उपमुख्यमंत्री एकनाथ शिंदे यांच्या सुरक्षेत मोठी चूक झाली आहे. शिंदे यांना बसण्यासाठी विधानसभा सदस्याचा बनावट लोगो लावलेली मर्सीडीज ताफ्यात होती. हा प्रकार लक्षात आल्यानंतर गाडी बदलली गेली. उपमुख्यमंत्री एकनाथ शिंदे हे नांदेड दौऱ्यावर आलेले असताना त्यांना विमानतळावरुन नेण्यासाठी चक्क विधानासभा सदस्याचा बनावट लोगो असलेली मर्सीडीज गाडी सज्ज ठेवल्याचा धक्कादायक प्रकार उघडकीस आला. एकनाथ शिंदे यांचा आज नांदेड दौरा होता. विमानतळावर ते शहरातील सर्व कार्यक्रम आणि परत विमानतळ इथे जाण्यासाठी ही बनावट लोगो असलेली मर्सिडीज कार वापरली जाणार होती. या कारचा नंबर MH 26 BR 1008 असा आहे. या गाडीवर महाराष्ट्र विधानसभा सदस्य - सत्यमेव जयते असा आमदारांच्या गाडीवर असणारा लोगो होता.  

'मी पुन्हा येईन असं तर नाही बोलणार, पण नक्की येणार' असं सुचक वक्तव्य उद्धव ठाकरे यांनी केलं आहे. ते रेल्वे कामगार सेनेच्या कार्यक्रमात बोलत होते. काहीही झालं तरी माझा भगवा मी सोडणार नाही असे शिवसैनिक आहेत. ते माझ्या बरोबर आहेत असं उद्धव ठाकरे म्हणाले. पहिलं सरकार हे गद्दार सरकार होतं. आताचं सरकार हे EVM सरकार आहे,असं उद्धव यावेळी म्हणाले. शिवाय मुंबई महापालिकेला हे सरकार लुटत असल्याचे ते म्हणाले. महापालिकेच्या ठेवी मोडल्या जात आहेत. महापालिकेला कर्जबाजारी केलं जात आहे असा आरोपही यावेळी ठाकरे यांनी केला. 

महाराष्ट्र राज्य माध्यमिक व उच्च माध्यमिक शिक्षण मंडळाकडून घेण्यात येणाऱ्या 10 वी आणि 12 वी च्या परीक्षा काही दिवसांवरच येऊन ठेपल्या आहेत. त्याच पार्श्वभूमीवर विद्यार्थींसाठी काही नियमावली जाहीर करण्यात आली आहे. तसंच जर विद्यार्थी कॉपी करताना पकडण्यात आले तर थेट त्यांच्यावर फौजदारी गुन्हा दाखल करण्यात येणार आहे. महाराष्ट्र राज्य माध्यमिक व उच्च माध्यमिक शिक्षण मंडळाचे अध्यक्ष शरद गोसावी यांनी ही माहिती दिली आहे. 

सबका साथ सबका विकास बद्दल बरेच काही सांगितले गेले आहे, त्यात काय अडचण आहे? ही प्रत्येकाची जबाबदारी आहे. काँग्रेसमध्ये सबका साथ, सबका विकास शक्य नाही. सबका साथ, सबका विकास हे काँग्रेसच्या आकलनाच्या पलीकडे आहे. काँग्रेस पक्ष फक्त एकाच कुटुंबापुरता मर्यादित झाला आहे. फॅमिली फर्स्ट हे काँग्रेसचे मॉडेल आहे, असे म्हणत पंतप्रधान नरेंद्र मोदी यांनी काँग्रेसवर हल्लाबोल केला... 

