Student Death : 'मम्मी-पप्पा, मला तुमचे पैसे वाया घालवायचे नाहीत', असे हृदयद्रावक शब्द लिहून एका तरुणाने त्याचं आयुष्य संपवल्याची धक्कादायक घटना समोर आली आहे. शिक्षणाच्या वाढत्या तणावामुळे एका उच्च शिक्षण घेणाऱ्या विद्यार्थ्याने टोकाचे पाऊल उचलल्याने सर्वत्र हळहळ व्यक्त होत आहे. स्वत:च्या खोलीत गळफास घेण्यापूर्वी त्याने लिहिलेली सुसाइड नोट वाचून पोलीसही चक्रावून गेले आहेत.
काय आहे प्रकरण?
ही दुर्दैवी घटना उत्तर प्रदेशातील ग्रेटर नोएडा येथे घडली आहे. बिहारमधील गया येथील रहिवासी असलेला आकाशदीप हा तरुण येथे राहून आपले स्वप्न पूर्ण करण्यासाठी आला होता. तो नॉलेज पार्क परिसरातील दिल्ली टेक्निकल कॅम्पस (DTC) मध्ये बीटेक सीएसच्या पहिल्या वर्षात शिकत होता. तो येथील एसएनएच रेसिडेन्सी हॉस्टेलमध्ये राहत होता, जिथे मंगळवारी संध्याकाळी त्याचा मृतदेह फंद्यावर लटकलेल्या अवस्थेत आढळला.
( नक्की वाचा : Dhurandhar: धुरंधर सिनेमात दाखवलेला उजैर बलोच नक्की कोण?'ती' जुना इंटरव्ह्यू पाहून उडेल थरकाप, पाहा Video )
मिळालेल्या माहितीनुसार, मंगळवारी आकाशदीपचा रूममेट जेव्हा कॉलेजमधून परतला, तेव्हा त्याला खोलीचा दरवाजा आतून बंद असल्याचे दिसले. संशय आल्याने त्याने खिडकीतून पाहिले असता आकाश गळफास घेतलेल्या स्थितीत दिसला. या घटनेची माहिती मिळताच पोलिसांनी घटनास्थळी धाव घेत दरवाजा तोडून त्याला खाली उतरवले आणि रुग्णालयात दाखल केले. मात्र, डॉक्टरांनी त्याला तपासापूर्वीच मृत घोषित केले.
सुसाईड नोटमध्ये काय?
पोलिसांना आकाशदीपच्या खोलीत जी सुसाईड नोट सापडली आहे, त्यामध्ये त्याने अभ्यासाच्या तणावाचा उल्लेख केला आहे. त्याने पालकांसाठी चिठ्ठीत लिहिले की, मम्मी-पप्पा मी तुमचे पैसे बर्बाद करू इच्छित नाही. अभ्यासाच्या दबावामुळे मी त्रस्त असून माझ्या मृत्यूला कोणालाही जबाबदार धरू नये, असेही त्याने नमूद केले आहे. एसीपी अरविंद कुमार यांनी सांगितले की, मुलाच्या कुटुंबाला या घटनेची माहिती देण्यात आली असून पोलीस या प्रकरणाचा सर्व बाजूंनी तपास करत आहेत.
| Helplines | |
|---|---|
| Vandrevala Foundation for Mental Health | 9999666555 or help@vandrevalafoundation.com |
| TISS iCall | 022-25521111 (Monday-Saturday: 8 am to 10 pm) |
| (If you need support or know someone who does, please reach out to your nearest mental health specialist.) | |
