Kaun Banega Crorepati 17: प्रसिद्ध टीव्ही शो 'कौन बनेगा करोडपती' (KBC) चा 17 वा सीझन पुन्हा एकदा प्रेक्षकांच्या भेटीला आला आहे. या सीझनच्या चौथ्या एपिसोडमध्ये स्पर्धक कल्याणीला 7.5 लाख रुपयांच्या प्रश्नाचे उत्तर देण्यात अपयश आले. विशेष म्हणजे, दोन महत्त्वपूर्ण लाईफलाईन वापरूनही तिला हा प्रश्न सोडवता आला नाही. या घटनेमुळे खेळात पुढे जाण्याची तिची संधी हुकली आणि तिला 5 लाख रुपये घेऊन परतावे लागले.
कल्याणीने सुरुवातीच्या 7 प्रश्नांची अचूक उत्तरे देत 70,000 रुपये कमावले. परंतु, 7.70 लाख रुपयांच्या प्रश्नाने तिला अडकवले. प्रश्न होता, "तुर्कमेनिस्तानमध्ये असलेल्या, 'गेट्स ऑफ हेल' (नरकाचे द्वार) या टोपणनावाने ओळखल्या जाणाऱ्या, अर्ध्या शतकाहून अधिक काळापासून अखंड जळणाऱ्या वायू विवराचे स्थानिक नाव काय आहे?" या प्रश्नासाठी कल्याणीने प्रथम 'ऑडियन्स पोल' ही लाईफलाईन वापरली. मात्र, प्रेक्षकांनी तिला चुकीचे उत्तर दिले, ज्यात 'जहन्नम' या पर्यायाचा समावेश होता. त्यानंतर तिने '50-50' ही दुसरी लाईफलाईन वापरली, पण तरीही ती गोंधळातच राहिली. अखेर तिने प्रेक्षकांनी सुचवलेले चुकीचे उत्तर निवडले आणि तिला खेळ सोडावा लागला.
बॉलिवूड अभिनेत्री शिल्पा शिरोडकरच्या कारला अपघात, Cityflo बसची जबर धडक
वास्तविक, 'गेट्स ऑफ हेल' म्हणून ओळखले जाणारे हे ठिकाण तुर्कमेनिस्तानमधील दारवाझा वायू विवर आहे, जे 1971 पासून जळत आहे. त्याला अधिकृतपणे 'शाइनिंग ऑफ कराकुम' असेही म्हटले जाते. कल्याणीने जिंकलेल्या रकमेबद्दल विचारले असता, तिने ही रक्कम आपल्या आई-वडिलांना देणार असल्याचे सांगितले.
दरम्यान, स्वातंत्र्य दिनाच्या खास एपिसोडसाठी 'कौन बनेगा करोडपती' मध्ये भारतीय सशस्त्र दलाच्या तीन महिला अधिकाऱ्यांना निमंत्रित करण्यात आले आहे. यात कर्नल सोफिया कुरेशी (लष्कर), विंग कमांडर व्योमिका सिंग (हवाई दल), आणि कमांडर प्रेरणा देवस्थळी (नौदल) यांचा समावेश आहे, ज्यांनी 'ऑपरेशन सिंदूर'मध्ये महत्त्वाची भूमिका बजावली होती.
Prajakta Mali : प्राजक्ता माळी पोहोचली येरवडा तुरुंगात; कारण वाचून म्हणाल, वाह ताई वाह!