मालवणमधील राजकोट किल्ल्यावर छत्रपती शिवाजी महाराज यांच्या पुतळ्यासंदर्भात बैठक

पुतळ्याच्या उभारणीसंदर्भात प्राथमिक कामाचा आढावा सिंधुदुर्ग जिल्ह्याचे पालकमंत्री नितेश राणेंकडून घेण्यात आला

१० फेब्रुवारी रोजी पुन्हा एकदा सविस्तर आढावा बैठक मालवणमधल्या राजकोट किल्ल्यासंदर्भात घेण्यात येणार

मूर्तीकार, कंत्राटदारांसोबतच अधिकाऱ्यांची देखील १० फेब्रुवारी रोजी पार पडणाऱ्या बैठकीला उपस्थिती असणार

मराठी अभिनेते राहुल सोलापूरकर यांनी छत्रपती शिवाजी महाराज यांच्याबाबत केलेल्या वक्तव्यामुळे नवा वाद निर्माण झाला आहे. छत्रपती शिवाजी महाराज हे लाच देऊन आग्र्याच्या कैदेतून सुटले, असे विधान त्यांनी केले होते. या विधानावरुन सर्वत्र संताप व्यक्त होत असतानाच आता राहूल सोलापूरकर यांनी भांडारकर विद्य संस्थेच्या विश्वस्तपदाचा राजीनामा दिला आहे. 

 राज्याचे शिक्षणमंत्री दादा भुसे आज अमरावती जिल्हाच्या दौऱ्यावर आले आहेत, दरम्यान मंत्री दादा भुसे यांनी सुरवाडी, तिवसा, गुरूकुंज मोझरी व अमरावती महानगरपालिकेच्या शाळेत भेट देऊन पाहणी केली, यावेळी शिक्षणमत्र्यांनी विद्यार्थीशी संवाद साधला व शाळेत कशा प्रकारे शिक्षण शिकवल्या जातं याचा आढावा घेतला, यावेळी विद्यार्थ्यांनी दादा भुसे यांचा  शाळेत स्वागत केलं, त्यानंतर शिक्षण मंत्री दादा भुसे यांनी  अमरावती जिल्हाधिकारी कार्यालयात पाचही जिल्ह्यातील  शिक्षणाधिकारी  जिल्हाधिकारी यांच्यासोबत बैठक घेत  शैक्षणिक सत्राचा आढावा घेतला

- नाशिक पोलिसांची मोठी कारवाई

- नाशिक मध्ये 8 बांगलादेशी नागरिक ताब्यात

- 8 पैकी 3 बांगलादेशीन कडे बांगलादेशी ओळखपत्र

- नाशिक पोलिसांच्या एका पथकाने लेबर बनून जात तब्बल 4 दिवस केलं त्यांच्या सोबत काम

- पोलीस उपनिरीक्षक लेबर कॉन्ट्रॅक्टर तर पोलीस कर्मचारी लेबर बनवून थांबले बांधकाम साईड वर

- तब्बल 4 दिवस पोलीस बांधकाम साईड वर लेबर कॉन्ट्रॅक्टर आणि लेबर बनवून थांबले

- 4 दिवसात या बांधकाम साइटवर इतर कर्मचारी बांगलादेशी भाषेत बोलत असल्याची खात्री पडल्यानंतर टाकला छापा 

- या छाप्यात 8 बांगलादेशी ताब्यात 

- चित्रपटातील कथांनकासारखा नाशिक पोलिसांचा तपास

लातूर नांदेड महामार्गावरील नांदगाव पाटीजवळ मंगळवारी दुपारी कार आणि दुचाकीचा भीषण अपघात झाला होता या अपघातात दुचाकीस्वार जागीच ठार झाल्याची घटना घडली होती. अपघाताचा सीसीटीव्ही व्हिडिओ आता समोर आला आहे..नांदेडकडून लातूरकडे जाणाऱ्या (डस्टर) एम एच 34 ए एम 2813 या क्रमांकाच्या कारने नांदगावकडून आष्टा मोडकडे जाणाऱ्या एम एच 24 ऐ के 7941 दुचाकीला पाठीमागून जोरदार धडक दिली. 

