Delhi Neha Murder Case : राजधानी दिल्लीतील अशोक नगर परिसरात सोमवारी घडलेल्या घटनेमुळे प्रत्येकजण हादरला आहे. ज्या तौफिकला नेहा आपला भाऊ मानून राखी बांधत होती, त्याच तौफिकने तिला पाचव्या मजल्यावरून ढकलून ठार केले. आरोपीला पोलिसांनी अटक केली आहे. या प्रकरणात एक नवीन खुलासा झाला आहे. तपासात असे समोर आले आहे की, तौफिकने नेहाला मारण्याची योजना आधीच आखली होती. म्हणूनच तो रात्रीच्या अंधारात पहाटे 2.30 च्या सुमारास नेहाच्या घराच्या छतावर लपून बसला होता.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
नेहावर लग्नासाठी दबाव
तौफिक गेल्या काही दिवसांपासून नेहाला त्रास देत होता आणि तिच्यावर लग्नासाठी दबाव टाकत होता. यामुळे नेहा खूप त्रस्त होती. तिच्या कुटुंबियांनाही याची माहिती होती. त्यांनी तौफिकला समजावण्याचा प्रयत्न केला, परंतु तो काहीही ऐकण्याच्या मनस्थितीत नव्हता.
तौफिकने नेहाला छतावरून का फेकले?
उत्तर प्रदेशच्या रामपूरमधून तौफिकला अटक करण्यात आली. त्यानंतर त्यानं दिल्ली पोलिसांच्या चौकशीत या हत्याकांडाबाबत अनेक खुलासे केले आहेत. सुत्रांनी दिलेल्या माहितीनुसार, तौफिकने चौकशीत सांगितले की तो आणि नेहा बऱ्याच काळापासून चांगले मित्र होते आणि ते एकमेकांशी बोलत होते.
( नक्की वाचा : Delhi Murder : बुरख्यात घरी आला तौफिक 'भाईजान', राखी बांधणाऱ्या नेहाला पाचव्या मजल्यावरुन फेकले! )
परंतु काही महिन्यांपासून नेहा त्याला दुर्लक्ष करत होती. ती त्याच्याशी बोलत नव्हती. नेहाला कोणाशीतरी संबंध असल्यामुळे ती त्याला दुर्लक्ष करत आहे असे त्याला वाटत होते. मात्र, नेहाच्या आई-वडिलांचे म्हणणे आहे की, ती तौफिकला राखी बांधत होती.
बुरखा घालून घरात का आला तौफिक?
तौफिकने पोलिसांना सांगितले की, त्याने बुरखा यासाठी घातला कारण त्याला नेहाच्या कुटुंबियांना आणि परिसरातील लोकांना तो नेहाशी भेटायला आल्याचे कळू नये असे वाटत होते. आपली ओळख लपवण्यासाठी त्याने बुरखा घेतला होता.
( नक्की वाचा : Love Story : होणाऱ्या सुनेसोबत पळून जाऊन सासऱ्यानं केलं लग्न, रात्रीच्या Video कॉलमध्ये आले जवळ )
मुलीच्या मृत्यूने आई-वडील खचले
मुलीच्या मृत्यूने आई-वडील पूर्णपणे खचले आहेत. मंगळवारी पूर्व दिल्लीतील गुरु तेग बहादूर रुग्णालयाच्या शवगृहाबाहेर आपल्या 19 वर्षांच्या नेहाच्या मृत्यूबाबत बोलताना तिच्या वडिलांनी डोळ्यात पाणी आणून सांगितले की, "आम्हाला फक्त आमच्या मुलीसाठी न्याय हवा आहे."
नेहाच्या घराची आर्थिक परिस्थिती चांगली नव्हती; तिने नुकतेच एका तेल कंपनीत काम सुरू केले होते. कुटुंबियांना तिच्याकडून खूप अपेक्षा होत्या. पण तौफिकने त्यांच्या अपेक्षा पूर्णपणे संपवून टाकल्या.
'माझ्या डोळ्यासमोर घडले'
नेहाच्या वडिलांनी सांगितले की ते आपले काम करत होते, तेव्हा त्यांना ओरडण्याचा आवाज ऐकू आला. जेव्हा ते धावत वर पोहोचले, तेव्हा तौफिक नेहावर हल्ला करत होता. त्यांच्या डोळ्यासमोर त्याने नेहाला छतावरून खाली ढकलले. त्यांनी तिला वाचवण्याचा प्रयत्न केला पण आरोपीने त्यांना धक्का दिला, ज्यामुळे ते जमिनीवर पडले आणि तिला वाचवू शकले नाहीत.
