VIDEO: पहिल्याच बॉलला वैभवचा सिक्स.. हजारो प्रेक्षकांचा श्वास रोखला; बुमराहची रिएक्शन बघण्यासारखी

IPL 2026 Mumbai Indians Vs Rajasthan Royals:  आयपीएल 2026 मधील 13व्या सामन्यात राजस्थान रॉयल्सने मुंबई इंडियन्सवर 27 धावांनी शानदार विजय मिळवला. गुवाहाटीतील बरसापारा क्रिकेट स्टेडियमवर रंगलेल्या या सामन्यात पावसाच्या व्यत्यय आल्याने 11-11 षटकांचा खेळ झाला, ज्यामध्ये राजस्थानने बाजी मारली. सामन्यात प्रथम फलंदाजी करणाऱ्या राजस्थानकडून 14 वर्षीय वैभव सूर्यवंशीने पुन्हा एकदा तुफानी खेळी केली. सर्वात महत्त्वाचं म्हणजे भेदक मारा करणाऱ्या जसप्रीत बुमराहला त्याने पहिल्याच चेंडूवर खणखणीत सिक्स लगावला ज्यानंतर बुमराहची रिऍक्शन बघण्यासारखी होती.

RR vs MI IPL 2026: राजस्थान रॉयल्सची विजयी हॅट्ट्रिक! जयस्वाल- सुर्यवंशीच्या वादळात मुंबई इंडियन्सचे पानिपत

बुमराहला पहिल्याच चेंडूवर सिक्स, वैभव सूर्यवंशीचा जलवा 

7 एप्रिल, 2026 ही तारीख वैभव सूर्यवंशी कायम लक्षात ठेवेल. याच दिवशी त्याने आयपीएलमध्ये पहिल्यांदा जसप्रीत बुमराहचा सामना केला आणि आपल्या पहिल्याच चेंडूवर षटकार मारून क्रिकेट जगताला चकित केले. पावसामुळे मुंबई इंडियन्स आणि राजस्थान रॉयल्स यांच्यातील सामना प्रत्येकी ११ षटकांचा झाला.

 दीपक चहरने मुंबई इंडियन्सच्या डावातील पहिले षटक टाकले आणि 22 धावा दिल्या. जसप्रीत बुमराह दुसरे षटक टाकण्यासाठी आला आणि त्याचा सामना 15 वर्षीय वैभव सूर्यवंशीशी होता. बुमराहने अचूक स्लॉटमध्ये चेंडू टाकला आणि सूर्यवंशीने लाँग-ऑनवरून एक उत्तुंग षटकार ठोकला.

Did that really just happen? 🤯

Vaibhav Sooryavanshi takes on Jasprit Bumrah and sends the very first ball for six 🔥#TATAIPL 2026 | #RRvMI | LIVE NOW 👉 https://t.co/Dc4qz69QC4 pic.twitter.com/StgUliQxj7

— Star Sports (@StarSportsIndia) April 7, 2026

वैभव सूर्यवंशीने आयपीएलमध्ये जसप्रीत बुमराहच्या पहिल्याच चेंडूवर षटकार ठोकला. सूर्यवंशी तिथेच थांबला नाही, त्याने त्याच षटकाच्या चौथ्या चेंडूवरही षटकार मारला. या 11 षटकांच्या सामन्यात सूर्यवंशीने एक चौकार आणि पाच षटकारांसह 14 चेंडूंमध्ये 39 धावांची धडाकेबाज खेळी केली. यासह, वैभवने आता आयपीएल २०२६ मध्ये समीर रिझवीसोबत सर्वाधिक षटकारांच्या विक्रमाचीही बरोबरी केली आहे.

39 धावांची स्फोटक खेळी 

वैभव सूर्यवंशीने 39 धावा केल्या. त्याने ही स्फोटक खेळी अवघ्या 14 चेंडूंमध्ये खेळली. 278 च्या घातक स्ट्राईक रेटने फलंदाजी करताना या युवा फलंदाजाने पाच षटकार आणि एक चौकार मारला. एक मोठा फटका मारण्याच्या प्रयत्नात वैभव बाद झाला. त्याची विकेट शार्दुल ठाकूरने घेतली, ज्याच्या गोलंदाजीवर तिलक वर्माने झेल घेतला. मात्र, बाद होण्यापूर्वीच वैभवने संघाला एक भक्कम सुरुवात करून दिली होती.

The reaction of Jasprit Bumrah after Vaibhav Suryavanshi hammered him for 2 sixes in 3 balls. pic.twitter.com/wV6xWRBbYj

— Mufaddal Vohra (@mufaddal_vohra) April 7, 2026