दरम्यान, या धडकेत दुचाकीवरील डॉ. यशवंत आनंदराव गरड वय 54 वर्ष हे जागीच ठार झाले होते..या धडकेत डॉ गरड हे पाच ते सहा फूट उंच उडून पडले. असल्याचे सीसीटीव्हीच्या व्हिडिओमध्ये दिसत आहे.. या अपघातात त्यांचा जागीच मृत्यू झाला आहे..

नाशिक मध्ये महिलांपाठोपाठआता पुरुष देखील  चैनस्नॅचर्सच्या रडारवर असल्याचे नशीच्यासिडकोत बघायला मिळाले शहरात गेल्या अनेक दिवसापासून चैन स्नॅचर्स प्रकार घडत आहेत आता महिलान पाठोपाठ पुरुष देखील रडारवर आहेत. असाच प्रकार सिडकोतील एकता चौकात घडला आहे.. पोलीसांनी दिलेल्या माहीती नुसार भावेश पवार व त्यांचे मित्र हे त्यांच्या घराजवळ गप्पा मारत उभे असतांना त्यांच्या वर पाळद ठेऊन असलेल्या दोन दुचाकीस्वारांनी त्यांच्या गळ्यातील चार लाख 86 हजारांची सोन्याची चैन लांबवत पोबारा केला... या घटनेत भावेश पवार यांच्या मानेला देखील दुखापत झाली आहे...

- अमरावतीत ठाकरे गटाचे शिवसैनिक आक्रमक..

- शेतकऱ्यांच्या शेतमालाला बाजार भाव मिळाला पाहिजे यासाठी आंदोलन..

- ठाकरे गटाचे शिवसैनिक धडकले अमरावती जिल्हाधिकारी कार्यालयावर..

- अमरावती जिल्हाधिकारी कार्यालयावर पोलिसांनी शिवसैनिकांना अडवले..

- सरकार विरोधी जोरदार घोषणाबाजी. 

- शेतकऱ्याच्या कापूस, तूर, सोयाबीनला योग्य हमी भाव मिळाला पाहिजे..

- सोयाबीनला 8 हजार, कापूस 10हजार व तुरीला 12हजार रुपये भाव देण्याची मागणी 

- कापूसाचे व तुरीचे झाड,गहू व ज्वारीचे पीक जिल्हाधिकारी कार्यालयावर फेकले..

- जिल्हाधिकारी कार्यालयात दादा भुसे ताफा येताच दादा भुसेच्या गाडीवर सोयाबीन फेकले..

- ठाकरे गटांच्या शिवसैनिकांचा जिल्हाधिकारी कार्यालयात घुसण्याचा प्रयत्न. 

- जिल्हाधिकाऱ्यांच्या डालनासमोर ठाकरेंच्या शिवसैनिकांनी मांडला ठिय्या.

 मालेगाव मापालिकेच्या गलथान कारभारामुळे आयुक्ताच्या निवास्थान शेजारीच भुयारी गटारीचं काम सुरु असतांना मुख्य जलवाहीनी फुटून  हजारो लिटर पाणी हे वाया जात आहे. दरम्यान भुयारी गटारीचे काम सुरु असताना संबधीत पाणीपुरवठा विभागाने जलवाहिनी कुठे आहे याची  माहिती दिली नसल्याचे  जॅकब चालकाने सांगितले. तर गटारीचे करतांना आम्हला विचारले नाही असे स्पष्टीकरण पाणीपुरवठा विभागाकडून देण्यात आल्याने एकमेकांवर जबाबदारी झटकण्याच्या काम सुरु आहे.मात्र या सर्व गोंधळात हजारो लिटर पाणी पाण्याची नासाडी झाल्याने नागरिकांनी नाराजी व्यक्त केली.  

