Live In Relationship Crime News : गुजरातमधील मोरबीच्या लखधीरपूर गावाजवळील एका सिरेमिक कारखान्याच्या लेबर क्वार्टरमध्ये लिव्ह-इन पार्टनरने प्रेयसीची निर्घृण हत्या केली. नरेंद्र सिंह (२५) असं आरोपीचं नाव असून पोलिसांनी त्याला अटक केली होती. परंतु, चौकशीदरम्यान पोलीस कोठडीतच त्याचा हृदयविकाराच्या झटक्याने मृत्यू झाला. या घटनेमुळं सौराष्ट्रासह संपूर्ण राज्यात मोठी खळबळ उडाली आहे. आरोपीच्या संशायस्पद मृत्यूमुळे अनेक प्रश्न उपस्थित केले जात आहेत. मिळालेल्या माहितीनुसार,मृत आरोपी नरेंद्र मध्य प्रदेशच्या डिंडोरी जिल्ह्यातील रहिवासी होता. तो मोरबीच्या लखधीरपूर गावाजवळील लेक्सस सिरेमिकमध्ये मजुरीचं काम करायचा.
नरेंद्र पुष्पाच्या प्रेमात पडला अन् त्यानंतर दोघांनाही जे केलं..
नरेंद्रचं मध्य प्रदेशमधील अनूपपूर जिल्ह्यात राहणाऱ्या 20 वर्षीय पुष्पा देवीच्या प्रेमात पडला आणि ते दोघे मोरबीला आले. ते दोघे तीन महिन्यांपासून लिव्ह-इनमध्ये राहत होते.दोघेही लेक्सस सिरेमिकमध्ये मजुरी करत होते.मध्य प्रदेशातून आल्यानंतर काही दिवसांनीच दोघांमध्ये वाद सुरू झाले. त्यानंतर नरेंद्रने प्रेयसी पुष्पाला मारहाण करून तिचा खून केला. याप्रकरणी पोलिसांनी आरोपी नरेंद्र सिंहविरुद्ध BNS कलम 103(1) आणि GAP कलम 135 अंतर्गत गुन्हा दाखल केला होता.त्यानंतर उशिरा रात्री पोलिसांनी आरोपी नरेंद्र सिंहला अटक केली आणि त्याला तालुका पोलीस स्टेशनमध्ये आणलं.अटकेनंतर काही तासांतच आरोपी नरेंद्र सिंहची तब्येत बिघडली.
नक्की वाचा >> Shocking News: राष्ट्रीय पॅरा अ‍ॅथलिटची हत्या! लग्नाच्या मांडवात असं काही घडलं..15-20 पोरांनी लगेच घेतला बदला
जेलमध्ये आरोपीचा मृत्यू कसा झाला? धक्कादायक माहिती समोर
पोलिसांनी बेशुद्ध अवस्थेत असलेल्या नरेंद्रला सिव्हिल रुग्णालयात दाखल केलं,पण डॉक्टरांनी त्याला मृत घोषित केलं. नरेंद्रच्या मृत्यूची माहिती मिळताच पोलीस ठाण्यात गोंधळ उडाला.पोलीस कोठडीत आरोपीचा मृत्यू झाल्यानंतर एसपी आणि डीवायएसपी घटनास्थळी तपासासाठी पोहोचले. मृतदेहाचे फॉरेन्सिक पोस्टमार्टेम करण्यात आले. मृत्यूचे नेमके कारण अद्याप स्पष्ट झालेले नाही, मात्र प्राथमिक अंदाजानुसार त्याचा मृत्यू अचानक झालेल्या कार्डिएक अरेस्टमुळे झाल्याचं समजते.
