Salman Khan New Home: हिंदी चित्रपट अभिनेता सलमान खान लवकरच वांद्रे येथे आपल्या कुटुंबासाठी समुद्राकिनारी एक नवीन सहा मजली घर बांधणार आहे. महाराष्ट्र किनारी क्षेत्र व्यवस्थापन प्राधिकरणाने (MCZMA) १६ जून रोजी या प्रकल्पाला मंजुरी दिली. हे नवीन घर वांद्रे येथील चिंबई परिसरात, सलमान खानच्या सध्याच्या निवासस्थान गॅलेक्सी अपार्टमेंट्सपासून थोड्याच अंतरावर बांधले जाईल. सलमान खान १९७४ पासून गॅलेक्सी अपार्टमेंट्समध्ये राहत आहे.
मराठी-हिंदीत हिट चित्रपट दिले, पण नशिबाने पदरात भलतेच दिले, 'या' अभिनेत्यावर रिक्षा चालण्याची वेळ
सलमान खान ५२ वर्षानंतर सोडणार गॅलक्सी अपार्टमेंट
काही वर्षापूर्वी दुचाकीवरून आलेल्या दोन हल्लेखोरांनी गॅलेक्सी अपार्टमेंट्सच्या बाहेर गोळीबार केला होता. तपासात असे उघड झाले की, हे हल्लेखोर बिश्नोई टोळीशी संबंधित होते. या घटनेनंतर सलमान खानची सुरक्षा वाढवण्यात आली आणि त्याला वाय+ (Y+) सुरक्षा देण्यात आली. ज्या बाल्कनीतून त्याने आपल्या चाहत्यांना अभिवादन केले, ती बुलेटप्रूफ काचेने संरक्षित करण्यात आली आहे.
एमसीझेडएमएच्या (MCZMA) सूत्रांनुसार, हे नवीन घर सलमान खानची आई, सलमा खान यांच्या मालकीच्या जमिनीवर बांधले जाईल. या भूखंडावर पूर्वी १९५६ पूर्वी बांधलेले दोन मजली घर होते, जे खरेदी केल्यानंतर त्याच्या जीर्ण अवस्थेमुळे कुटुंबाने पाडून टाकले होते. नवीन इमारतीमध्ये तळमजला, स्टिल्ट पार्किंग आणि सहा मजले असतील. त्याचे एकूण बांधकाम क्षेत्र अंदाजे १,०१४ चौरस मीटर असेल. हा प्रकल्प सच डेव्हलपर्सद्वारे (Sach Developers) बांधला जाईल. बीएमसीने (BMC) ऑक्टोबर २०२५ मध्ये या प्रकल्पासाठी प्राथमिक परवानगी (IOD) जारी केली आहे.
असे वृत्त आहे की, बांधकामादरम्यान एकही झाड तोडले जाणार नाही. त्याऐवजी, परिसरात आणि आजूबाजूच्या भागात स्थानिक प्रजातींची नवीन झाडे लावली जातील. मुख्य रस्त्यापासून दूर एका शांत गल्लीत असलेले हे नवीन घर सलमान खान आणि त्याच्या कुटुंबाला पूर्वीपेक्षा अधिक सुरक्षा आणि गोपनीयता प्रदान करेल. दरम्यान या प्रकल्पाबाबत सलमान खान किंवा त्याच्या टीमकडून कोणतीही अधिकृत माहिती दिलेली नाही.
'3 इडियट्स 2' ची स्टोरी झाली लिक! जाणून घ्या 20 वर्षांनंतर कसे असतील रँचो, राजू अन् फरहान?
