Petrol- Diesel Price Today 14 July 2026: आंतरराष्ट्रीय बाजारात कच्च्या तेलाच्या किमती पुन्हा वाढल्या आहेत. त्यामुळे पेट्रोल आणि डिझेलच्या किमती वाढल्या आहेत का? असा प्रश्न सर्वसामान्यांना पडला आहे. तसेच येत्या काही दिवसांत तेल आणि गॅसच्या किमती वाढू शकतात का? असाही सवाल आहे. सरकारी मालकीच्या तेल कंपन्या इंडियन ऑइल, भारत पेट्रोलियम आणि हिंदुस्तान पेट्रोलियम यांनी मंगळवार, १४ जुलै, २०२६ साठी नवीन दर जाहीर केले आहेत.
पेट्रोल आणि डिझेलचे दर दररोज सकाळी ६ वाजता अद्ययावत केले जातात. आज, देशभरातील बहुतेक शहरांमध्ये पेट्रोल आणि डिझेलचे दर स्थिर राहिले. तथापि, स्थानिक करांमुळे काही शहरांमध्ये किंचित बदल दिसून आले. जर तुम्ही आज तुमच्या वाहनाची टाकी भरण्याचा विचार करत असाल, तर प्रथम तुमच्या शहरातील नवीन पेट्रोल आणि डिझेलचे दर नक्की तपासा.
Mumbai Alert: मुंबईकरांनो सावधान! जुलै महिना धोक्याचा... 'या' तारखा लक्षात ठेवा; BMCकडून मोठा अलर्ट
कोणत्या शहरांमध्ये पेट्रोल आणि डिझेलचे दर स्थिर?
- दिल्लीमध्ये पेट्रोल १०२.१२ रुपये प्रति लिटर आणि डिझेल ९५.२० रुपये प्रति लिटर
- मुंबईमध्ये पेट्रोल ₹१११.२१ आणि डिझेल ₹९७.८३ प्रति लिटर
- कोलकातामध्ये पेट्रोल ₹११३.५१ आणि डिझेल ₹९९.८२ प्रति
- गुरुग्राममध्ये पेट्रोल ₹१०२.९७ आणि डिझेल ₹९५.६४ प्रति लिटर
- नोएडामध्ये पेट्रोल ₹१०१.९६ आणि डिझेल ₹९५.४४ प्रति लिटर
- चंदीगडमध्ये पेट्रोल ₹१०१.५४ आणि डिझेल ₹८९.४७ प्रति लिटर
- पाटणामध्ये पेट्रोल ₹११३.३७ आणि डिझेल ₹९९.३६ प्रति लिटर
पेट्रोल आणि डिझेलचे दर कुठे बदलले?
चेन्नईमध्ये पेट्रोल ₹1.69 ने आणि डिझेल ₹1.71 ने स्वस्त झाले आहे. येथे पेट्रोल ₹107.76 आणि डिझेल ₹99.55 प्रति लिटर दराने उपलब्ध आहे. बंगळूरमध्ये पेट्रोल 43 पैशांनी आणि डिझेल 37 पैशांनी स्वस्त झाले आहे. येथे पेट्रोल ₹110.82 आणि डिझेल ₹98.77 प्रति लिटर दराने उपलब्ध आहे. भुवनेश्वरमध्ये पेट्रोल 25 पैशांनी कमी होऊन ₹108.97, तर डिझेल 24 पैशांनी कमी होऊन ₹100.68 प्रति लिटर झाले आहे.
दरम्यान, हैदराबादमध्ये पेट्रोल 4 पैशांनी स्वस्त होऊन ₹115.69 प्रति लिटर झाले आहे, तर डिझेलचा दर ₹103.82 प्रति लिटरवर स्थिर आहे. जयपूरमध्ये पेट्रोल ५० पैशांनी आणि डिझेल ४७ पैशांनी महाग झाले आहे. येथे पेट्रोल ११३.१९ रुपये आणि डिझेल ९८.२५ रुपये प्रति लिटर दराने विकले जात आहे. लखनौमध्ये पेट्रोल २७ पैशांनी वाढून १०१.८६ रुपये, तर डिझेल ३० पैशांनी वाढून ९५.३६ रुपये प्रति लिटर झाले आहे.
Rain News: मान्सून गायब! पावसाचे दमदार कमबॅक कधी होणार? हवामान विभागाच्या इशाऱ्याने चिंता वाढली
कच्चा तेलाच्या किमती वाढल्या...
आंतरराष्ट्रीय बाजारात कच्च्या तेलाच्या किमतीत पुन्हा एकदा मोठी वाढ झाली आहे. अमेरिका आणि इराणमधील वाढता तणाव आणि होर्मुझच्या सामुद्रधुनीतील हल्ल्यांमुळे पुरवठ्याबाबत चिंता वाढली आहे. परिणामी, ब्रेंट क्रूड तेलाच्या किमती जवळपास २ टक्क्यांनी वाढून ८४.९८ डॉलर प्रति बॅरल झाल्या आणि यूएस डब्ल्यूटीआय क्रूड तेलाच्या किमती ७९.७९ डॉलर प्रति बॅरलवर पोहोचल्या. असे असूनही, भारतातील सरकारी तेल कंपन्यांनी अद्याप पेट्रोल आणि डिझेलच्या किमतीत कोणताही बदल केलेला नाही. हे लक्षात घेतले पाहिजे की २५ मे २०२६ पासून पेट्रोल आणि डिझेलचे दर स्थिर राहिले आहेत.
