वैभव घुगे, नाशिक:
Nashik Crime: मालेगावमध्ये घडलेल्या अल्पवयीन मुलीवर अत्याचार आणि हत्येने राज्यभरात संतापाची लाट उसळली होती. ही घटना ताजी असतानाच नाशिकच्या इंदिरानगर परिसरात मानलेल्या मामाकडून दोघा भाचींवर लैंगिक अत्याचार केल्याचे समोर आले आहे. या घटनेने परिसरात खळबळ उडाली असूनपीडित मुलींच्या आईकडून दिलेल्या फिर्यादीनुसार इंदिरानगर पोलिस ठाण्यात बलात्कार, पोक्सो आणि ॲट्रॉसिटी चा गुन्हा दाखल करण्यात आला आहे.
मानलेल्या मामाचे राक्षसी कृत्य..
याबाबत सविस्तर माहिती अशी की, मूळचा यूपी येथे राहणारा व सध्या मालेगाव येथे वास्तव्यास असलेल्या एका व्यक्तीकडून मानलेल्या बहिणीच्या मुलींवर वेळोवेळी अत्याचार करण्यात आले. नाशिकच्या इंदिरानगर पोलीस ठाणे हद्दीमध्ये राहणाऱ्या एका महिलेच्या दोघी मुलींवर निरनिराळ्या ठिकाणी या नराधमाने लैंगिक अत्याचार केल्याचे फिर्यादीत म्हटले आहे.
Nashik Crime: पती, पत्नी, 2 सोन्यासारखी मुलं.. घरात आढळले चौघांचे मृतदेह; नाशिकमध्ये खळबळ
दोन भाचींवर अत्याचार....
संशयित आरोपी हा पीडित मुलींचा मानलेला मामा असल्याची माहिती आहे. त्याचे आणि पीडित मुली यांच्या आईची 10 वर्षांपेक्षा अधिकची ओळख होती. दोघे एकमेकांना भाऊ बहीण मनात होते .या दरम्यान सदर महिलेने मुलांकडे लक्ष रहावे म्हणून सदर मानलेल्या भावावर विश्वास ठेवत त्याला आपल्या मुलींकडे घरी एकट्या असल्यावर लक्ष ठेवण्यास सांगण्यात आले होते.
मात्र सदर नराधमाने याचा गैरफायदा घेऊन त्यांना जीवे ठार मारण्याची धमकी देत दोघी मुलींवर वेळोवेळी अत्याचार करण्यात आले. सदर बाब ही पीडित मुलींच्या आईच्या मैत्रिणीच्या लक्षात आल्यानंतर त्यांनी पीडित मुलींच्या आईला याबाबत त्याचे गैरवर्तन लक्षात आणून दिले. त्यानंतर सदर बाब लक्षात येताच पीडित मुलींच्या आईने इंदिरानगर पोलिस ठाणे गाठून संशयित मानलेल्या मामा विरोधात तक्रार देण्यात आली.
Pune News: 'डॉ. गौरीनंतर माझा खून...' पुण्यातील डॉक्टर महिलेचा खळबळजनक VIDEO, चित्रा वाघ यांचेही नाव
या तक्रारीनुसार इंदिरानगर पोलिसांनी फिर्याद नोंदवून,महिलेच्या मानलेल्या भावा विरोधात गुन्हा दाखल करण्यात आला आहे आरोपी अटक झाला असून पुढील तपास इंदिरानगर पोलीस ठाण्याकडून सुरू आहे. घडलेल्या घटनेने सर्वत्र संतापाची लाट उसळली असून नराधम आरोपीला कडक शिक्षा द्यावी, अशी मागणी होत आहे.