महाराष्ट्राच्या क्रिकेट प्रेमाची ख्याती जगभर पोहोचवणारा व मिरवणारा आवाज या खेळातील संज्ञेप्रमाणेच अष्टपैलू व्यक्तिमत्त्वाच्या द्वारकानाथ संझगिरी यांच्या निधनामुळे आज निमाला, अशा शब्दांत मुख्यमंत्री देवेंद्र फडणवीस यांनी ज्येष्ठ क्रिकेट समीक्षक, लेखक द्वारकानाथ संझगिरी यांना श्रद्धांजली अर्पण केली आहे.

राजीनामा द्या नाहीतर इतर घोटाळे बाहेर काढेन; अंजली दमानियांचं धनंजय मुंडेंना ओपन चॅलेंज

करुणा मुंडे ही धनंजय मुंडे यांची पत्नीच - कौटुंबिक न्यायालयाचा निर्वाळा 

धनंजय मुंडे यांनी करुणा मुंडे यांच्यावर घरगुती हिंसाचार केल्याचा देखील न्यायालयाने दिलेल्या ऑर्डरमध्ये उल्लेख

करुणा मुंडे यांना महिन्याला 2 लाख पोटागी द्या, कोर्टाचा आदेश

राहुल सोलापूरकर यांच्या घराबाहेर सलग तिसऱ्या दिवशी पोलिसांचा मोठा बंदोबस्त 

कुठलाही अनुचित प्रकार घडू नये म्हणून पुणे पोलिसांकडून राहुल सोलापूरकर यांच्या निवासस्थानाबाहेर आजही पोलीस बंदोबस्त 

सोलापूरकर यांच्याविरोधात शिवप्रेमी आक्रमक 

सोलापूरकर यांच्यावर गुन्हा दाखल करत सोलापूरकरांनी माफी मागावी शिवप्रेमींची मागणी 

तर काल रात्री पोलीस अधिकाऱ्यांनी घेतली सोलापूरकर यांच्या परिवाराची भेट 

कायदा सुव्यवस्था राखण्यासाठी आज दिवसभर पुणे पोलिसांचा बंदोबस्त सोलापूरकर यांच्या निवासस्थाना बाहेर असणार

पुण्यात GBS चा वाढता आलेख 

पुण्यात GBS चे एकूण 170 संशयित रुग्ण 

यापैकी 33 पुणे पालिका हद्दीतील तर 86 रुग्ण पुणे उपनगरातील. पिंपरी चिंचवड मधील 20 रुग्ण आणि 21 रुग्ण पुणे ग्रामीण मधील तर 8 रुग्ण इतर जिल्ह्यातील

पुण्यात 62 रुग्ण ICU मध्ये तर 20 रुग्ण व्हेंटिलेटर वर 

GBS मुळे आत्तापर्यंत 5 रुग्णांचा मृत्यू

पुणे शहरात अनेक ठिकाणी आज पाणीपुरवठा बंद 

शहरातील मुख्य भागांमध्ये आज दिवसभर पाणीपुरवठा राहणार बंद 

शहरात अनेक ठिकाणी पाणीपुरवठा करणाऱ्या जलवाहिन्यांच्या दुरुस्तीसाठी शहरात पाणीपुरवठा बंद 

तर 7 फेब्रुवारीला उशिराने येणार पाणी 

पुण्यातील कात्रज परिसर, सहकारनगर परिसर ,बिबवेवाडी आणि सातारा रस्त्यावर असणाऱ्या काही भागांमध्ये पाणी पूर्वठा बंद

संजीवराजे निंबाळकर यांची आज देखील चौकशी सुरूच 

पुण्यात आज सलग दुसऱ्या दिवशी संजीवराजे निंबाळकर यांच्या घरी इनकम टॅक्स अधिकाऱ्यांकडून तपासणी सुरू 

