Punjab News : विषारी दारू प्यायल्याने 14 जणांचा मृत्यू झाल्याची घटना समोर आली आहे. पंजाबमधील अमृतसरमधील अनेक गावांमध्ये मद्यपींचा मृतांमध्ये समावेश आहे. तर किमान 6 जणांची प्रकृती गंभीर आहे.
थरयवाल, मार्डी आणि भांगाली या गावांमध्ये विषारी दारू पिल्याने अनेक लोकांचा मृत्यू झाला आहे. मिळालेल्या माहितीनुसार, ही विषारी दारू प्यायल्याने 14 अधिक कामगारांचा मृत्यू झाला आहे. पंजाब पोलिसांनी या प्रकरणात मुख्य आरोपी प्रभजीत सिंगला अटक केली आहे.
मिळालेल्या माहितीनुसार, प्रभजीत सिंग हा बनावट दारू पुरवण्यामागील मुख्य सूत्रधार आहे. अमृतसर पोलिसांनी दिलेल्या माहितीनुसार, उत्पादन शुल्क कायद्याच्या कलम 105 बीएनएस आणि 61 अ अंतर्गत गुन्हा दाखल करण्यात आला आहे. अटक केलेल्या आरोपींमध्ये कुलबीर सिंग उर्फ जग्गू (मुख्य आरोपी प्रभजीतचा भाऊ), साहिब सिंग उर्फ सराई, गुरजत सिंग आणि निंदर कौर यांचा समावेश आहे.
