Raja Raghuvanshi Murder Case : इंदूर राजा रघुवंशी हत्या प्रकरणात दररोज नवीन खुलासे होत आहेत. मात्र राजाची हत्या नेमकी कशासाठी झाली याची माहिती अद्याप मिळू शकलेली नाही. अनेक अँगल या हत्या प्रकरणात समोर आले आहेत. राजाचा मोठा भाऊ सचिनने आरोप केला की ही सामान्य हत्या नसून नरबळी होता. सचिनचा दावा आहे की सोनम आणि तिच्या कुटुंबाने तांत्रिक विधी करून राजाचे बलिदान दिले.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
सचिनचा आरोप आहे की सोनमच्या वडिलांना दोनदा हृदयविकाराचा झटका आला होता. सचिनचा असा विश्वास आहे की, त्यांनी काळ्या जादूच्या मदतीने राजाचा बळी देऊन त्यांच्या वडिलांचे आरोग्य बरे करण्याचा प्रयत्न केला. राजाच्या मृत्यूपूर्वी त्याच्या कुटुंबातील सदस्यांनी पाहिले की कोणीतरी त्याचा फोटो भिंतीवर उलटा लावला होता. संशय आणि भीती तिथूनच सुरू झाली होती.
( नक्की वाचा : Sunjay Kapur : 10 दिवस लग्न, 126 देशातील पाहुणे, 100 कोटी खर्च! कोण होता संजय कपूरच्या पत्नीचा पहिला नवरा? )
या प्रकरणात पोलिसांनी सोनम आणि तिचा प्रियकर राज कुशवाहासह पाच आरोपींना अटक केली आहे. सोनमने पोलिसांसमोर आपला गुन्हा कबूल केला आहे आणि तिच्या पतीच्या हत्येत तिचा सहभाग असल्याचे म्हटले आहे. राजाचा भाऊ विपिन रघुवंशी याने असा दावा केला आहे की सोनम आणि राज कुशवाह हे फक्त मोहरे होते, खरे कट रचणारे अद्याप उघड झालेले नाहीत.
( नक्की वाचा : Iran-Israel conflict : '.... तर पाकिस्तान इस्रायलवर अणुबॉम्ब टाकेल',युद्ध चिघळणार? )
राजा रघुवंशी याच्या कुटुंबाने आरोपी सोनम रघुवंशी आणि राज कुशवाह यांची नार्को चाचणी करण्याची मागणी केली आहे. राजाचा भाऊ सचिन रघुवंशी यांनी म्हटलं की, ही केवळ हत्या नाही तर एका सुनियोजित कटाचा भाग आहे. त्यात इतर अनेक लोकांचाही सहभाग असू शकतो. राजा रघुवंशी यांच्या कुटुंबाला सोनम आणि राज यांची नार्को चाचणी हवी आहे. परंतु संपूर्ण प्रकरणाची सखोल चौकशी करण्याची आणि या कटात सहभागी असलेल्या सर्वांची नावे उघड करण्याची मागणीही त्यांनी केली आहे.
