Uday Krishna Reddy IPS officer: हैदराबाद येथील सरदार वल्लभभाई पटेल राष्ट्रीय पोलीस अकादमीत (SVPNPA) महिला सहकारी प्रशिक्षणार्थी अधिकाऱ्याचा छळ केल्याचा आरोप असलेल्या आयपीएस अधिकाऱ्याने रविवारी रात्री विष प्राशन करून आत्महत्येचा प्रयत्न केल्याची धक्कादायक माहिती समोर आली आहे. उदय कृष्ण रेड्डी असे या अधिकाऱ्याचे नाव असून त्याला गंभीर अवस्थेत रुग्णालयात दाखल करण्यात आले आहे. दाखल झालेल्या गुन्ह्यानंतर काही दिवसांतच घडलेल्या या नाट्यमय घडामोडीमुळे पोलीस वर्तुळात प्रचंड खळबळ उडाली आहे.
काय आहे प्रकरण?
मिळालेल्या माहितीनुसार, उदय कृष्ण रेड्डी याने रविवारी संध्याकाळी हैदराबादमधील एका मित्राच्या घरी विषारी औषध प्राशन केले. प्रकृती बिघडल्यानंतर त्याला तातडीने रुग्णालयात दाखल करण्यात आले असून सध्या तो डॉक्टरांच्या देखरेखीखाली आहे. पोलीस अधिकाऱ्यांनी या घटनेची चौकशी सुरू केली असली तरी ही आत्महत्येचा प्रयत्नच होता की अन्य काही, याबाबत अधिकृत माहिती दिलेली नाही.
( नक्की वाचा : 'तू मरशील, माझे काय होणार?' कॅन्सर पीडित पतीला सोडून पत्नीने उरकले दुसरे लग्न; कोर्टाचे कडक पाऊल" )
काही दिवसांपूर्वीच सहकारी असलेल्या एका महिला प्रशिक्षणार्थी आयपीएस अधिकाऱ्याने रेड्डीविरोधात पाठलाग करणे, शारीरिक मारहाण, जीवे मारण्याची धमकी आणि परवानगीशिवाय खासगी व्हिडिओ रेकॉर्ड करून ब्लॅकमेल केल्याची तक्रार दाखल केली होती. या तक्रारीवरून हैदराबाद पोलिसांनी भारतीय न्याय संहिता आणि माहिती तंत्रज्ञान कायद्यांतर्गत गुन्हा दाखल केला होता. मात्र, आत्महत्येचा प्रयत्न करण्यापूर्वी रेड्डीने पानांची एक चिठ्ठी लिहून ठेवल्याचे समोर आले आहे.
संमतीने संबंध असल्याचा दावा आणि नवीन वळण
या नोटमध्ये रेड्डी याने महिला अधिकाऱ्याने केलेले सर्व आरोप फेटाळून लावले आहेत. जून 2025 पासून आपणा दोघांमध्ये संमतीने प्रेमसंबंध होते, असा दावा त्याने केला आहे. महिला अधिकाऱ्याचे लग्न झाल्यानंतरही ती स्वतःहून माझ्या खोलीत येत होती, असे सांगत त्याने 9 जुलै 2026 रोजी घडलेल्या प्रसंगाचा उल्लेख केला आहे.
( नक्की वाचा : Dombivli News :डोंबिवलीत 73 वर्षांच्या आजीबाईंना 'लिव्ह इन' ची हौस नडली, 57 लाख गेले, बँक खाते रिकामे )
त्या रात्री तिने स्वतःहून जवळीक साधण्याचा प्रयत्न केल्याचे रेड्डी याने नोटमध्ये लिहिले आहे. सर्व पुरावे म्हणून आपण ते संभाषण रेकॉर्ड केले होते आणि त्यातील एक व्हिडिओ तिच्या नवऱ्याला पाठवला होता, असे स्पष्टीकरण देत महिला अधिकाऱ्याने सर्व बाबी फिरवून आपल्यावर खोटे आरोप केल्याचा दावा रेड्डी याने केला आहे. सध्या पोलीस या दोन्ही बाजूंचा सखोल तपास करत आहेत.
| Helplines | |
|---|---|
| Vandrevala Foundation for Mental Health | 9999666555 or help@vandrevalafoundation.com |
| TISS iCall | 022-25521111 (Monday-Saturday: 8 am to 10 pm) |
| (If you need support or know someone who does, please reach out to your nearest mental health specialist.) | |
Track Latest News Live on Marathi.NDTV.com and get news updates from India and around the world
