Para Athlete Murder News: हरियाणातील रोहतक येथे राष्ट्रीय पॅरा अ‍ॅथलिटला मारहाण करून त्याची हत्या करण्यात आली आहे. रोहित धनखड असं मृत तरुणाचं नाव आहे. एका लग्नसमारंभात रोहितचा काही तरुणांशी वाद झाला होता. या वादाचा बदला घेण्यासाठी आरोपींनी रोहितवर रॉड आणि हॉकी स्टिकने हल्ला केला. या हल्ल्यानंतर त्याला रुग्णालयात दाखल करण्यात आले होते, जिथे उपचारादरम्यान त्याचा मृत्यू झाला. पोलिसांच्या तपासात उघडकीस आलं आहे की, 27 नोव्हेंबरच्या संध्याकाळी रोहित त्याचा मित्र जतिन रेवारीसोबत खेडा येथील एका नातेवाईकाच्या घरी लग्नसमारंभात सहभागी होण्यासाठी गेले होते.
एका कारमधून 15 ते 20 जण बाहेर पडले आणि नंतर...
त्यावेळी रोहितने काही मुलांच्या चुकीच्या वर्तनाबद्दल आक्षेप घेतला होता. त्यानंतर त्यांच्यात वादाची ठिणगी पेटली. लग्न सोहळा संपल्यानंतर रोहित रोहतककडे परतत होता, तेव्हा त्याच्या कारला आरोपींनी पाठीमागून धडक दिली. त्यानंतर दुसऱ्या कारमधून 15 ते 20 लोक बाहेर आले आणि रोहितला मारहाण करण्यास सुरुवात केली.आरोपींनी रॉड आणि हॉकी स्टिकने रोहितवर हल्ला केला, ज्यामुळे तो गंभीर जखमी झाला. त्याचा मित्र कसाबसा त्याठिकाणाहून निसटला. पॉवरलिफ्टरला भिवानी जनरल हॉस्पिटलमध्ये दाखल करण्यात आले होते.पण त्याची प्रकृती चिंताजनक होती, त्यामुळे त्याला रोहतकच्या रुग्णालयात शिफ्ट करण्यात आले.पण उपचारादरम्यान त्याचा मृत्यू झाला.
नक्की वाचा >> Mumbai News: दादर स्टेशनवर सर्वात भयंकर घटना! लंडनच्या NRI महिलेचा मृतदेह आढळला, पती राहायचा अंबरनाथला
एका रेल्वे क्रॉसिंगवर कार थांबवली अन् घडलं भयंकर
या घटनेबाबत रोहितचा मित्र जतिनने म्हटलंय की, "मी आणि रोहित माझ्या नातेवाईकाच्या लग्नात गेलो होतो. तेव्हा ते लोक अश्लील भाषा बोलत होते,त्यामुळे आम्ही त्यांना विरोध केला. माझ्या भाऊजींनी हस्तक्षेप केल्यानंतर हे प्रकरण शांत झालं. आम्ही एक तासानंतर कार्यक्रमस्थळाहून बाहेर निघालो, तेव्हा त्याच लोकांनी आमच्या गाडीला थांबवलं. मी त्यांना सांगितलं, याविषयी उद्या बोलूया. पण त्यांनी कारची खिडली उघडली आणि रोहितवर रॉडने हल्ला केला. मी तिथून निघून गेलो, पण त्यांनी माझा पाठलाग करणं सुरूच ठेवलं. आम्ही एका रेल्वे क्रॉसिंगवर कार थांबवली. पण त्यावेळी या लोकांनी आम्हाला घेरलं होतं. त्यांची एक कार आमच्या पुढे होती आणि तीन गाड्या आमच्या पाठीमागे होत्या. त्यांनी रोहितला पकडलं, पण मी तिथून पळून गेलो".
