AC New Rules : अरे गरम होतंय एसी थोडा कमी कर, अरे थंडी लागतेय एसी थोडा वाढव... असे शब्द घरी किंवा ऑफिसमध्ये तुम्ही रोजच ऐकत असाल. मात्र लवकरच यातून सर्वांची सुटका होण्याची शक्यता आहे. सरकार एसीच्या तापमानाबाबत एक नवीन नियम आणणार आहे. यानंतर, नवीन एसीचे तापमान एका मर्यादेपेक्षा कमी किंवा जास्त राहणार नाही. एसीचं तापमान 20 अंश ते 28 अंशांच्या दरम्यान निश्चित केले जाईल.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
केंद्रीय ऊर्जा मंत्री मनोहर लाल खट्टर यांनी म्हटलं की, सरकार देशभरात एसीसाठी नवीन तापमान रेंज लागू करण्याची योजना आखत आहे. या अंतर्गत, एसीला 20 अंश सेल्सिअसपेक्षा कमी थंड होऊ दिले जाणार नाही आणि कमाल मर्यादा 28 अंश सेल्सिअस असेल.
(नक्की वाचा- Google चा युजर्ससाठी अलर्ट; पासवर्डची पद्धत बदला अन्यथा हॅकिंगचा धोका!)
भारत बऱ्याच काळापासून ऊर्जा संवर्धन आणि विशेषतः उन्हाळ्यात विजेची मागणी कमी करण्यावर काम करत आहे. खट्टर यांच्या मते, या नवीन मर्यादा निवासी आणि व्यावसायिक ऊर्जा कार्यक्षमता सुधारण्याच्या धोरणाचा एक भाग आहेत. भारतातील एसी बहुतेकदा घरे आणि कार्यालयांमध्ये 20 अंश सेल्सिअसपेक्षा कमी तापमानात चालतात. ज्यामुळे ऊर्जेचा वापर वाढतो आणि पॉवर ग्रिडवर दबाव येतो. वाढत्या तापमानामुळे आणि शीतकरण उपकरणांच्या मागणीमुळे, वापराचे व्यवस्थापन करणे ही राष्ट्रीय प्राधान्य बनले आहे.
सध्या देशात एअर कंडिशनरचे किमान तापमान 16 अंश आणि कमाल 30 अंश आहे. नवीन स्टॅण्डर्ड केवळ घरे आणि कार्यालयीन इमारतींसाठीच लागू होणार नाहीत तर तुमच्या वाहनांनाही लागू होतील. हवामान बदल, वाढते तापमान आणि एअर कंडिशनिंग उत्पादनांच्या वाढत्या वापरामुळे विजेची मागणी पूर्ण करण्यासाठी नवीन स्टॅण्डर्स उद्देश आहे. जपानमध्ये ते 26 अंश आणि इटलीमध्ये 23 अंशांवर ठेवण्यात आले आहे.
(नक्की वाचा - Navi Mumbai News: इंग्लंडहून महागडे गिफ्ट पाठवलं, एक फोन अन् महिलेच्या खात्यातून 50 लाख फुर्रर्रर्रssss)
एअर कंडिशनरचे तापमान निश्चित करण्याचा सरकारचा हा पहिलाच प्रयत्न नाही. ब्युरो ऑफ एनर्जी एफिशियन्सी (BEE) च्या 2020 च्या आदेशानुसार, सर्व स्टार-लेबल केलेल्या खोल्या आणि कार एसीसाठी डीफॉल्ट तापमान सेटिंग 24 अंश सेल्सिअस असावी. व्यावसायिक इमारतींमध्ये, ऊर्जा बचत आणि वापरकर्त्यांच्या आरामात संतुलन राखण्यासाठी तापमान सेटिंग 24 अंश सेल्सिअस आणि 25 अंश सेल्सिअस दरम्यान ठेवावी.
Track Latest News Live on Marathi.NDTV.com and get news updates from India and around the world
