Kshitij Patwardhan on Sachin Pilgaonkar : मराठीतील ज्येष्ठ अभिनेते सचिन पिळगावकर यांना त्यांनी केलेल्या वक्तव्यावरुन अनेकदा ट्रोलिंगचा सामना करावा लागतो. मराठीतील प्रसिद्ध गीतकाराने त्यांच्या या वक्तव्याचं समर्थन केलं आणि त्यांची दुसरी बाजू मांडली आहे. एका मुलाखतीदरम्यान प्रसिद्ध गीतकार क्षितिज पटवर्धन याने सचिन पिळगावकर ट्रोल होण्याबाबत खंत व्यक्त केली. याशिवाय त्यांचा खास गुण त्याने सर्वांना सांगितला.
याची एक दुसरी बाजू आहे...
धुरळा, मौली, फास्टर फेणे, वायझेड, डबल सीट, टाइमपास २ सारख्या प्रसिद्ध चित्रपटांची गीतं लिहिणारा क्षितिज पटवर्धन याने रीमा अमरावपूरकरांना दिलेल्या एका मुलाखतीदरम्यान सोशल मीडियावर होणाऱ्या ट्रोलिंगवर आपलं मत व्यक्त केलं. तो म्हणाला..."सचिन सर ट्रोल होतात त्याला दुसरीही बाजू आहे. एक पुण्याच्या मुलाला एका दिग्दर्शकासमोर उभं केलं जातं. दिग्दर्शक मुलाला विचारतो, 'तू याआधी सिनेमासाठी गाणी लिहिली आहेस का?'...तो म्हणतो, 'नाही सर'. ते म्हणतात 'काही हरकत नाही पहिल्यांदा लिहून बघ!'...म्हणत ते त्या मुलाला पहिल्यांदा संधी देतात.
नक्की वाचा - Mukta Barve : 46 व्या वर्षीही अविवाहित; लग्नाचा विषय मुक्ताने दोन शब्दातच संपवला, पुन्हा कुणी विचारणारच नाही!
सरांनी फक्त कामच नाही आत्मविश्वास दिला
तो मुलगा म्हणजे मी आहे, आणि ते दिग्दर्शक म्हणजे सचिन सर!...यानंतर मी ७२ सिनेमाची गाणी लिहिली. ज्याला काही आत्मविश्वास नव्हता, चालीवर गाणी लिहिता येईल का याची खात्री नव्हती, असा मी आणि माझ्यासारखे असंख्य कलाकार आहेत ज्यांना सचिन सरांनी फक्त कामच नाही आत्मविश्वास दिलाय. त्या व्यक्तीबाबतीत मी भयंकर कृतज्ञ आहे. आपण आपापल्याला घरात छोटीशी गोष्टही सेलिब्रेट करतो. आपल्या मुलाला ८० टक्के मिळाले तर दहा जणांना व्हाॅट्सअॅप करून सांगतो. तेव्हा आपण 'अरे किती ब्रॅक करतोय हा माणूस' असं म्हणतो का? सचिन पिळगावकरांचं मराठी आणि भारतीय सिनेमाला दिलेलं योगदान खूप मोठं आहे. ट्रोलिंग करणारे ट्रोल करून निघून जातील. मात्र त्यांचं काम शेवटी शिल्लक राहील. लेखक, निर्देशक, नाटककार, गीतकार क्षितिज पटवर्धन यांनी रिमा अमरापूरकरला दिलेल्या मुलाखतीत हे स्पष्टपणे म्हटलं आहे.
काही दिवसांपूर्वी क्षितिज पटवर्धन लिखित (सचिन खेडेकर अभिनित) भूमिका या नाटकाचं पुस्तक प्रकाशित झालं. या प्रकाशनासाठी मोठी दिग्गज मंडळी उपस्थित होती.
