कोलकाता: इस्कॉनने आयोजित केलेली कोलकाताची प्रसिद्ध जगन्नाथ रथयात्रेत यावर्षी एक अनोखा आणि मोठा बदल करण्यात आला आहे. भगवान जगन्नाथ बलभद्र आणि सुभद्रा यांचे रथ सुखोई लढाऊ विमानाच्या टायरवर चालतील. या बदलामुळे गेल्या 48 वर्षांची परंपरा मोडली आहे, ज्यामध्ये बोईंग विमानांच्या चाकांच्या मदतीने रथ ओढला जात होता.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
समोर आलेल्या माहितीनुसार, गेल्या 48 वर्षांपासून कोलकाताच्या रथयात्रेत बोईंग टायर वापरले जात होते, परंतु हे टायर खूप जुने झाले होते आणि गेल्या 15 वर्षांपासून बोईंग टायर्सचा वापर होत होता. मात्र आता आता बोईंग टायर शोधणे खूप कठीण आहे. त्यामुळे हा बदल करण्याचा निर्णय घेण्यात आला. सुखोई टायर्सचा व्यास बोईंग टायर्ससारखाच आहे, त्यामुळे यावर्षी रथात सुखोई टायर बसवण्याचा निर्णय घेण्यात आला.
या प्रक्रियेवेळी घडलेला एक खास किस्साही राधारमण दास यांनी सांगितला. जेव्हा इस्कॉनने सुखोई टायर्स बनवणाऱ्या कंपनीकडून कोटेशन मागितले तेव्हा कंपनीला आश्चर्य वाटले. कंपनीच्या अधिकाऱ्यांना समजले नाही की कोणी त्यांच्या टायर्ससाठी आणि तेही रथयात्रेसाठी कोटेशन का मागत आहे. त्यानंतर, इस्कॉनने कंपनीला संपूर्ण परिस्थिती समजावून सांगितली आणि त्यांच्या एका टीमला कोलकाता येथे बोलावून रथ दाखवला. त्यानंतरच, कंपनीने इस्कॉनला चार सुखोई टायर्स दिले. सध्या हे टायर्स बसवण्याचे काम सुरू आहे.
नक्की वाचा - Operation Sindoor नंतर वादग्रस्त व्हिडिओ, पुण्याच्या मुलीला बंगाल पोलिसांकडून अटक! AIMIM नेत्यावर आरोप
इस्कॉनच्या प्रवक्त्यांनी सांगितले की, यावर्षीच्या रथयात्रेत भगवान जगन्नाथ सुखोई टायर्सने सुसज्ज रथावर स्वार होऊन भाविकांना दर्शन देतील. तांत्रिक दृष्टिकोनातून हा केवळ मोठा बदल नाही तर परंपरा आणि आधुनिकतेच्या एका अनोख्या संगमाचे प्रतीक आहे. यावेळी रथयात्रेत, भगवान जगन्नाथ सुखोई टायर्सने सुसज्ज रथावर बसून भाविकांना दर्शन देतील. हे अनोखे दृश्य केवळ भाविकांसाठीच खास नसेल, तर देशभरातील लोकांसाठी एक नवीन अनुभवही ठरेल.
प्रेमाची शिक्षा केवळ दु:ख अन् छळ; माहेरून पैसे आण म्हणत विवाहितेला दोरीने बांधून शरीरावर चटके
Track Latest News Live on Marathi.NDTV.com and get news updates from India and around the world
