Saraayah Malhotra Meaning: बॉलिवूडमधील आघाडीची जोडी सिद्धार्थ मल्होत्रा (Sidharth Malhotra) आणि कियारा अडवाणी (Kiara Advani) यांनी अखेर त्यांच्या चिमुकल्या मुलीचं नाव जाहीर केलं आहे. इन्स्टाग्रामवर एका गोड पोस्टसह त्यांनी आपल्या लेकीला 'सरायाह मल्होत्रा' (Saraayah Malhotra) असं नाव दिल्याचं सांगितलं.
या पोस्टमध्ये सिद्धार्थ आणि कियाराने आपल्या तान्हुल्या मुलीचे पाय धरलेला एक सुंदर फोटो शेअर केला आहे. 'आमच्या प्रार्थनांमधून, आमच्या हातात. आमचा दैवी आशीर्वाद, आमची राजकुमारी, सरायाह मल्होत्रा,' असं भावनिक कॅप्शन तू लिहिलं आहेस. या घोषणेनंतर, चाहते या अनोख्या नावाचा अर्थ आणि त्याची उत्पत्ती जाणून घेण्यासाठी खूप उत्सुक झाले आहेत.
'सरायाह' नावाचा नेमका अर्थ काय?
'सरायाह' हे नाव संस्कृत आणि अरबी अशा दोन्ही परंपरांमधील नावांच्या सुंदर, आधुनिक रूपांपासून प्रेरित आहे. या नावाचे स्पेलिंग वेगवेगळ्या संस्कृतीनुसार बदलतात (Saraya, Sarayah, Saraiya, Saraiyah), पण नावाचा मूळ अर्थ मात्र कायम आहे. या नावात शुद्धता, नोबेलता आणि मार्गदर्शक प्रकाश (Guiding Light) अशी प्रतीकात्मकता आहे.
सरायाह या नावाचा सर्वात लोकप्रिय अर्थ म्हणजे 'दैवी आशीर्वाद' (Divine Blessing) किंवा 'आमची राजकुमारी'. हे नाव संस्कृत आणि अरबी या दोन्ही भाषांच्या सुंदर रूपांपासून तयार झाले आहे.
या नावामध्ये शुद्धता (Pure), नोबेलता (Honourable), एसेन्स (Essence) आणि तेज (Radiance) अशा प्रतीकात्मक गोष्टी दडल्या आहेत. 'प्रकाश' किंवा 'शांतता' दर्शवणारे हे नाव खूपच मृदू आणि मधुर आहे.
( नक्की वाचा : Palash Muchhal : 'स्मृतीपेक्षाही दोघांची जास्त जवळीक', पलाश ढसढसा रडला, आईनं सांगितलं 'त्या' दिवशी काय घडलं? )
सिद्धार्थ आणि कियारा यांनी 16 जुलै 2025 रोजी त्यांच्या मुलीचं स्वागत केलं. सिद्धार्थने गुलाबी रंगात एक पोस्ट करत लेकीच्या आगमनाचा आनंद साजरा केला होता. त्याने लिहिलं होतं: "आमचं हृदय भरलेलं आहे आणि आमचं जग कायमचं बदललं आहे. आम्हाला एक गोंडस मुलगी झाली आहे. कियारा आणि सिद्धार्थ."
अर्थात 16 जुलै रोजी अधिकृत घोषणा झाली असली तरी कियारा-सिद्धार्थ हे आई-बाबा झाल्याची बातमी एक दिवस आधीच म्हणजे 15 जुलैपासून व्हायरल होण्यास सुरुवात झाली होती. त्यांनी 15 फेब्रुवारी 2025 रोजी कियारा गर्भवती असल्याची घोषणा केली होती.
