प्रसिद्ध टीव्ही अभिनेते नितीन चौहान यांच्या निधनाने टेलिव्हिजन इंडस्ट्रील मोठा धक्का बसला आहे. नितीन चौहानचं अवघ्या 35 व्या वर्षी निधन झालं आहे. त्याचे सहकलाकार सुदीप साहिर आणि सायंतानी घोष यांनी त्याच्या मृत्यूच्या वृत्ताला पुष्टी दिली आहे. मात्र याबाबत अद्याप त्यांच्याकडे अतिरिक्त माहिती नाही.
इंडिया टुडेच्या वृत्तानुसार, नितीनचे वडील आपल्या मुलाचे पार्थिव घेण्यासाठी मुंबईला रवाना झाल्याची माहिती आहे. रिॲलिटी शो दादागिरी 2 चा विजेता म्हणूनही नितीनची वेगळी ओळख आहे. दादागिरी 2 शो व्यतिरिक्त, नितीनने स्प्लिट्सविलाचा सीझन 5 देखील जिंकला.
अभिनेता नितीन अलीगढ, यूपीचा रहिवासी होता. त्याने 'दादगिरी 2' हा रिॲलिटी शो जिंकून ओळख निर्माण केली होती. याशिवाय त्याने आपल्या अभिनयातून प्रेक्षकांमध्ये स्वतःचे एक खास स्थान निर्माण केले होते. नितीनने 'जिंदगी डॉट कॉम', 'क्राइम पेट्रोल' आणि 'फ्रेंड्स' सारख्या टीव्ही शोमध्येही काम केले होते. 'क्राइम पेट्रोल'मधून त्याला खूप प्रसिद्धी मिळाली.
