Shocking News: एक अत्यंत धक्कादायक आणि थरारक घटना उघडकीस आली आहे, जी नात्यांमधील विश्वासघाताचं एक नवं उदाहरण आहे. आयुष्याच्या जोडीदारानेच रचलेल्या एका भयानक कटात एका निष्पाप तरुणाचा जीव गेला. प्रेमसंबंधात आड येणाऱ्या आपल्याच पतीला संपवण्यासाठी, पत्नीने प्रियकरासोबत मिळून अत्यंत क्रूर मार्गाचा अवलंब केला.
हे संपूर्ण कारस्थान राजस्थानमधील जयपूर शहरात उघडकीस आले आहे. जयपूरमध्ये 22 नोव्हेंबर रोजी झालेल्या या हत्येचे गूढ उकलण्यात पोलिसांना यश आले आहे. अवैध संबंधांच्या आड येणाऱ्या पतीला कायमचा वाटेतून बाजूला करण्यासाठी दोघांनी मिळून गॅस सिलेंडरच्या पाईपने गळा घोटून ही हत्या केली. या घटनेतील आरोपी पत्नी आणि तिच्या प्रियकराला पोलिसांनी अटक केली आहे.
काय आहे प्रकरण?
जयपूरच्या नारायण विहार परिसरात दि. 22 नोव्हेंबर रोजी भूप सिंह नावाच्या तरुणाचा संशयास्पद परिस्थितीत मृत्यू झाला होता. घटनेची माहिती मिळताच पोलिसांनी तातडीने घटनास्थळी धाव घेऊन मृतदेह ताब्यात घेतला. पोलिसांना प्राथमिक तपासात ही आत्महत्या नसून हत्या असल्याचा संशय आला. या दिशेने तपास सुरू करत पोलिसांनी घटनास्थळावरून आवश्यक पुरावे गोळा केले आणि अनेक लोकांची कसून चौकशी केली.
( नक्की वाचा : Pune News : पुणे-मुंबई महामार्गावर थरार! आरोपींनी थेट पोलिसांवर झाडली गोळी, पुढे काय झालं वाचून थक्क व्हाल! )
जयपूर साऊथचे डीसीपी राजर्षि राज यांनी दिलेल्या माहितीनुसार, भूप सिंहच्या हत्येप्रकरणी त्याची पत्नी आशा आणि तिचा प्रियकर योगेश यांना अटक करण्यात आली आहे. आशा आणि योगेश यांच्यात अवैध संबंध होते आणि याच संबंधांमुळे योगेश आशाला जयपूरमध्ये आपल्यासोबत राहण्यासाठी बोलवत होता. मात्र, पती भूप सिंह कारखान्यात गार्ड म्हणून नोकरी करत असल्याने आशा त्याला सोडून जयपूरला येण्यास तयार नव्हती. त्यामुळे त्यांच्या प्रेमसंबंधाच्या आड येणाऱ्या भूप सिंहला कायमस्वरूपी वाटेतून काढण्याचा क्रूर कट दोघांनी रचला.
गॅस सिलेंडरच्या पाईपने घेतला जीव
या कटानुसार, दोघांनी मिळून भूप सिंहची हत्या केली. सर्वप्रथम त्यांनी गॅस सिलेंडरचा पाईप वापरून भूप सिंहच्या डोक्यावर जोरदार वार केले. डोक्याला गंभीर दुखापत झाल्यामुळे भूप सिंह जमिनीवर कोसळला. त्यानंतर आशा आणि योगेश या दोन्ही आरोपींनी मिळून त्याचे गळा दाबून त्याची हत्या केली. हत्या केल्यानंतर आशाने या घटनेला कौटुंबिक वैर किंवा इतर कारणे असल्याचे भासवून पोलिसांची दिशाभूल करण्याचा प्रयत्न केला.
हत्येनंतर प्रियकर योगेश तीन दिवसांपर्यंत पोलिसांना वेगवेगळ्या बनावट कहाण्या सांगून तपास भरकटवण्याचा प्रयत्न करत होता. मात्र, पोलिसांनी घटनास्थळावरून मिळालेल्या पुराव्यांच्या आधारावर कसून आणि कठोर चौकशी केली. या दरम्यान, योगेशने आपला गुन्हा अखेर कबूल केला. भूप सिंह यांच्या पत्नीचे आणि योगेशचे अवैध संबंधच या हत्येमागील मुख्य कारण असल्याचे उघड झाले. पोलिसांनी दोन्ही आरोपींना अटक केली आहे.
