ज्येष्ठ गीतकार आणि पटकथा लेखक जावेद अख्तर (Javed Akhtar) यांनी पाकिस्तानी अभिनेत्री बुशरा अन्सारी (Bushra Ansari) यांनी त्यांच्यावर केलेल्या टीकेवर मौन तोडले आहे. बुशरा अन्सारीने काही आठवड्यांपूर्वी सोशल मीडियावर पोस्ट करून जावेद अख्तर यांची खिल्ली उडवली होती. त्यात त्यांनी जावेद अख्तर यांना 'मुंबईत भाड्याने घरही मिळत नाही' असा आरोप केला होता. त्याचबरोबर त्यांनी 'नसीरुद्दीन शाह यांच्यासारखे गप्प बसावे' असा सल्ला दिला होता. अख्तर यांनी या टीकेला उत्तर दिलं आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
काय म्हणाले अख्तर?
जावेद अख्तर यांनी 'लल्लनटॉप' शी बोलताना सांगितलं की, 'बुशरा अन्सारी नावाची एक पाकिस्तानी अभिनेत्री आहे, ती नेहमी माझ्याबद्दल बोलते. एकदा तिने मला गप्प राहण्याचा सल्ला दिला होता. तिने असे काहीतरी म्हटले होते, 'नसीरुद्दीन शाह गप्प राहतात, तुम्हीही गप्प राहायला हवे.' माझा तिला प्रश्न आहे: 'मी कधी बोलावे आणि कधी नाही हे सांगणारी ती कोण आहे? तुला हा अधिकार कुणी दिला ? मी तुझा सल्ला ऐकावा अशी अपेक्षा तू का करतेस?'
मी पहिल्यांदा भारतीय आहे, असं जावेद अख्तर यांनी यावेळी सांगितलं. ते म्हणाले, 'आपल्यात अनेक समस्या असू शकतात, पण जर देशाबाहेरचा कोणी व्यक्ती त्यावर बोलायला आला, तर मी पहिल्यांदा भारतीय आहे. ते हे का विसरतात? मी गप्प बसणार नाही.'
( नक्की वाचा : Arshad Warsi : अभिनेता अर्शद वारसीवर SEBI नं घातली बंदी, पैसेही परत करावे लागणार! वाचा संपूर्ण घोटाळा )
मुंबईत घर मिळालं नाही?
पाकिस्तानी अभिनेत्रीने असाही दावा केला होता की, जावेद अख्तर यांना मुंबईत भाड्याने घर मिळत नाही, यावर अख्तर यांनी उपरोधिकपणे उत्तर दिले, "हो, ठीक आहे, शबाना आणि मी अलीकडे रस्त्यावर झोपलो आहोत. काय यार, आता काय बोलायचे?ट
25 वर्षांपूर्वी शबाना यांना फ्लॅट का घेता आला नाही?
जावेद अख्तर यांनी एका जुन्या घटनेची आठवण करून दिली ज्यामुळे घर भाड्याने न मिळाल्यासारखे दावे केले जात आहेत. ते म्हणाले, 'जवळपास 25 वर्षांपूर्वी शबानाला गुंतवणुकीसाठी एक फ्लॅट खरेदी करायचा होता, पण ब्रोकरने सांगितले की मालक मुस्लिमांना फ्लॅट विकणार नाही.
जावेद अख्तर यांनी याबाबत सांगितले की, ज्याचा फ्लॅट होता, त्याचे आई-वडील सिंधमध्ये राहत होते, जिथून या पाकिस्तानी लोकांनी त्यांना हाकलून लावले होते. जो कोणी इतक्या मोठ्या आणि खोल जखमेने पीडित आहे, तो अशाच प्रकारे प्रतिक्रिया देईल. म्हणूनच शबानाला फ्लॅट विकण्यास नकार दिला, कारण ती मुस्लिम होती."
यावर जावेद अख्तर म्हणाले की, काही लोकांना संपूर्ण गोष्ट माहित नसते, अशा परिस्थितीत बुशरा अन्सारी कोण असतात कोणत्याही गोष्टीला तोडून-मोडून सादर करणाऱ्या आणि टोमणे मारणाऱ्या? जावेद पुढे म्हणाले की, "त्यांनी बोट उचलण्यापूर्वी आपला इतिहास पाहून घ्यावा."
बुशरा अन्सारी काय म्हणाली होती?
बुशरा अन्सारीने यापूर्वी गौरवशाली महाराष्ट्र महोत्सवातील जावेद अख्तर यांच्या भाषणावर प्रतिक्रिया दिली होती. अख्तर यांनी त्या कार्यक्रमात पहलगामच्या बैसरन गवताळ प्रदेशात एका दहशतवादी गटाने २६ पर्यटकांच्या क्रूर हत्येचा निषेध केला होता. अख्तर यांनी कार्यक्रमात म्हटले होते, ''ही गोष्ट आपण विसरू नये, ही किरकोळ गोष्ट नाही.'
अन्सारी यांनी त्यांच्या वक्तव्यावर तीव्र प्रतिक्रिया व्यक्त करत म्हटले होते, 'त्यांना तर निमित्तच हवे होते... खरं तर, त्यांना मुंबईत घर भाड्याने मिळत नव्हते.' त्या पुढे म्हणाल्या, 'चला जी, गप्प बसा तुम्ही. नसीरुद्दीन शाह पण आहेत, ते गप्प बसले आहेत ना? आणि पण गप्प बसले आहेत.'
