Stormy Wind Viral Video : कल्याण-डोंबिवली,अंबरनाथ आणि बदलापूर परिसरात वातावरणात अचानक बदल झाल्याचं पाहायला मिळालं. सकाळपासून आकाश ढगाळ राहिल्याने पावसाची दाट शक्यता वर्तवली जात आहे. दरम्यान,वांगणी परिसरात हलक्या स्वरूपाचा पाऊसही पडला. दुपारनंतर अचानक सोसाट्याचा वारा सुरू झाल्याने अनेक ठिकाणी नागरिकांची तारांबळ उडाली.जोरदार वाऱ्यामुळे काही भागातील घरांवर झाडे कोसळली.तर कल्याणमधील एपीएमसी परिसरात एका हॉलच्या शेडवरील पत्रे उडाल्याने काही काळ भीतीचे वातावरण निर्माण झाले.
रस्त्यावर उभ्या असलेल्या गाड्यांचे मोठे नुकसान
रस्त्यावर उभ्या असलेल्या गाड्यांचे मोठे नुकसान झाले आहे.स्थानिक प्रशासनाकडून परिस्थितीवर लक्ष ठेवण्यात येत असून नागरिकांना सावध राहण्याचे आवाहन करण्यात आले आहे. अचानक बदललेल्या हवामानामुळे उकाड्यापासून काहीसा दिलासा मिळाला असला, तरी जोरदार वाऱ्यामुळे नागरिकांनी सुरक्षिततेची काळजी घ्यावी,असे आवाहन प्रशासनाने केले आहे.