संजीवराजे नाईक निंबाळकर यांच्या बंगल्यावर आणि गोविंद दूध डेअरी बाबत चौकशी सुरू

एकाचवेळी पुणे, फलटण येथील निवासस्थानी ही छापेमारी करण्यात आली आहे 

विविध ठिकाणचे आर्थिक व्यवहार याबाबत चौकशी अधिकारी यांच्याकडून सुरू आहे

मुंबई-आग्रा महामार्गा लगत आसलेल्या पांडव लेणी जवळील अंगण हॉटेल येथील सर्व्हिस रोडजवळ बुधवारी सायंकाळच्या सुमारास एका अज्ञात व्यक्तीने बिडी सिगारेट फेकल्याने आग लागल्याची चर्चा, काही क्षणात या आगीने रौद्र रूप धारण केल्याने आकाशात आगीचे उंच उंच लोळ दिसू लागले, सदर प्रकार नाशिक मुंबई महामार्गावरून प्रवास करणाऱ्या प्रवाशी आणि स्थानिक नागरिकांच्या लक्षात आल्याने त्यांनी तात्काळ जवळच्या अग्निशामक दलाला पाचारण केले. अग्निशामक दलाच्या  कर्मचाऱ्यांनी वेळीच आग बुजवण्याची प्रयत्न केले मात्र या आगीत सुशोबित दिसणारे छोटे झाडे जळून खाक झाले आहे. तसेच काही छोट्या जीवांची देखील हानी झाली आसल्याच बोललं जातंय. 

- नागपुरात कोंबड्यांमध्ये बर्ड फ्ल्यूची लागण, ताजबाग परिसरातील कोंबड्या मध्ये एच 5 एन 1 ची विषाणू आढळलाय

- भोपाळच्या भारतीय कृषी अनुसंधान परिषद, राष्ट्रीय उच्च सुरक्षा संस्था आणि पुणे येथील रोग अन्वेषण विभागात याची खातर जमा झाली..

- प्रयोग शाळेचा अहवाल प्राप्त झाल्यावर जिल्हा प्रशासन सतर्क, ताजबागसह आसपासचे 1 किमी परिसर बाधित क्षेत्र म्हणूण घोषित करण्यात आले आहे.

- बाधित क्षेत्रातील कोंबडी, अंडे, पक्षीखाद्य विक्री, खरेदी, करण्यास पुढील 21 दिवस प्रतिबंध लावण्यात आले आहे.

पैशाचा तगादा असह्य झाल्याने धाराशिव मधील 35 वर्षीय तरुणाने राहत्या घरामध्ये गळफास घेत आत्महत्या केलीय. गणेश वाघमारे असं या तरुणाचे नाव असून त्याने हॉटेल कामासाठी पाच हजार रुपयांची उचल घेतली होती. गणेश हा कामावर गेला असता तेथील तिघांनी पैसे परत मागत जाती वाचक शिवीगाळ केली. आणि पोलीस केसची धमकी दिली या त्रासाला कंटाळून या तरुणाने आपल्या राहत्या घरी गळफास घेत आत्महत्या केली. यावरून तिघांविरोधात आनंद नगर पोलीस ठाण्यात गुन्हा दाखल करण्यात आला आहे.

सरपंच संतोष देशमुख हत्या प्रकरणात संबंधित बातम्या का पाहतोस? असा जाब विचारत आरोपी कृष्णा आंधळेच्या मित्राने धारूर मधील एका तरुणाला बेदम मारहाण केली. या मारहाणीत अशोक मोहिते हा तरुण गंभीर जखमी असून त्याच्यावर अंबाजोगाईतील शासकीय रुग्णालयात उपचार सुरू आहेत. 

विकसित भारत 2047 यासाठी प्रधानमंत्री नरेंद्र मोदी यांच्या पथदर्शी कार्यक्रमास सुसंगत विकास आराखडा तयार करणे आणि त्याची प्रभावी अंमलबजावणी करणे गरजेचे असल्याचे प्रतिपादन मुख्यमंत्री देवेंद्र फडणवीस यांनी केले. नीती आयोगाचे मुख्य कार्यकारी अधिकारी बी. व्ही.आर. सुब्रह्मण्यम यांनी आज मुख्यमंत्री श्री फडणवीस यांची मेघदूत या निवासस्थानी सदिच्छा भेट घेतली.