जाहिरात

Rakhi Sawant: "धर्मजींचा मृत्यू 2-3 दिवसांपूर्वीच, नंतर ड्रामा..", व्हायरल व्हिडीओमुळे खळबळ, नेटकरी संतापले!

"धर्मजींचं निधन 2-3 दिवसांपूर्वी झालं होतं. ते माझ्या स्वप्नात आले होते",असं खळबळजनक विधान करून राखी सावंत पुन्हा एकदा चर्चेत आली आहे.

Rakhi Sawant: "धर्मजींचा मृत्यू 2-3 दिवसांपूर्वीच, नंतर ड्रामा..", व्हायरल व्हिडीओमुळे खळबळ, नेटकरी संतापले!
Rakhi Sawant On Dharmendra Death
मुंबई:

Rakhi Sawant On Dharmendra Video Viral : "धर्मजींचं निधन 2-3 दिवसांपूर्वी झालं होतं. ते माझ्या स्वप्नात आले होते",असं खळबळजनक विधान करून राखी सावंत पुन्हा एकदा चर्चेत आली आहे. धर्मेंद्रच्या मृत्यूनंतर त्यांच्या कुटुंबीयांसह चाहत्यांना मोठा धक्का बसला असतानाच राखी सावंतने बेताल वक्तव्य करून अनेकांच्या भावना दुखावल्या आहेत.राखी सावंत मुंबईतील एका कार्यक्रमात सहभागी झाली होती. यावेळी ती माध्यमांना प्रतिक्रिया देत म्हणाली, "धर्मजींचा मृ्त्यू दोन तीन दिवसांपूर्वीच झाला होता. नंतर त्यांचा ड्रामा रचला गेला". दरम्यान, राखीचं हे विधान चर्चेचा विषय बनला असून धर्मेंद्रच्या चाहत्यांनी सोशल मीडियावर राखीवर टीकेची झोड उठवली आहे. 

राखी सावंत दिवंगत धर्मेंद्र यांच्याबद्दल नेमकं काय म्हणाली?

राखीने माध्यमांना अशी प्रतिक्रिया देताच सर्वच थक्क झाले आहेत. यावेळी एका रिपोर्टरने राखीला प्रश्न विचारला की, हे सर्व तुम्हाला कोणी सांगितलं?यावर राखी म्हणाली, "मला खूप लोकांनी सांगितलं होतं. राखी म्हणाली, धर्मजी स्वत:माझ्या स्वप्नात आले होते. मला तिथल्या डॉक्टरांनीही याविषयी सांगितलं होतं. राखी पुढे म्हणाली, "मला या गोष्टीचं दु:ख झालं आहे की, लाखो चाहत्यांना धर्मजींना अंत्यसंस्कारापूर्वी पाहता आलं नाही. मला वाईट वाटलं की त्यांच्या चाहत्यांना त्यांना भेटू दिले नाही.धर्मेंद्रजी हे संपूर्ण जगाचे सुपरस्टार होते.माझे हिरो होते."

नक्की वाचा >> मॅनेजर महिलेनं AI चा बोगस पास बनवला, AC ट्रेनमध्ये खूप दिवस केला फुकट प्रवास, पण डोंबिवलीत..

राखी सावंतच्या व्हिडिओवर नेटकरी संतापले

इंटरनेटवर राखी सावंतचा व्हिडीओ व्हायरल होताच नेटकऱ्यांनी राग व्यक्त केला आहे. दिवंगत धर्मेंद्र यांच्याबद्दल विचित्र विधान केल्यामुळे राखीला त्यांनी चांगलच सुनावलं आहे. एका यूजरने कमेंट करत म्हटलंय की, "बहिणी सनी पाजीची तरी भीती ठेव",दुसऱ्या एका यूजरने म्हटलं,  "खूपच खोटं बोलते ही..","सनी देओल आता काय करेल याचा विचारही ती करू शकत नाही, असंही एका यूजरने म्हटलं. 

Track Latest News Live on Marathi.NDTV.com and get news updates from India and around the world

Follow us:
Listen to the latest songs, only on JioSaavn.com