यायची आणि लोकांना न्याय देता येईल, अशा प्रकारचं काम करायचे.
- त्याच्या कामाची सुरुवात सकाळी 6-7 वाजेपासून व्हायची
- आता जी वेळ आपण पाहतोय. जर आज ते हयात असते तर ते इथे दिसले नसते फिल्डवर दिसले असते.
-कर्तृत्ववान व्यक्ती सोडून जाते, हा प्रचंड मोठा आघात आहे. या परिस्थितीला सामोरे तर जावे लागेल, लोकांचं दुःख कमी करण्यासाठी बाहेर निघावं लागेल, त्यांची जी काम करण्याची पद्धत होती ती सुरू ठेवावी लागेल. नव्या पिढीला या आव्हाना सामोरे जावं लागेल
Sunetra Pawar Oath Ceremony Live: सुनेत्रा पवार यांना 6 महिन्यांत आमदार व्हावे लागणार
उपमुख्यमंत्रिपदाची शपथ घेतल्यावर सुनेत्रा पवार यांना 6 महिन्यांत आमदार व्हावे लागणार
एखादी व्यक्ती विधानसभा, विधानपरिषद सदस्य नसतानाही मंत्री होऊ शकते
पण संबंधित व्यक्तीला 6 महिन्यांच्या आत आमदार किंवा विधानपरिषद सदस्य व्हावे लागते
6 महिन्यांत निवडून न आल्यास मंत्रिपद आपोआप रद्द होते
हा नियम केंद्र (कलम 75(5)) आणि राज्य दोन्हीकडे लागू आहे
Sunetra Pawar Oath Ceremony Live: सुनेत्रा पवार यांचा आजचा दौरा
- सकाळपासून ते दुपारी 1.30 वाजेपर्यंत देवगिरी बंगला येथे असणार.
- एनसीपी आमदार आणि अन्य नेतेमंडळींच्या भेट घेणार.
- एनसीपी कोअर टीमची देवगिरी बंगला येथे सकाळी 10 वाजता बैठक होणार आहे.
- दुपारी 1.30 वाजता विधानभवनाकडे निघणार.
- विधानभवनात दुपारी 2 वाजता एनसीपी विधीमंडळ बैठकीस हजर राहतील.
- संध्याकाळी 4.30 वाजता राजभवनाकडे शपथविधी सोहळ्यासाठी दाखल होतील.
Maharashtra News: दिवंगत उपमुख्यमंत्री अजित पवार यांच्या मुंबईतील निवासस्थानाबाहेरील दृश्य
#WATCH | Maharashtra: Visuals from outside the residence of late Deputy CM Ajit Pawar, in Mumbai.
— ANI (@ANI) January 31, 2026
NCP representatives in the Maharashtra Legislative Assembly and Legislative Council will gather at Vidhan Bhavan today at 2 PM for a meeting.
Ajit Pawar's wife and Rajya Sabha MP… pic.twitter.com/3XbS20ljz0
Sunetra Pawar Oath Ceremony Live Updates:सुनेत्रा पवार यांना कोणती खाती मिळणार?
सुनेत्रा पवार यांच्याकडे राज्य उत्पादन शुल्क आणि क्रीडा यासह अन्य एखादे अतिरिक्त खाते एनसीपीकडे देण्याची शक्यता
Sunetra Pawar Oath Ceremony Live Updates: राष्ट्रवादी काँग्रेस जो निर्णय घेऊन आम्ही त्यास साथ देऊ: CM देवेंद्र फडणवीस
#WATCH | Nagpur | On the post of Deputy CM, Maharashtra Chief Minister Devendra Fadnavis, "The decision will be taken by the NCP. We will stand by whatever decision the NCP takes...We are standing by the family of Ajit Pawar and NCP..." pic.twitter.com/zgPXKTfdju
— ANI (@ANI) January 30, 2026
Sunetra Pawar Oath Ceremony Live Updates: सुनेत्रा पवार मुंबईमध्ये दाखल
Sunetra Pawar Oath Ceremony Live Updates: आज संध्याकाळी 5 वाजता शपथविधी
सुनेत्रा पवार आज संध्याकाळी 5 वाजता घेणार उपमुख्यमंत्रिपदाची शपथ
Sunetra Pawar Oath Ceremony Live Updates: आज संध्याकाळी 5 वाजता शपथविधी
सुनेत्रा पवार आज संध्याकाळी 5 वाजता घेणार उपमुख्यमंत्रिपदाची शपथ
Sunetra Pawar Oath Ceremony Live: राष्ट्रवादी काँग्रेस पक्षाची आज बैठक
महाराष्ट्र विधीमंडळ राष्ट्रवादी काँग्रेस पक्षाचे सर्व विधानसभा/विधानपरिषद सदस्य यांची आज दुपारी 2 वाजता बैठक पार पडणार आहे.
The Nationalist Congress Party (NCP) has called a meeting of all its members of the Maharashtra Legislative Assembly and Legislative Council on 31 January 2026 at 2:00 PM at Vidhan Bhavan, Mumbai. pic.twitter.com/gQnUT2PQcQ
— ANI (@ANI) January 30, 2026
Sunetra Pawar Oath Ceremony Live: सुनेत्रा पवार मुंबईतील निवासस्थानी पोहोचल्या
#WATCH | Mumbai | Sunetra Pawar, wife of Maharashtra Deputy CM late Ajit Pawar, reaches their Mumbai residence. pic.twitter.com/MJUlAMrasZ
— ANI (@ANI) January 30, 2026
