Dharmendra Net Worth: बॉलिवूडचा 'ही-मॅन' (He-Man) म्हणून ओळखला जाणारा ज्येष्ठ अभिनेता धर्मेंद्र (Dharmendra) लवकरच 'इक्कीस' (Ekkees) या नव्या सिनेमातून प्रेक्षकांच्या भेटीला येतोय. 25 डिसेंबरला हा सिनेमा सिनेमागृहात (Cinema Halls) प्रदर्शित होणार आहे आणि ट्रेलरमध्ये त्याला एका इमोशनल (Emotional) भूमिकेत पाहून प्रेक्षकांनी त्यांचे खूप कौतुक केले आहे. 1960 च्या दशकात 'दिल भी तेरा हम भी तेरे' या चित्रपटातून त्यांनी आपल्या दमदार करिअरला सुरुवात केली.
धर्मेंद्र यांचा नवा चित्रपट प्रदर्शित होत असताना, बॉलिवूडमध्ये आपल्या अभिनयाची आणि धडाकेबाज व्यक्तिमत्त्वाची छाप सोडणाऱ्या या सुपरस्टारची नेटवर्थ (Net Worth) किती आहे, हे तुम्हाला माहीत आहे का?
335 कोटींचे साम्राज्य आणि विविध क्षेत्रांत गुंतवणूक
धर्मेंद्र यांनी सुमारे 300 चित्रपटांच्या (Films) करिअरमध्ये केवळ अभिनयच नाही, तर एक मोठे आर्थिक साम्राज्य (Empire) देखील उभे केले. आज त्याची एकूण नेटवर्थ जवळपास 335 कोटी रुपये आहे. याशिवाय त्याने अनेक क्षेत्रांत गुंतवणूक (Investments) केली आहे, ज्यात हॉस्पिटल्सपासून (Hospital Field) ते रेस्टॉरंट (Restaurant Business) व्यवसायाचा समावेश आहे.
त्यांनी 'गरम धरम ढाबा' (Garam Dharam Dhaba) नावाचा रेस्टॉरंट व्यवसाय सुरू केला. याशिवाय त्याने करनाल हायवे (Karnal Highway) वर 'ही-मॅन' (He-Man) नावाचे आणखी एक आलिशान रेस्टॉरंट उघडले आहे.
100 एकराचा फार्महाऊस!
धर्मेंद्र सोशल मीडियावर (Social Media) नेहमी ॲक्टिव्ह असतात. ते चाहत्यांसाठी नवनवीन पोस्ट्स शेअर करतात. याच माध्यमातून त्याने त्याच्या आलिशान फार्महाऊसची झलकही दाखवली आहे.
त्यांचा हा भव्य फार्महाऊस लोणावळ्यामध्ये (Lonavala) आहे आणि तो शहराच्या गजबजाटापासून दूर आहे. हा फार्महाऊस तब्बल 100 एकरांमध्ये (Acres) पसरलेला आहे. या फार्महाऊसमध्ये स्विमिंग पूल (Swimming Pool) पासून ते अ‍ॅक्वा थेरपी (Aqua Therapy) पर्यंतच्या सर्व आधुनिक सुविधा उपलब्ध आहेत. या फार्महाऊस व्यतिरिक्त त्याची महाराष्ट्रात 17 कोटी रुपये किंमतीची संपत्ती (Property) देखील आहे.
जमीन आणि रिसॉर्टमध्ये मोठी गुंतवणूक
धर्मेंद्रने मालमत्तेतही (Real Estate) मोठी गुंतवणूक केली आहे. त्याने महाराष्ट्रात 88 लाख रुपये आणि 52 लाख रुपये हून अधिक किंमतीच्या कृषी (Agricultural) आणि बिगर-कृषी (Non-Agricultural) जमिनींमध्ये गुंतवणूक केली आहे.
( नक्की वाचा : Dharmendra Health Update: धर्मेंद्र यांची तब्येत बिघडली; मुंबईतील हॉस्पिटलमध्ये दाखल )
2015 मधील 'इकॉनॉमिक टाईम्स'च्या (Economic Times) एका रिपोर्टनुसार, धर्मेंद्रने लोणावळ्यातील फार्महाऊसजवळ असलेल्या 12 एकरच्या भूखंडावर 30 कॉटेजेस (Cottages) असलेले एक रिसॉर्ट (Resort) विकसित करण्यासाठी एका रेस्टॉरंट कंपनीसोबत भागीदारी केली आहे.
