झापूक झुपूक फेम आणि बिग बॉस विजेता सूरज चव्हाण याचं बहुचर्चीत लग्न अखेर पार पडलं. त्याच्या नात्यातीलच असलेली संजना गोफणे हिच्या लग्न बंधनात तो अडकला. हे लग्न जर सूरजचं असलं तरी सर्वांच्या नजरा मात्र सूरजची करवली असलेल्या जान्हवी किल्लेकरवरच खिळल्या होत्या. हळद असो की संगित असो, वरात असो की रिसेप्शन असो प्रत्येक ठिकाणी जान्हवीचा वावर ठळक पणे दिसत होता. ती खऱ्या अर्थाने नवरदेवाची बहीण म्हणून संपूर्ण लग्नात वावरत होती. लग्नात जशी तिची चर्चा होती तशीच चर्चा तिने सूरजला दिलेल्या गिफ्ट बद्दलही रंगली होती. तिने एक खास गिफ्ट सूरजला दिलं. त्याचा व्हिडीओ ही तिने सोशल मीडियावर पोस्ट केला आहे.
बिग बॉस मराठीच्या पाचव्या पर्वाचा विजेता सूरज चव्हाण अखेर बोहल्यावर चढला. 29 नोव्हेंबर रोजी त्याने चुलत मामाची मुलगी संजना गोफणे हिच्यासोबत लग्नगाठ बांधली. त्याच्या लग्नाची पत्रिका सोशल मीडियावर व्हायरल झाल्यामुळे त्याच्या लग्नाला मंडपात तुफान गर्दी झाली होती. या सगळ्या गोंधळात खरी 'हिरो' ठरली ती त्याची बिग बॉसची बहिण जान्हवी किल्लेकर. (Jahnavi Killekar) यावेळी या गर्दीला खऱ्या अर्थाने कुणी नियंत्रणात आणलं असेल तर ती जान्हवी होती. तिने गोंधळावर नियंत्रण मिळवण्यासाठी चक्क उपस्थितांना दम ही भरला होता.
या लग्नात सूरजची बहिण म्हणून जान्हवी हक्काने वावरताना दिसत होती. सूरजचे लग्न झाल्यावर लगेच जान्हवीने एक खास व्हिडिओ शेअर केला. ज्यात तिने आपल्या लाडक्या भावाला दिलेलं महागडं गिफ्ट दाखवलं आहे. त्यात तिने अतिशय खास व्यक्तीसाठी तेवढीच खास भेट असं टायटल दिलं आहे. जान्हवीने सूरजला सोन्याची अंगठी भेट म्हणून दिली आहे. ही अंगठी बघून सूरजला त्याच्या चेहऱ्यावरचा आनंद लपवता येत नव्हता. सूरजने ही आपल्याला ही भेट खूप आवडली असल्याचं सांगितलं आहे. तो त्यात खूप खुष दिसत आहे.
या लग्नात सूरजची आणखी एक बिग बॉसची 'बहीण' अंकिता प्रभू वालावलकर गैरहजर होती. त्यामुळे चाहत्यांनी जान्हवीच्या व्हिडिओवर कमेंट्स करून नाराजी व्यक्त केली. पण अंकिताने आधीच स्पष्ट केलं होतं की, तिच्या जवळच्या नातेवाईकाचं लग्न त्याच वेळी असल्यामुळे ती येऊ शकणार नाही. मात्र, तिने सूरजला लग्नाच्या बस्त्यासाठी मदत करून आपलं कर्तव्य निभावलं होतं.त्याचे ही व्हिडीओ समोर आले होते. पण लग्नात खऱ्या अर्थाने जान्हवीने या लग्नात एका बहिणीचे कर्तव्य करताना दिसली. ती प्रत्येक ठिकाणी वावरताना आणि लग्न ऐन्जॉय करताना दिसली. शिवाय तिने दिलेल्या गिफ्टची ही आता चर्चा रंगली आहे. तिने सूरजसाठी एक महागडी सोन्याची अंगठी गिफ्ट दिली.
